Relaciones amoroses y clandestines, mala comida...

Nesti cachu vidiu hay una moralexa interesante sobre caltener una relación amorosa clandestina y lo qu'ello trai n'aspeutos como les amistaes, el trabayu y tolo cotidiano.

Dacuando, la nostalxa ye mala conseyera....

Nesti cachu película de "Adios, Lenin", l'autor fai tienra evocación de lo que foi un pasáu de velea pero que, piñerao pola nostalxa, parez menos malo de lo que foi. La dictadura comunista de la DDR, o Alemania Comunista, foi implacablemente invivible pa quienes nun sacaben porgüeyu d'ello, que yera la mayoría de la xente, como suel ser siempre. La policía política y el control afogante, la perda de conceutos humanistes en beneficiu de la oligarquía dominante, y otros munches coses que primíen l'alma del alemán "oriental" paecen, colos años, menos malo de lo que bramente yeren. Asina se pescancia qu'un direutor de cine faiga esta peli meciendo señardá polo malo perdío énte l'emburrie de la nueva sociedá "capitalista" na que nun se siente cómodo. Esti síndrome del "presu contentu" vese davezu cuando una persona s'afaya a un mediu, por terrible que seya, y col tiempu lu prefier a camudar d'ámbetu social. Dellos conocen esi síndrome como el del "presu istitucionalizáu". Pues eso, una película pa reflexionar sobre la barbarie piñerada pola señardá de la mocedá perdío y la falta de perspeutives, o de nun querer afrontales.