¿Cómo se tien de preparar un mozu pa l'atopu cola amada?

Esta ye una situación que da grandes intres de folixa y esmolecimientu al nenu primerizu, (y al non tan nenu) cuando anda tres l'amor d'una nena. La muyer ye un misteriu pal home, mesmo que lo ye pa la muyer masque pa ésta nun seya tanto misteriu saber qué quier l'home de la muyer. Nesti cachu de la serie de dibuxos animaos Gumball, trátase de la teoría y práutica alrodiu de l'atopu, la cita, el rendez vous. Del atopu del hérue Gumball cola nena que-y presta, y de los conseyos que recibe del hermanu, hermana y pá. Prestoso, al empar que sabichiego.... Véilo.

El fascismu militar: España baxo'l xugu de los xenerales corruptos

Esti vídeu denuncia la supercadarma militarista que n'España caltién una élite militar corrupta. Un teníente del exércitu español fexo un llibru entituláu UN PASU AL FRENTE. L'autor, Luis Gonzalo Segura, ta presu nesti momentu d'escribir estes llinies, y pendiente d'una condena de cárcele de pelo menos 6 años, amás de la espulsión del exércitu. Tal vez pueda ser asesináu si la cosa va mal, pues el fascismu tien munches cares y munches manes lu sirven. Vaiga esti videu como denuncia de la falta de llibertá y tresparencia nel mundu militar español, y la complicidá de los polítcos españoles pa con esa amazcarada dictadura de xefes y xenerales corruptos y puzcalabres.

El sitiu La Cueva del Corcuspín  fexo esti reportax al teniente:

Cuando un home amuesa de qué pie acoxa ¿qué fai la muyer?

La rempuesta ye

Hestoria del axente secretu "SICRE".

Esti documental alrodiu del axente secretu Ricardo Sicre. Un catalán, supuestu progresista, que combalechará con toudiós p'aprovechase de toudiós. Al final, la ideoloxía nun yera otro que les perres. La meyor bandera. Pué ser. Un home que merecería una película pues, más allá de la inconsistencia moral o ética, dafechu que tevo una vida axitao, aventurero y prestoso. Veilo en dos partes...

Parte 1/2

Parte 2/2

¿Qué ye, o cómo se pue pescanciar, ser un bon amante?

Esti cachu de la serie norteamericano "2 homes y mediu" ye prestoso. ¿Qué ye ser un bon amante? Les comparances siempre train duelgu a ún de los comparaos. Y mientres te compares nun vives. Babayo, ¿acuéi'  Veilo...

TXBH. Mindundi, o el inconveniente de que te llamen "racista"...

Nesti cachu de la serie canadiense "Cámara Café" adautada a la pisque hispana, la cosa de la emigración se trata con mucho humor. Un negru nun pue ser negru n'España, al menos nun se-y puede dicir esa pallabra pa llamalu como lo que ye, negru. La primer discriminación del negru ye, por facé-y un favor, negá-y la collor de la piel... Darréu d'ello vien la babayada del sentimientu d'inferioridá del español mediu, roceanu por que nun lu llamen "xenófobu", racísta o lo que seya. Con bon humor, la cosa se pescancia meyor...

De nenu, en blanco y negro, la tele me traía la serie UFO...

De nenu, alcuérdome d'una serie televisiva, que veía en blanco y negro nun aparatu televisión que furrulaba a llámpares y vibraba cuando arrancaba. Aquella serie falaba d'estraterrestres y xente en llucha pola sobrevivencia de la Tierra. Años depués alcontré cachos d'aquella serie, UFO, que yera de los años de la década de 1970, británica por más señes. Cola perspeutiva que da el tiempu, la cosa del futuru que s'arrevelaba na serie suena agora infantil dafechu, por non valorar la moda y vestimenta que se poníen los actores pa semeyar "más futuribles".  La serie ye de 1970 y nella se proyeuta un futuro de risión allugáu nos años 1980. Como siempres, cuando queremos describir un futuru a base desendolcar hipotéticamente un presente, fallamos. El futuru naide lo conoz, pero como diversión ta bien imaxinalu.

Hai tenrura abondo na visión d'aquel pasáu que quería representar un futuru probable . Véi cómo entamaba la serie....

¿Facese'l babayu pa pasalo bien?.... Nin bono nin malo: sobrevivir.

A vueltes,  asocede que tenemos d'amazcaramos col ámbetu dominante pa nun ser refugaos nel mediu social en que se vivi. Talo se reflesiona nesti capítulu de la serie Gumball. La nena, que ye "llista" pero s'aburre, prefier ser "babaya" (siquier 1 solo día) pa participar na diversión de los sos hermanos y pá. En realidá les coses nun son tan complicaes, y tolos sabores y colores, mesmo emocionales y sociales, son necesarios p'aperiar esi especial "arcu la vieya social", que ye eso, la nuesa sociedá humano. Véilo.

¿Qué ye ser un home? ¿Cuálu, el valor del machu de familia?

