El trunfu de tou mal tien les sos llendes....

--- y dalgunes d'elles, sorprendentes.

¿Cómo esparder el mal sin que'l bien lo sepa?

Neto que'l gran trunfu del diañu ye'l que se camente que nun esiste, mesmo asina tien d'amazcarase'l mal en forma de llinguaxe equívoco y pose amable pa sobrevivir y trunfar..

Esti curtiu animáu plantéa, usando la paradoxa, cómo el racismu pué facese pasar por dalgo amistoso y bonal, dalgo que, a conquistadores británicos nesti casu, o a  racistes y mala xente en xeneral pue facer pasar por hermanos de la caridá. Ye una especie de "matámoste, más que nada por facete un favor, pues el racista yes tú, prubin". La mala calidá de videu se disculpa polo bonal del mensaxe. Que vos preste.

¿Cuándo vas esconsoñar d'esa complacencia?

Cada vegada ye más evidente que ye necesario camudar pa sobrevivir.

Queda'l tiempu xustu pa decatase de que YA, nun queda tiempu.

La nuesa mayor rocea, el más grande miéu, ye...

Frase clásica de la peli ENTRENADOR CARTER provenientes d’un testu de MARIANNE WILLIAMSON del so llibru "VOLVER AL AMOR".

“La nuesa mayor rocea ye’l nun concasar. El nuesu mayor miéu ye’l tener una fuerza descomanao. Ye la nuesa llume, y non la escura, lo que más mos acuruxa. Amenorgáse non ayuda al mundu. Nun ye intelixente encoyése pa que los otros se sientan inseguros al to rodiu. Toos tendríemos de rescamplar neto que los nenos. Nun ye cosa d’unos pocos, sinón de toos. Y al dexar rescamplar la nuesa propia llume, incoscientemente apurrimos permisu a que los demás faigan lo mesmo. Al lliberamos del nuesu miéu, la nuesa mera presencia llibera dafechu, automáticamente, a otros...”

Nesti cachu peli l'entrenador recibe, de mano, la refuga de bona parte de la comunidá escolar por enfotase primero nos estudios y, depués, nel deporte. Pero los sos alumnos van agradecé-y lo que fai por ellos dándomos una lleición a toon nós.... Veámoslo.

Trucos d'escritor o cómo llegar al coral femenín

Esti cachu del film "DESCUBRIENDO A FORRESTER" ye prestoso de comentar.

L'escritor nóvel entrúgase si cola lliteratura ún pue empareyase fácilmente, y l'escritor en retirada esclária-ylo con cierto humor. Pero amás, da-y una pista de cómo llegar al coral d'una muyer: sorpresa en momentu sorpresivu, esa ye la llave p'abrir el corazón d'una fémina. En realidad, eso val pa cualquier coral humanu.

La muerte d'un babuín

Esti cachu película sobre la vida de los babuinos ta esbillao pa amosar cómo ven los humanos la muerte. Siendo cierto que morrer nun ye nada estraordinario, y ente los seres vivos ye dalgo "natural", ente los humanos sigui siendo cosa estraordinario, cargao de tabús y misterios. Poro ye que se suel tratar d'una forma emocional o vergoñosa. Equí, la muerte de la cría nun ye más -nin menos- que la forma en que la Naturaleza recicla la enerxía que xenerosamente apurre a lo que llamamos "vida"