LA PELÍCULA
L'home entama a ser una especie en pelligru d'estinción. Les muyeres, fanatizaes por "femi-lloques" y "femi-nazis" allorien y emponen una ideoloxía totalitario que costrui una imaxe esborriosa y falsario de lo que ye ser home na sociedá d'anguaño.
Mientres vemos cómo espuxiguen los ratios de muyeres universitaries y na alministración público, y la xuba de subvenciones a grupos feministes, l'home aprovez arrequexau nun corneyal de la historia. Tal se diría que ser home ye pecau nesta dómina de totalitarismos, ente ellos, en de la nazificación feminista.
Como diz l'autora
Camille Paglia: "Sin l'home, la muyer nunca nun toviere salío de la cueva", pero agora esto nun se valora. El sectarismu totalitariu de ciertos ámbetos manzorgueros atenta escontra la igualdá énte la llei, y persigue el pensamientu independiente, espurriendo la censura pa con aquellos que ponen en dulda l'status-quo del feminismu y la muerte del nasciturus.
Esta película, en tres entregues, que se titula "La pastiella roxo" (recuerda la escoyeta que tuvo que facer el protagonista llamáu Neo énte la ufierta de dos pastielles, roxa y azul, na película MATRIX) ye un film estadounidense de 2016 dirixío pola criadora Cassie Jaye. La película esplora el movimientu de los derechos de los homes, entrevistando durante un añu a cabezaleros y seguidores d'esti movimientu d'arguyu varonil que pretende volver al planu d'iguadá énte la llei d'homes y muyeres qu'anguaño ta francio en porgüeyu de la muyer. La igualdá, nel intre d'esta entrada del blogue, ye pura engañifa ya que la muyer tien munchu más poder que l'home nel planu xurídicu y políticu.
Lo que nun diz la película ye que esta desigualdá nun ye casualidá. Hai un movimientu neomarxista que tien na so axenda l'enfrentamientu ente los sexos humanos como forma de semar malestar social que-yos permita conquistar poder políticu. El poder cultural ya ta en manes de la manzorga marxista.
Mángovos la película sotitulada n'español ya inglés en 3 cachos pol pilancu del tamañu másimu de videu que tengo nesta plataforma.
The Red Pill (2016) [La pastiella roxo]