Esti cachu de la serie Gumball nel que l'home, el pá de familia, siéntese amenorgáu énte la esposa, quien amosa tener más intelixencia y remangu nel gobiernu de la familia, ye pa rir y pa meditar.

La ira, fía güerfano del miéu y la desesperación...

Esti cachu vídeu de la serie "Llinterna verdi" (Green Lantern) trai una reflesión clásico alrodiu de la ira. La filosofía ocidental tamién trata esti clásicu tema emocional pero ye la oriental la que más puxu tien, especialmente na versión budhista que fala de los "velenos" de la mente. Diz el mozu "pacetible" que s'enfrenta al cabréu bermeyu, que la ira nin tien sabor nin poder dafechu, que ye fía gúérfano de la rocea y la desesperación. Razón hai nestes pallabres que suenen en munches películes y llibros de sabor oriental...

"Nun me toques"...

De todas las historias que voy leyendo, ésta sobre "no me toques" es muy sugerente. Si nos fijamos, el frío que siente la protagonista indica que su familiar no está todavía en el mundo espiritual, sino en el llamado "bajo astral". Por lo demás, y siguiendo a Newton y a la tradición espiritista, el detalle de seguir el camino espiritual desenganchándose de ataduras "terrenas" es revelador.

De toles hestories que voi lleendo, esta entitulada "nun me toques" ye persuxerente. Si mos decatamos del fríu que diz sintir la mocina del rellatu, s'esclaria que'l so familiar nun ta inda nel mundu espiritual, sinón nel apellidáu "baxu astral". Darréu d'esto, y acordies con Michael Newton y la tradición espiritista, el detalle de siguir camín esarreyando de lligames "terrenales" ye arrevelaor. Vei esti videu y ya cuntaréis..

TXBH Vietnam: la griesca-espectáculu

Hai poco que dicir alrodiu de la griesca del Vietnam. Quiciabes restolar los entamos del procesu nel colonialismu francés, pero nesti casu la gran máquina de propaganda norteamericano fixo una reflesión interesante de mano del Sr. Gibson, nesti casu actor y direutor del cachu peli qu'equí vos mango..

Viaxes espaciales, furacos de merucu y cosciencia

Nesti resume, fálase d'hiipotéticos viaxes espaciales usando los llamaos "Furacos de Merucu" que permitiríen coneutar dos espacios universales d'un mesmu planu, pero tando ésti abangáu sobres sigo mesmu. Y, tamién, lo que podría llamase, la "Preba d'Evolución o Sobrevivencia Teunolóxico", nel sen de cómo una civilización podría tener, o non, arreblagao el problema de sobrevivir a la propia teunoloxía desendolcao pola evolución de la civilización. Finalmente, se fala de la conciencia como resultáu "normal" de la evolución del universu.

Escales cronolóxiques relatives pa pescanciar el tiempu del universu

Veamos una escala de tiempu que permite tener cabal conocencia, relativa, del nuesu puestu, como humanos, nel ámbetu cronolóxicu del universu conocíu...

TXBH. LA GRAN GRIESCA. La hora del Armisticiu.

La Gran Griesca del 1914 acabó el día 11 del mes 11, a les 11 hores. Too, por una estupidez esteticista. Ya se teníen rendío los alemanes, pero los xenerales queríen una fecha "guapa" pa recordar. Ente la rendición fáctica y la "guapa" morrienron más de 10. 000 homes (repito: DIEZ MIL HOMES) por puru antoxu de los carniceros de salón. Veamos esti cachu de vídeu..

Nun ye una ECM, sinón postmortem, o casi. La hestoria de Suso.

Nel llibru de JJ Benítez, "Toi bien", hai xugoses y prestoses hestories d'apariciones de xente fallecío. Esta que se llama "Suso, nun sé qué pasa" ta pasao a audiu pa la reflesión personal. Hai otros mundos y tan aende fuera...

¿Cuála ye la diferencia ente un simplayu y un xefe? Da lo igual cómo lo llames....

La primer revolución (seya económica, políticaca o social) tien de ser mental. Un probe lo ye porque, nel fondu, aspira a ricu pero conforma (siquier incoscientemente) cola probeza, que ye lo que conoz perbien. Lo primero pa xubir la escala social suel ser la mentalización d'esa posibilidá y, darréu d'ello, tener un poco de remangu y idées clares, un orde d'execución d'un proyeutu, y dalgo de suerte (non muncha, daveres).

Nesti cachu videu de la serie norteamericano, Fast&Loud vése como los emplegaos del xefe nunca dexarán de ser lo que son: simplayos. Y el xefe, por supuesto, siguirá nel so papel superior. ¿O non?

Los nuesos primos.... NON tan primos. Del chimpacé al bonobu.

Esta esbilla de monos, dende'l chimpancé al bonobu, amuesa cómo son les relaciones de poder, política, griesca, esplotación... y los pasos que dan dellos primates pa sobrevivir nun entornu non siempre amañoso. A lo cabero del vídeu bien una perbona reflexión: meyor ser bonobu que chimpancé.

