Alcordanza d'otres vides en nenos

Sexadictos: el biyar nun va finar....

El sexu como malura, adicción y esclavitú. Interesante reportax del añu 2015.

La dulda ofiende neso de la cama

Los homes dicin que elles mienten más que mexen durante dieta acuoso. Esti cachu peli da una pista de lo bono que son simulando un orgasmu.

¿Un dios sexual?

Esti cachu de la vieya película "Qué piensen les muyeres" ye inescaecible. Y reflexa un vieyu tópicu: si nun home ye "sensible" tien de ser marnfloritu. Grave erru, pero la risión ta asegurao.

¿Por qué me sapoces equí?

El títulu pué paecer daqué encambriolao pero tien el so aquel. Nesti casu de JJ Benítez se mos apurre una serie de datos que nun despliquen el porqué un cuerpu enterrao nun sitiu ye, poques hores mediante, darréu esapozao pa volver enterráse nun llugar que parez ser el que'l fináu quería primero de morrer, ello ye, cabo la so muyer. Da pa pensar.

Lo que-y presta a la muyer.... ¿solo canadiense?

Primero d'entamar una serie de nuevos videos alrodiu del llibru de JJ. Benítez "Toi bien" (ya punxi dalgún hai tiempu), esti reportax d'una televisión de Canadá sobre lo que bramente quieren (sexualmente falando) les muyeres d'anguaño parez amañoso y, al empar, paradóxico pues bona parte de la fema mundial inda ta preso de la lloca secta islámico en cuantes a la so autonomía personal y consideración igualitaria frente al macho de la especie animal llamao humano. ¿Evolución frente a involución?. Lo que los homes quieren (falando d'esti campu) nun ye misterioso.  Como davezu nesti tipu de material, y por pilancos que cinquen al tamañu del videu qu' impón l'agospiador, mángolu en dos entregues.

1/2

2/2

Nun siempre ye fácil despidise...

Esti capítulu de Gumball tien el so aquel...

Sahara Ocidental: la cabera, y vergoñosa colonia española escaecida

Mas que-y pueda llevar xera a daquíen el Sahara Ocidental inda ye la cabera colonia española, tamién conocía como "Sahara español". Los dixebraos gobiernos de la democracia española refuguen reconocélo dende que'l gobiernu predemocráticu del morrentante dictador Francisco Franco robló en Madrid, el 14 de noviembre de 1976 un alcuerdu que repartía ente Marruecos y Mauritana "la alministración del territoriu". Pero dende'l puntu de vista del derechu internacional, España tovía ye la "potencia alministradora" d'esi territoriu norteafricanu mientres nun hebia un procesu regláu de descolonización.

Marruecos ye'l país ocupante d'esi territoriu, y tol so enfotu ye desaniciar, matar, estocinar a la población saharaui autóctono, camudándola por marroquíes que vienen a ocupar la colonia por aciu una vida subvencionao, y vien torgando, poniendo toa mena de pilancos, los intentos de la ONU pa facer el referendu d'independencia pendiente. Les matances y abusos de Marruecos se toleren col silenciu cómpliz d'España, el sofitu de Francia y los USA, y la mesma ONU nun fai otro que mirar pa otru lláu mientres la población vivi na miseria y ye asesinao. Esta vergoña ya dura dende 1976. Sáhara: un pueblu mártir del fascismu y expansionismu marroquí, y de la indiferencia de los gobiernos d'España. Nesti videu s'esbilla un reportax de la canal rusa RT, acompangao con música saharaui.

• visión española del conflictu (nes wikipedies) 
• vision francesa:
• vision norteamericano

Los papeles de Panamá y el xuéu que dan los abogaos.

Panamá va tiempu que quier ser l'alternativa a Suiza. Dende que ésta robló acuerdos d'intercambeu d'información con varios países europeos Panamá ganó fama de ser una Suiza con meyor tiempu climáticu. Y darréu d'ello ta l'importante papel de los abogaos, auténticos artífices del inventu fiscal. Pero nun hai qu'escaecer la falta d'ética y moral de quien decide enfilar l'escobiu del fraude social y la insolidaridá que s'escuende baxo'l mantu egoísta d'alforxar tolo propio.

