NON MIRES, NON PIENSES, NON VOTES, NON VACUNES, NUN VAIGAS A DEXAR DE SER PATRIOTA, BONU, CABAL....

 

Maxinemos el fin del mundu por aciu l’impautu d’un meteoritu porque, masque hebia téunica pa safar d’ello, los políticos prefieren l’impautu a esvialu ya qu’esa roca tien oru y metales preciosos que convién garrar depués de que llegue a la Tierra, fecha falampernios, sin importar el dañu que faiga en tierres y países. La cobicia, el rancañu de  políticos y homes principales que sirven y se sirven del poder pa arriquecer más de lo que ya son, decidin el destín de la Tierra, y si la cosa va mal, tienen un plan d’emerxencia col qu’escapar a otros planetes en naves espaciales automátiques que buscarán planetes asemeyaos a la Tierra pa entamar de nueu.

Esta película tien muncha miga que dixerir, y amás de divertimento trai mensaxes nada subliminales colos que reflexionar. Los políticos tentarán enfrentar a la xente en bonos y malos, patriotas y vendíos, siempre dalgo que faiga que’l poder del políticu salga indemne d’una hipotética crítica popular. Nun mires arriba, nun te vacunes, nun pienses, nun seyas diferente…. Engañen a la xente. Ye lo que tien el ganao: necesita pastores.

El cachu película que xubo son los minutos finales.  Los científicos fexeron lo que pudieron pero los políticos, col gabitu de la prensa vendía al políticu, ganaron la partida y nun desvíen el cometa sinón que lu van frayar pa que caiga en cachos que puedan ser capturados, masque con ello hebia mareones qu’arramblen con tierres y propiedades de los pueblos de xunta la mar. Asina que solo queda axutáse cola familia y esperar el fin del mundo….

Espero que vos preste la reflexión en forma de filme.