L'usu de mures y aguarones en beneficiu del home y la ciencia

El programa TED fexo esti reportax sobre l'usu de roedores na ciencia y la sociedá humano.

La intelixencia femenino nun tien llendes. Mesmo encerrada en cuerpu infantil

Esta reflesión sobre cómo una nenina pué algamar lo que quier, en llucha con otros, ye toa una declaración d'entamos. Asina ye, perriba lo cómico y risondero del dibuxu animáu. Nesti capítulu de Gumball, la hermana ye mui, mui sabio, y sabichero. En resume: la nena tien el "mandu"... y non solo de la televisión.

¿Cuánto espurre l'espaciu d'influencia solar nel universu cercanu?

Esti reportax establez hasta onde llega la influencia del Sol nel espaciu galácticu. Pa ello s'usa una escala relativo consistente na distancia del Sol a la Tierra como factor unitariu.

Unes rises colos filósofos presocráticos y el Sr. Mota

Una madre siempre quier lo meyor pa los fíos... ¿o non?

Nesti vídeu de Gumball, la má del neneu quier facelu fuerte, quier preparálu pa lluchar na vida. Pero la cosa ye que también importa lo que quier el nenu... Interesante reflesión alrodiu de la competitividá y lo implacable de la vida

TXBH. LA GRAN GRIESCA. 6/6. 1918

En 1918 se pasa de la desesperación, a la victoria unos y a la derrota, otros. O al armisticio, un eufemismu que condergará a Alemaña, y a Europa, a otra griesca...

VOLVER AL ÍNDIZ - TOLOS VIDEOS

TXBH. LA GRAN GRIESCA. 5/6. 1917

En 1917 los xenerales franceses dicíen que diben entamar una ofensiva que diba acabar con aquello, y con toles futures griesques.... Y la cosa salió como siempres. Carne de cañón gratis pa la comida del xeneral de turno...

VOLVER AL ÍNDIZ - VER TOLOS VÍDEOS

TXBH. LA GRAN GRIESCA. 4/6. 1916

L'añu 1916 diz el documental que foi el de la rabia de vencer. Diben a pelear per unos meses y ya llevaben 2 años de muerte. Pero ún avézase a tóo, dicin los vieyos....

VOLVER AL ÍNDIZ - VER TOLOS VÍDEOS

TXBH. LA GRAN GRIESCA. 3/6. 1915

L'añu 1915 foi el de la "cruzada". Dende'l llau francés, que ye d'ú vien esti documental, la cosa diba por defender les esencies humanistes y cristianes frente al degorriu inhumanu alemán, calvinista y luteranu.... Veilo.

VOLVER AL ÍNDIZ - VER TOLOS VÍDEOS

TXBH. LA GRAN GRIESCA. 2/6. 1914

Reflesión alrodiu de los conceutos d'honor y odiu. Fueron los motores de la griesca, amás de los intereses hexemónicos de les llamaes "potencies" europees. Afortunadamente había carne de cañón ambute pa la diversión de los poderosos. Veámoslu....

ÍNDIZ - VER TOLOS VÍDEOS

TXBH. LA GRAN GRIESCA. 1/6. ENTAMU Y PRESENTACION

TRATÁU XENERAL DE LA BABAYADA HUMANO (TXBH).

Baxo esti epígrafe voi dir mangando nel blogue tolo qu'esbille alrodiu de la babayada humano (que ye muncho), como siempre con soporte videográficu. La primer entrega va ser sobre la llamao "Gran Griesca" europea del añu 1914, situación bélica qu'espurrió hasta l'añu 1918, cuando l'Alemaña del "kaiser" Guillermu aceutó l'armisticiu baxo condiciones vergoñantes y onerosísimes que presaxaben l'alvenimientu de futuros problemes, como asina foi. Esta "Gran Griesca", (que depués foi apellidada "I Griesca Mundial" por comparanza cola segunda qu'emprimó cola Alemaña de Dolfu Hitler invadiendo Poloña) foi l'entamu d'una conceución de la griesca bélico como parte de la industria d'un país.

Los videos vienen de fonte francesa y inglesa. Si algamare otros, diré xubiéndolos, pero meciós con otros. Usando les etiquetes podrá lleese los dixebraos capítulos d'esti orixinal "tratáu". Entamará too ello colos videos que reflexen el pensamientu d'un soldáu francés, nun documental del añu 2008 que punxo n'antena la canal española La2 nel so espaciu "La Nueche Temático".

LA GRAN GRIESCA EUROPEO (1914 - 1918)

Primer videu.  Introdución y resume de lo que serán los prósimos cincu, ca ún d'ellos dedicáu al añu correspondiente.

INDIZ - TOLOS VIDEOS

• 1914 - HONOR Y ODIU
• 1915 - LA CRUZADA
• 1916 - LA RABIA DE VENCER
• 1917 - LA CABERA DE LES CABERES
• 1918 - LA ENERXÍA DE LA DESESPERACIÓN