Relativismu moral

Cuando nenu, tenía les coses mui clares. Lo blanco yera blanco. Lo negro, negro yera. Pero, col decurrir de la vida, apaicieron munchos más collores. D’esmenu, había aspeutos de la vida que nun concasaben con solo dos perspeutives cromátiques. Sobra dicir que, equí, s’emplega el conceutu “collor” en sen metafóricu. Asina que, espuxigar, maurecer como persona, engrandar entendederes si se prefier, parez ser cosa de dir descubriendo la muncha gama cromático que tien la vida. Sicasí, cuido que nun todo ye amparase na riqueza de collores pa nun facer les coses “bien”, supuesto que lo que se conoz como “bien”, puea formulase como un absolutu de la esistencia.

En realidá, lo que se conoz como “bien”, y les sos variantes de bonal, correuto, etc, sí son entes absolutos, visto ello dende una perspeutiva “trespersonal”, ye dicir, más allá del puntu vista del observaor.
Cierto que la física cuántico diz que los güeyos del amu engorden al caball,u pero nun lo ye menos que l’home, animal de vezos, necesita sofitos, finxos, nel camín de la vida pa nun perder na esboligosa sienda de la xustificación.

Si el mal, o lo bonal, dependieran del antoxu del quien lo prautica o fai ¿diba ser posible costruir una sociedá moral, o éticamente vivible? Cuido que non.

Cuando hai años, quien sabi, me dixo que la llibertá incluyía la negación de la llibertá mesma, descubrí que, eso, nun incluyía, necesariamente, la inación o el combayamientu interesosu. Cierto que lo malo y lo bono son aspeutos de la mesma realidá pero, el que lo sían, non fai necesario prauticar aquelles verdaes que mos manquen  o que mancarán a otros. Tamién ye cuestión de sobrevivencia.

El vidiu ye interesante: