¿Qué fixeron los romanos por nós?

Esta reflesión de la película "La vida de Brian" ya memorable. ¿Qué fixeron los romanos por Asturies? Va 2.000 años que sometieron a Asturies, a sangre y fuéu, pero..... Bramente, ¿qué fixeron? Riámonos un migayu ensin escaecer los miles d'astures masacraos nel monte Telenu y nos munchos castros amburaos pol imperialismu rapiegu romanu, qu'arrampuñó homes y oru a la tierra celta de les Asturies astures. Duru destín el del pueblu vencíu y sometíu al xugu del vencedor.

Lleiciones de la II Griesca Mundial: Porqués de derrota y fin d'imperiu

Nesta esbilla de vídeos faise una interesante reflesión sobre los porqués de la derrota del xapón belicista d'entamos del sieglu venti, y el fin del imperiu británicu.

1- LA DERROTA DE XAPÓN.

2.- EL FIN DEL IMPERIU BRITÁNICU

5 babayaes cinematográfiques memorables. Santa basoria

Pa rise un pocu.... Una tartaruga disecao, un cocodrilu de plásticu, un dinosauriu que come muñeques (con tetina censurao), un amazcaráu italianu y, por fin, Santo, l'amazcaráu de plata. ¡¡¡ Vaya ensame payasos !!!!

Ánxeles y Ciencia. L'absurdu intentu de racionalizar lo trescendente

Esti documental alrodiu los "ánxeles" o entes fantasmales que s'aparecen a della xente, y l'intentu de la so desplicación acudiendo a les cadarmes superiores cerebrales ye de comedia. Al fin del reportaxe, ún de los científicos tien de reconocer que, a lo cabero, nun hai desplicación cierta. Pa llegar a esi finxu nun facía falta tantu camín. Lo trescendente lo ye, y puntu. Véilo:

Cánticu de la Sestaferia, o cómo la comunidá echa una manu

Esti cachu de la peli "Únicu testigu" ye un verdaderu tributu a la istitución de la "sestaferia" o reunión a comuña de xente del pueblu pa facer dalgo útil a la comunidá o a ún miembru de la mesma. Prestoso, nesti casu, l'exemplu de los "amish".

Prexuicios y babayaes

Los comentarios d'esti reportax son pa premiu. Critiquen l'etnocentrismu de la piel blanca, pero cuando se fain películes como "55 días en Pekin" en Madrid ¿d'ú saques miles de figurantes chinos na España de 1970? Les películes, como tou productu cultural, tienen que se contemplar col referente históricu nel que se fain, non colos güeyos del presente. Si los negros n'USA yeren esclavos na dómina dieciochesca ¿una película d'esa dómina nun tien de tener negros? Cuando se fala de prexuicios, el primeru d'ellos ye nun dase cuenta de que TÚ yes el primer prexuiciu a denunciar.

¿Amor imposible?

Esti cachu de la peli "Únicu testigu" ye interesante. Amás de ruxir de nuevu el canciu de
Sam Cooke: "Wonderful World" plantea el etenru tema de la oportunidá amotoria perdío por nun atrevese a esperimentalo....

¿Cómo ye una muerte babayo y doloroso?

Esti clásicu filme de baxu presupuestu y baxu guión cinematográficu dá más risa que pena. Impagable

Psicotrópicos pa ayudar a morrer

Esti reportax ye interesante al falar del usu de drogues psicotrópiques, como el LSD y otros derivados del ácidu lisérxicu, pal tratamientu de l'angustia énte la muerte. Veilo.