L'atraición sexual: al final, somos llibres d'amar, o non

Más allá del llamáu “xen de la monogamia” y los equilibrios hormonales que dicin regular l’estáu de namoramientu, a la llarga, l’amor ye un compromisu nel qu'hai dalgo más de lo puramente biolóxico.
Ta bien saber cómo furrula 'l motor d’un coche, pero a la llarga, nun ye’l motor, nin la mecánica xenreal del inxeniu, lo que fai que l’autu vaiga del punta A, a otru, B. Son les manes, el celebru, la voluntá del home que lu remana lo que fai que tola maquinaria, furrulando, se desplace. Neto que col amor.

Más allá de los atopos sexuales, prestosos y/o gratificantes, hai un requexu especial nel que los sexos necesiten costruir dalgo relevante y duradero. Nesi edificiu puen usase munchos materiales (intereses económcos, mieos a la solitú o carencies, planes de futuru, etc) Pero, daveres, nun importen tanto los materiales como la calidá de los mesmos. A la llarga, l’edificiu que ye l’amor cumplirá un destín que trescenderá los porgüeyos de los costructores, tresformando un cenciellu fin inmediatu en dalgo mediáticu o teleolóxicu, dacuando, inmaxinable.

D’otra banda, la relación humano d’amor ye dalgo más que’l sexu. Masque nun seya científico, hai un aspeutu non menos real: hai pautos espirituales que se cumplen cola persona amada. Pero eso va a ser oxeto d’otres entraes, artículos y vídios nesti, o notros, espaciu d’opinión.

 

DIR AL ENTAMU DE LA SERIE "CIENCIA DEL SEX-APPEAL"

L'atraición sexual: promiscuidá, infidelidá y amor para siempres

 

VIDIU SIGUIENTE

L'atraición sexual:¿hai sitiu pal amor?

 

VIDIU SIGUIENTE

L'atraición sexual: les hormones de l'atraición

 

VIDIU SIGUIENTE

L'atraición sexual: les copulines y otres hormones sexuales

Ta bien saber que, homes y muyeres, nun somos tan llibres como parez, a la hora de foyar. Sicasí, nun ye desagradable caer nes garres de la química sexual.

 

VIDIU SIGUIENTE

L'atraición sexual: l'atopu preliminar

L’atopu sexual requier estratexa, y inclúi una guerra bioquímico incosciente ente los sexos copulatorios. Supónse que ye una caza pal home, y una elleición pala fema. Dambes coses asoceden, pero hai muncho más...

 

VIDIU SIGUIENTE

L'atraición sexual: l'arume nel sexu

Hummm. ¡Qué bien güel la pareya! Y nun fai falta gastar perres en caros arumes d’importación.

 

VIDIU SIGUIENTE

L'atraición sexual: la importancia de la socioeconomía.

Arreblagando perriba los atopos sexuales circunstanciales, coscientemente pautaos como de puro divertimentu y folixa, primero d’abrir les pates, la muyer tien de tar segura de que l’home que-y pue facer un nenu ye’l meyor reproductor. Y ser el meyor inclui el tener la meyor posición social y económica de les posibles, nel so planu d’elleción. Depués pue venir l’amor.

 

VIDIU SIGUIENTE

L'atraición sexual: saber venderse y saber comprar

Meyorar les posibilidaes d’elexir y ser elexío ye tan vieyo como’l llover. Ellos y elles mentirán. Él quier foyar cola muyer más guapa, y facelo con munches para asegurase de que los sos xenes pasen a una nueva xeneración. Ella, que sufrirá 9 meses de xestación y munchos años de cría, necesita seguridá económico-financiera y proteición xerneral. En realidá, naide s’engaña...

 

VIDIU SIGUIENTE

L'atraición sexual: la voz de sexo

La voz diz más de lo que parez. Nun son les pallabres la única información qu’emitimos cuando participamos del cortexu sexual. Les ondes sonores dicin más de lo que podríemos maxinar.

 

VIDIU SIGUIENTE

L'atraición sexual: l'empareyamientu o la llucha polo meyor

Nesti cachu vidiu p

Publicar entrada

odemos ver cómo, nel xuéu del empareyamientu humano hai muncho d’interés y autoestima. Vemos, cómo’l valor que caún tien de la so realidá, (y esi valor tamién depende de lo qu’otros valoren d’ún mesmu) determina les posibilidaes reales d’algamar la pareya deseyable.

