La España puzcalabre, encancanada, esfarrapada, furtada, estocinada...

Nel programa de la canal española, LaSexta, l'escritor Pérez Reverte reflesiona alrodiu d'España, los españoles y la crisis económica del 2008.

El fin de la privacidá. Internet dexa de ser un totum-revolutum pa pasar a ser un totum-controlatum

Nun vos creer a salvo del control por usar la rede internet. Usar encriptación no qu'escribais, y si podéis, cuidaivos de lo que falais. La rede nun ye "terra nullius": los gobiernos te controlen dafechu

Esti resume de un videucartafueyu emitíu na canal española La2 pon coruxía en cuerpu

Facismu Ciberespacial: el Gran Hermanu vixila y estrapaya

La rede internet ye, agora, una gran corripia d'internamientu cuasi penal, igual qu'un campu de concentración en que mos coloquen los gobiernos para controlamos dafechu. Podemos mirar pa otru llau, cierto, pero eso nun fai que seya menos afogante esta falta de llibertá que mos lleva al fascio-comunismu totalitariu, y tóo ello lo fain cola sida de la "seguridá". Entruguémonos: ¿la seguridá de quién?

Educar pa la creatividá.

Dacuando camiento qu'educar nun ye otra cosa que castrar la intelixencia del educandu... Pero hai formes dixebraes d'educar. Equí podemos ver una interesante reflesión.

L'agricultura como camín de rexeneración social

Esti vídeu amuesa cómo una idea aparentemente simplayo (plantar vexetales alimenticios aprovechando el tarrén valeru d'una ciudá) pue camudase, pa bien, una comunidá.

Sistemes bancarios sociales (o solidarios)

Esti videucartafueyu (o reportax, si se prefier) que la canal de televisión española La2 fexo alrodiu los sistemes de financiación por aciu de monedes llamaes "sociales" o alternatives a la moneda oficial (nesti casu al euru y a la llibra esterlina nel casu de la ciudá de Bristol) ye perinteresante. Sobremanera ye lo que, al final, la enonomista Susana Martín (autora del llibru "Nada está perdido") diz sobre la auténtica realidá de la falsa dicotomía d'elleición ente la economía productiva frente a la especulativa. Los ciudadanos tenemos d'adeprender a remanar los nuesos dineros, la nuesa economía, pa evitar caer en manes de los especuladores y xente engañaor. Interesante

Tóo entama con un cachu de la peli "¡Qué guapo ye vivir!" y depués vien el videucartafueyu de La2....Fai pensar la cosa, sí.

Piaggio MP3, anuevamientu inxeniosu

¿Tres ye meyor que dos? O si se prefier: ¿ 3>2 ?

La esperiencia diz que sí. Piaggio ye preba d'ello. Nesti videu se presenten dellos aspeutos del vehículu llamáu "mp3", qu'anguaño tien cilindraes de 125 cc, 300 cc y 500 cc y hasta nun hai muncho tenía motores de 250 cc y 400 cc cuando apaició nel mercáu de la motocicleta, allá pel añu 2006. Gracies a la variante "LT" pue llevase esta "moto" o triciclu con permisu de guía d'autu. Interesante.