LA IMPRESCINDIBLE PRESENCIA D'ESPAÑA NA INDEPENDENCIA NORTEAMERICANO

Durante la presentación del llibru «Presencia de España en Norteamérica, la Provincia de La Florida 1508-1619: Un tributo a Juan Ponce de León» na Casa Bacardí el 30 d'abril de 2013, actu patrocináu pol Consuláu d'España y el Centru d'Estudios de la Florida Colonial, féxose esti perinteresante alderique alrodiu de la presencia española na América anglosaxona y l'ablucante escaezu que tien la España d'anguaño respective de la so historia americana, que nin conoz nin valora y, poro, nun se siente arguyosa d'ella. Ye permurnio oyer a los nuestros hermanos quexar de cómo España tien abandonao el so pasáu, contentándose con mirar hacia Europa cuando los verdaderos raigaños y futuru d'España tán n'América. A min conmoviéronme les pallabres del sacerdote que fala de la defensa d'esi pasáu pa tener un bon futuru. Nun se valora lo que nun se conoz. La España del sieglu XXI ta en manes de políticos ignorantes, cobardes y miserables pa cola gran herencia hispana nes Amériques, nel Asia de les Filipines y les islles del mar Pacíficu, asina como l'África guineano. Mientres otros glorien de fazañes que nun lleguen a la suela de lo fecho por España, n'España se vivi el pasáu cual amaláu d'autismu. Con razón, cuando la República Dominicana quinxo volver a ser parte d'España y ésta nun-y fexo caso, cunta esto nos sos llibros baxo l'epígrafe de "La España Boba". Ye lo qu'hai, pero espero que dalgún dia camude.

Como dacuando, tuvi de tarazar el videu en 2 cachos pol pilancu de nun poder xubir vídeos de más de 100 megues.

1/2

2/2

REUNIFICACIÓN CON CUBA Y PUERTO RICO SEGÚN ELLOS.....

Diz el títulu del videu: "Con España en 1897, los negros tenían más derechos que con Castro en el 2017"

....y Puerto Rico.....

TEISMU, ATEISMU, AGNOSTICISMU, TU MESMU.....

Na película "Gifted" hai un cachu interesante pa min, aquél nel que se confronta la pregunta de siempres y la rempuesta problemático. ¿Hai Dios? Podemos falar d'eso ensin poner nome pero la cosa va de si hai dalgo que ta perriba lo evidente o eso que ye la causa cabera de lo que ye. Dalgunos llámenlo "Too-lo-que-ye", y nun ye mal conceutu. La rempuesta tendrémosla toos cuando teamos xuntos ú quiera que seya. 

CHERNOBYL: MENTIRES Y INTEGRIDÁ

La prestosa serie de HBO "Chernobyl" lo ye pol mensaxe humano y de reconocimientu a quienes dieron la so vida pola vida d'otros. Esti cachu del final fala de les mentires como sistema de sobrevivencia, tanto de sistemes políticos como d'individuos. La verdá ¿bramente mos llibera? Xulgo se sí.