 

VIDIU SIGUIENTE

L'atraición sexual: el movimientu de los cuerpos

El movimientu d’un animal diz muncho d’esi animal. Nel casu humano, homes y muyeres tienen motilidá dixebrada acordies col so espuxigue estructural, reguláu poles hormones, y tamién polo que quieren algamar con esi movimientu. Nel xuéu de la reproduición humano, elles y ellos camuden andares y maneres de movimientu pa ser más guapos o deseyables. Veámoslo...

 

VÍDIU SIGUIENTE

L'atraición sexual: belleza y simetría.

Hai que tener claro que somos lo que fueron aquéllos humanos que trunfaron nel so maraballu reproductor. Aquellos que meyor lo fixeron pasáronmos costumes y vezos reproductores. Nesi imaxinable pasáu, solo aquellos individuos bien fechos, o si se prefier formular en negativo: non maliguaos, contribuyeron al futuru de la especie cola so simetría y bona apariencia. Veamos cómo lo desplica el vídeu...

 

VIDIU SIGUIENTE

La ciencia de l'atraición sexual humana. Foyar tien el so aquél.

Pa los homes, les muyeres son un misteriu dende la nueche de los tiempos. Pa les muyeres, los homes solo quieren una cosa, cuando tan con elles. ¿Ye la cosa tan rebesoso, y tan cenciello, como parez?
Va tiempu que los llaboratorios trabayen na bioquímica de los sentimientos humanos pues la psicoloxía nun ye  mas que la espluma (per otra banda, prescindible y inútil) d'un mar esconocíu. Frente a la especulación y pallabrería  valero de la piscoloxía, la sacrosanta ciencia desendolca una disciplina que trabaya n'esficies d'atopar rempuestes a les entrugues que trai la realidá sexual humano, entre otres realidaes. La rempuesta a too, tanto lo divín como lo humano, ta nel celebru, diz esa ciencia.

Dalgunos llibros de divulgación científico d'ésitu recueyen munches investigaciones que, alrodiu emociones y sentimientos sexuales humanos se van faciendu nel espurríu campu de la neurociencia. Ún de los autores de más ésitu nestos últimos años ye la doctora Louann  Brizendine col llibru "El Celebru Femenín" (2006), al que siguió darréu, amparáu pol ésitu d'ésti, el del home (2010) con menos puxu en ventes. Nestos llibros, aparez el comportamientu sexual humano como daqué previsible, biolóxicamente congruente cola realidá animal que somos, con un ciertu aire de determinismu en cuanto se diz que somos lo que somos, y actuamos como actuamos, porque too se reduz a un cóctel d'hormones y reaiciones químiques celebrales.

Esti videocartafueyu del añu 2008, emprestao del programa La Nueche Temático, de la canal española La2, entituláu "La Ciencia del Sex Appeal" recueye muncho de la sabencia de la neurociencia humano y desplica, perbién, tol procesu del movimientu previu a la reproduición sexual del home, ye dicir, los prolegómenos que comprende la l'atraición sexual, la cita, la valoración del pretendiente, l'empareyamientu y la fodienda. Dicho lo cualo, vaigamos por partes y taracemos el densu trabayu nos pasos que sistematicen el procesu d'empareyamientu humano, a saber:

•    belleza y simetria
•    el movimientu
•    la elleición pal empareyamientu
•    la voz de los sexos
•    como vendese meyor y meyorar lo esistente
•    la importancia de lo socioeconómico
•    l'arume corporal
•    l'atopu o cita
•    les copulines y otres hormones sexuales
•    hormones de l'atraición sexual
•    l'amor, más allá del sexu.
•    promiscuida, infidelidá y amor pa siempres
•    monogamia y voluntá

Vaigamos col entamu...

 

SIGUIENTE VIDIU

Educación sexual en represión mental

Simpático videu de la serie de dibuxos animaos "American Dad" que fai camentar alrodiu de les consecuencies de la demonización sexual. De la cosideración del sexu como un problema con implicaciones relixoses vieno muncho mal. Fortunosamente, comer y foyar too ye entamar y el mundu sigui dando vueltes, superpoblándose hasta que muerra d'inanición. Veámoslu...

Camudar dictadura por democracia ensin violencia.

Esti cachu del programa de DocumentosTV de la canal española, La2,  ye bien amañoso daos los tiempos d’esmolecimientu y violencia que se vivi en bona parte del planeta. El resume fai pensar, y acudir en cata del llibru de Gene Sharp “De la dictadura a la democracia”, lo cualo pues facer calcando nesti enllaz, si ye que furrula o ta operativu.