Afganistán o cómo los talibanes camuden al Daesh, siempre col negociu de la droga

Nesti reportaxe de la canal ruso RT se trata de la deriva de los talibanes haza el Daesh, eso sí, el negociu de la droga siempre ta presente.

Eutanasia. La bona muerte o'l derechu a colar d'esti mundu cuando a ún-y pete...

Nel capítulu 18 de la tercera temporada de la serie "El Mentalista" hai una escena conmovedora. El mocín (que ye asina como llamábemos los guah.es al protagonista d'una película), Patrick, echa una mano a un personaxe que, amaláu dafechu, decide suicidáse. Ya falé del suicidiu n'anteriores entregues, asina que nun fai falta más espirica. Hai cierta tenrura y humanidá nesti cachín.

Cómo facer l'amor (bien) a la muyer si yes home desinformáu

En clave d'umor, esti documental inglés cúntamos l'aventura y desventura d'un home que quier pasálo meyor que davezu cola compañera de cama.... La conocencia ye poder, diz l'entamu....

¿Yes un home, ho?

Esta vieya película, pionera en cincar la homosexualidá en clave d'humor, siempre ye prestosa de ver, n'especial el intre nel que 'l mocín quier negáse como manfloritu. Toa una lleción de normalidá

a veces lleguen cartes...

Sic transit gloria mundi

L'home "ocidental" siente'l válamu d'averáse a lo valero. Lo valero de xacíu. Lo valero de cuanto-y arrodia. Lo valero del so interior. Vivir nun mundu enllenu de "coses" parez que nun tien cuenta cuando nun tienes lo que fai qu'eses "coses" tean baxo'l to imperium. Educáu na alienación, naces orixinal y acabes morriendo como fotocopia. Fotocopia d'otros. Fotocopia de fotocopies. Copia. Semeya. Pintura. Inorixinal.

    Pero l'home d'esi "ocidente" nun se decata de que lo valero solo lo ye por suxetiva percepción. Lo valero nun ye él. Lo valero nun ta afuera. Lo valero ye parte de lo enlleno. Y el mundu valero que se-y antoxa velea nun ye otra cosa qu'un xingón que da la vida pa qu'esconsoñe y vea más alló del finxu'l Sol. Porque hai otros homes. Hai otra xente. Hai otres tierres. Hai otres realidaes que vivir, valeres o non.

    Esti vidiu ye una visión parcial del mundu. Una xirigoncia que solo ye verdá cuando vivis na prisión qu'escoyisti pa espuxigar. Sicasí, el mensaxe ye bonal. Ye comeniente. Ye necesario, tamién.

CAPITALISMU: El factor humanu. Karl Polanyi

¿Dafechu ye que nihil novum sub sole est? La historia ye espurrío y la economía ye tan vieyo como la humanidá pensante. De Sumeria a Grecia, del imperiu Romanu al Español o el USA, tóo acaba siendo númberos, riqueza y probeza. El denominador común de todo esto ye l'home: victima o verdugu. Esta ye'l caberu capítulu

1/2

2/2

<<<<<<<< CAPÍTULU ANTERIOR (Hayes, Keynes, Friedman) 

CAPITALISMU: Dexar facer o facer pa nun dexar. De Hayek a Keynes pasando per Friedman

Esti capítulu 5 de la serie ye mui interesante. De cómo la Primer Griesca Mundial traxo toles otres... más o menos. Lo cierto ye que el capitalismu florez con ésitu tres la guerra...

1/2

2/2

<< CAPÍTULU ANTERIOR (Karl Marx)         CABERU CAPÍTULU (Karl Polanyi) >>

Dios según la neurociencia, la psicoloxía y Brain Games

Una cosa inaprehensible,...¿aprehendío?....

Alrodiu de la moralidá, el bien, el mal, lo correuto y comeniente

Brain Games estudia lo moral nesti documental

CAPITALISMU: Carlos Marx o un cristianismu económicu ensin dios aparente

Siguiendo cola serie alrodiu del Capitalismu equí atopámonos con Carlos Marx, supuestu fundador del comunismu. Si bien se mira, el comunismu nun ye otra cosa que'l  pruductu d'un crisitanismu igualitarista no socioeconómico y nesi sen podría pasar por una relixón al mou clásico na que'l so dios sería la "xusticia social" y los sacerdotes los guardianes de la ortodoxia de la doctrina revelao: el llibru "El capital". La historia ya mos diz el resultáu que dio la práutica d'esa "relixón" enllena de bones intenciones pero que cristalizó en rexímenes totalitarios al marxe de la teoría marxista..... Y ye que ún de los secretos de la felicidá humano ye tener enllenu 'l butiellu.

1/2

2/2

 << CAPÍTULU ANTERIOR      CAPITULU SIGUIENTE (Hayes, Keynes, Friedma) >>

CAPITALISMU: De la Teoría del Mercáu Global a la realidá de la miseria global

Tráigovos en 2 partes esti videocartafueyu alrodiu del capitalismu que punxo nel aire la canal Odisea. Forma parte d'un ensame de seis documentales dirixíos por Ivan Ziv que repasen l'aniciu teóricu en que sofita la doctrina capitalista al traviés de la xente, economista o non, qu'imaxinó un sistema de produción de riqueza ordenando los factores de produición. La verdá ta aende afuera....

1/2

2/2

SIGUIENTE CAPÍTULU (Karl Marx ) >>>

Cagüercu de campesín

En 1981 la canal brasileño TVGlobo fixo esta telenovela entitulada "Morte e Vida de Severina" con guión de João Cabral de Melo Neto, música de Chico Buarques y parte del elencu de la película dirixío por Zelito Vianna del mesmu títulu (1977). Nesti cachu de la peli, la muerte d'un campesín que trabaya nel típicu latifundiu brasileñu sirve de denuncia de la cuasi-esclavitú na que vivíen (ya inda viven) los prietos brasileños y, en xeneral, la xente campesino sometío a la maquinaria latifundista. Anguaño pue parecer dalgo antiguu pero daveres que nun lo ye porque siguin los latifundios y los abusos d'antanu amazcaraos en multinacionales que poséen, o son dueñes, de tola produción agrícola d'amplies fasteres cultivables del mundu. Multinacionales qu'especulen colos precios de les materies primes, con monopolios en cultivos como la soya o el maiz porque son dueñes de patentes biolóxiques que fain d'eses colleches la ruina del campesín tradicional. Y esto pasa col sofitu de los gobiernos de turnu. Nada ye inocente. D'otra cote, el canciu de Tania Alves tamién dexa ver la inxusticia del repartu de la tierra, dalgo crónico nel sistema brasileñu de latifundios. Tovía güei maten a xente campesino los "fazendeiros", los facendaos brasileños qu'enponen precios y esclavitú no "mato brasileiro", con muertos como Chico Mendes y otros que quieren salvar la selva y ecosistema brasileño. Pa reflesionar

Entierru d'un llabrador 

(traduición de C. Alvarez -2002-)

 Orixinal portugués al final

Goces d'un furacu d'unos pocos palmos

Ye lo qu'aforrasti sirviendo a los amos

CORU: Ye lo qu'aforrasti sirviendo a los amos

Tamañu amañosu, nin llargu nin fundu

Ye lo que te lleves d'esti latifundiu

CORU: Ye lo que te lleves d'esti latifundiu

Furaca entera y non compartida.

Reforma agraria que queríes en vida

CORU: Reforma agraria que queríes en vida

Cagüercu abondosu pa cuerpu difuntu

Au tarás meyor que tabes nel mundu

CORU:  Au tarás meyor que tabes nel mundu.

Furaca grandono pa cuerpu pequeñu

Sentiraste en mundu más grande qu'estrenchu,

CORU: Sentiraste en mundu más grande qu'estrenchu.

Cueva avalumbada pa carne tan poca.

Pero algamaráte pa enllenar la boca.

CORU: Pero algamaráte pa enllenar la boca.

Ye lo qu'aforrasti sirviendo a los amos.

Ye lo que te lleves d'esti latifundiu

Reforma agraria que queríes en vida

Au tarás meyor que tabes nel mundu

Pero algamaráte pa enllenar la boca

Orixinal portugués

"Funeral de um lavrador"

Esta cova em que estás com palmos medida

É a conta menor que tiraste em vida

É a conta menor que tiraste em vida

É de bom tamanho nem largo nem fundo

É a parte que te cabe deste latifúndio

É a parte que te cabe deste latifúndio

Não é cova grande, é cova medida

É a terra que querias ver dividida

É a terra que querias ver dividida

É uma cova grande pra teu corpo defunto

Mas estarás mais ancho que estavas no mundo

estarás mais ancho que estavas no mundo

É uma cova grande pra teu defunto parco

Porém mais que no mundo te sentirás largo

Porém mais que no mundo te sentirás largo

É uma cova grande pra tua carne pouca

Mas a terra dada, não se abre a boca

É a conta menor que tiraste em vida

É a parte que te cabe deste latifúndio

É a terra que querias ver dividida

Estarás mais ancho que estavas no mundo

Mas a terra dada, não se abre a boca.

El llau escuru del "Don't be evil"

La canal televisivo Odisesa emitió esti cartafueyu alrodiu de la empresa Gúgel y los sos tapecíos negocios, que inclúin la imprescindible inxeniería fianciero y paraísos fiscales pa defraudar impuestos. Porque una cosa ye predicar y otra dar trigu. Al final naide ye tan bono como parez y les perres ye lo que importa. Cuidaivos de "Gúgel" o, polo menos, sabéi que too tien un preciu.

De pilforres, modus vivendi, sobrevivencies y otres baxes coses

Esti cachu telecartafueyu, premíau en Londres nel 2014, cinca 'l mundu pilforreru, l'ámbetu de puticiu qu'hai en Gran Bretña. Per él circulen tou tipu de casos, interesantes puntos de vista alrodiu d'algo que parez más sórdidu de lo que brmente ye. Non ñegando la esistencia de delincuencia, dalgo que sobrevive dende que l'home camina pela Tierra tien de ser valoratible, pero los prexuicios y les relixones son un gran pilancu, amás de los tapecíos porgüeyos del delitu organizáu.

¿Denunciar o callar?

Esti cachu reportax de la canal Euronews afronta les dificultaes que tien quien quier denunciar dalgo en defensa del bien común y cómo por facer lo correcto acabes estocináu pol sistema. La verdá ye que naide quier saber...

Esti ye l'exemplu d'una supuesta maternidá responsable.

La serie finalizao, "Me llamo Earl" tien esti caberu capítulu del qu'esbillé la alloriada urdime de cómo el fiu putativu del mocín de la serie, Dodge (ya tien coña que-y punxeran al nenu 'l nome d'una xarré) acaba siendo el fíu del mocín acordies les prebes d'ADN. Prestoso de ver... y meditar lo que sería una maternidá responsable. Una pena que la serie ya nun nun mos dea más capítulos del karma.

Dibuxa 'l to futuru, dibuxa aquello que quies

Dende USA, dacuando, aparecen teoríes, llibros y conferenciantes que te dicin cómo facer pa ser más feliz, tener más perres, ser tu mesmu... Esta xente, que llamen "de la Nuea Dómina" nel fondu siempre falen de lo mesmo y bebin de la mesma fonte, masque camuden un migayín la forma pa que nun paeza too igual. Nos años de la década de 1960 los llibros de Seth abrieron camín. Vei esta conferencia sobre cómo algamar la realidá que ún quier. Vien de YouTube y tien dalgún erru na sotitulación automático

Desprogramando al facista islámicu. La esperiencia británico pa prevenir el mal.

Esti reportax d'Euronews espeya la esperiencia británico na llimpia del facismu mental asitiáu nes infantiles mentes de cierta mocedá.

Cristianos d'Iraq o el martiriu nun ta tan llueñe anguaño

Esti reportax de la canal católico "13 TV" alrodiu les víctimes cristianes siries e iraquíes del terrorismu islámicu da qué pensar. Europa, pasín ente pasu, vuelve a la infausta Edá Medio gracies a la basoria de "mujama". Nin siquier quedará la estética p'abellugar.

Cómodamente allugaos nel sillón de casa, al calíu de la maxinaria foguera del llar en forma de calefación llétrico, estufa de gas o radiadores, el mundu ye frío y foín notres fasteres.  Cuando'l cantautor cubanu Silvio Rodríguez vendía revolución con frases amables (to de tarazáme en dos..., le dómina ta enxitando un coral.... hasta ú hai que practicar les verdaes...) bramente nun facía otro que repetir, en desiertu mental, lo mesmo que dicimos güei.. El mal ta perdayuri y el sillón sigui siendo igual de cómodo.