Dafechu, desconocía la obra d’esti pensaor. Primero de tener noticies d’él, simpre comenté nos mios trabayos, cuando reflesionaba alrodiu de la violencia opresora y los rexímenes totalitarios, que la fuerza de los verdugos ye la febledá de la víctima pero, por embargo, hai munches más víctimes que victimarios ¿cómo yera posible arreblagar perriba esta situación.

Esti autor, nel so llibru, da erbíes y alfayes cencielles pa llevar, darréu, la estratexa lliberadora de la opresión y la esclavitú, seya de la triba que seya. El movimientu esti, ye evidente que ye amañoso pa encarar una llucha cívica  y, poro civil, escontra la maldá y la malura político que tanto esprurre pel malfadáu planeta Tierra. Insisto, primero de too, trátase d'una actitú cívica y humanista, en tanto se trata de meyorar el futuru de la humanidá, pasín ente pasu, con xusticia y bonalidá.

La elleición de pareya sexual: Tantu tienes, tantu algames

Munchos son los factores que trabayen nel campu biolóxico del animal que somos, cuando, en cata de pareya sexual escoyemos, o somos escoyíos. Esti esperimentu del profesor de la universidá d’Ärizona, DOUG KENRICK amuesa, con simpatía, cómo furrula  la elleición de pareya, en términos xenerales. Como diximos, hai munchos más factores, que diremos esbillando notros cachos de vidiu esbillaos d'esti trabayu sobre la bioloxía de l'atraición sexual ente humanos.

Trenta años d l'Academia de la Llingua Asturiana

Nun esperaba esti reportaxe de la RTPA alrodiu los trenta años de la criación de l'Academia de la Llingua Asturiana. Y ello, porque toi avezáu a vivir nun pueblu ensin alcordanza (fortunosamente, ye malura que tien igua :)

¿Per ú entamar el socialismu?

Reflesión prestoso de lo que-y falta al socialismu "real" cuando ye velea totalitario.

Too tien desplicación o por qué les muyeres del mediu oeste d'USA son rubies

Nun sabía de colonización nórdica nos carros qu'aportaron al mediu oeste norteamericanu. Ellí, de mano, taben dalgunos españoles y fíos de la mezclienda india y española. Claro que hay que lleer el llibru "Banderas lejanas" pa dase cuenta, cabal, de lo mucho que fixo España peles tierres norteamericanes y d'Alaska.

Simpática escena de la serie de celebros mozos y inadaptaos BIG-BANG

Ye mui pelligroso ser inteleutual

Nesti cachu de la peli "La vida de los otros", la escena fala por sigo mesmo.

Dalgunes opiniones alrodiu la "llerciocracia": el poder del miéu

El poder de la llercia o, "llerciocracia", ye muncho cuando la sangre del sistema económicu actual ye, xusto, lo contrario del miéu: la confianza. Por paradóxico que pareza, les grandes fortunes se críen gracies a la llercia, y non a la confianza pues ye'l miéu lo que fai que los que tienen información privilexao puean acotar grandes corripies de negociu en porgüeyu propio. Seyendo ciero que, en tiempos de dibilluriu y duelgu nun combién facer mudanza, nun lo ye menos que, aquéllos que puen facela, seya por tener medios financieros y/o por conocer de contautos amañosos, muden y camuden a meyor vida económico. Y, sinón, abasta estudiar cómo s'aperiaron les grandes fortunes conocíes. Esti cachu vidiu de la canal "La Sexta" entrevista a dos persones que ponen dalgo de llume na crisis del 2009 que, nel 2012 tovía dura, y tien barruntos de durar muncho más de lo deseyable.

Edificar na llamarga...

Esti cachu de vidiu de la tercera parte de la triloxía "El Padrín" ye prestoso. Diz el manguán que quien costrui sobre'l pueblu lo fai sobre llamarga. Eso piensen munchos, n'especial los políticos indecentes. Aunque sean pocos, train muncho mal a munchos.

Mala xestión económica y impunidá de la aristocracia política española

Nesti añu de gracia, décimosegundu del segundu mileniu depués de Christu, dalgunos reponsables políticos afiten la polibilidá de facer penalmente punible el marafundiu de les perres públiques, ye dicir, la mala xenstión económico-financiera que fain los políticos de los dineros públicos. Puesto que los políticos fain la llei, duldo permuncho que vaigan facer dalgo que-yos puea llevar a la tayuela de los acusaos.

Los políticos desalmados y corruptos, o corruptores, quieren que eso que llamen “democracia” llave los sos pecaos materiales (perres, influencies, prebendes) colos votos de los incautos ciudadanos, embabayos cola comeniente ideoloxía que-yos alministren, cuala droga estupefaciente (nota: estupe-faciente = facedor d'estupidez o estupidificador), pa que nun se decaten de que, ellos, ciudadanos con cargu y mandu en plaza, roben y marafundien el trabayu de tolos otros ciudadanos.

Esti resume d’un reportax de la canal Antena 3, plantea la sinvergonzonería y pilforrería de tantos y tantos representantes políticos, y financieros que roben ensin cuentu al abeyu de los políticos que-yos protexen. ¿Persecución penal al políticu mal xestor? Yá se cuidarán de facer una llei escuro abondo como pa que puean escapar coles perres a buena guarda.

La solidaridá mercantilizao o el fraude alemán nel negociu del tresplante.

Ye esmolgante la incuestionable privatización de ciertos servicios y prestaciones médiques, pero ye, tovía, más ariciente ver la potencial mercantilización tocante a los “repuestos” biolóxicos pal home. Mientre n’USA ye normal pagar por too, n’España los tresplantes de muérganos y partes anatómiques humanes son gratuitos acordies col Plan Nacional de Tresplantes. Pero’l negociu que munches empreses barrunten ye tentaor y, como n’España la solidaridá ye grande y los pininos asturianos, munchos. Ya vieno per equí, Asturies, una empresa alemano en cata de facese con una base d’información tisular pa comprar y vender material tresplantable. Eso sí, fíxolo amparándose na solidaridá de los asturianos pa con un enfermu d'Avilés. Vaya cabrones estos alemanes. Abogosu futuru alguarda al que, amás d’enfermu, seya probe.

La noticia que denuncia la impudicia d'esta empresa alemana de tresplantes ye esta:

Xeneración perdío y crisis del 2009

Si mangamos “xeneración perdío” nel restolaor “google” atoparemos munches entraes, pero poques sobre lo que ye una realidá n’España. Lo meyor de la mocedá d’esti país va camín d’esllarigase n’esficies d’un futuru meyor que, obvio ye dicilo, nun-y ufre la España de la crisis. Paradóxico ye, como diz la perio-lista, qu’enllenos d’estranxeros, agora seyan los españoles más preparaos (aquellos en que s’invirtieron bones perres n’educación y cultura) los que coles pa arriquecer a otros países y horizontes.

Más que la fatura , muncho duel la intelixencia

De nenu, ceu decatéme de que saber yera, a vueltes, pior que'l nun saber. De sotrucu, y pa sorpresa de propios y estraños, tuvi claro que nunca más sería feliz, polo menos, talo como yera siendo neñu inorante. Dietrás d'aquelles puertes añoses de la biblioteca Xovellanos taben muncho mundos, munches conocencies y, tamién, la perda de la inocencia inorante. Nesti cachu vidiu, Homer Simpson mos cunta dalgo d'ello...

¿Cómo sabremos que nun vivimos en MATRIX?

Interesante entruga ye saber si vivimos, o non, nun mundu virtual, una MATRIZ del estilu de la película MATRIX,  na paez que la vida nun ye otra cosa que ser consumior o usuariu de bienes y servicios que, el gran amu, controla y obliga a mercar por aciu la publicidá y la criación de necesidaes prescindibles. Según el protagonista d'esti cachu vidiu, hai un móu amañoso pa saber si tamos, o non, en Mátrix

El poder de la muyer, que ye muncho, que ye etenro...

Un cachu vidiu divertíu, de relación sentimental ente, inteleutualmente, iguales de la serie norteamericano Big Bang Theory. En realidá, elles siempre tuvieron, y tienen, el guía del carru relacional. Mui cierto que la enerxía femenino va ocupando más y  más faces de poder y territoriu. Interesante.

Acosu moral, sexual, llaboral, políticu...

Hai unes feches, comentábame una collacio sobre un procedimientu d’acosu llaboral.

Nun hai que menospreciar la fuerza del escuru trabayu del acosaor. Nesti cachu película vemos, cómo ‘l políticu de turnu, enfotáu nes presuntes duces carnes de l’actriz, entamana duviellu d’intrigues del que la malfadada muyer nun va safar nin desenguedellar. Cuando los poderosos echen l’arma’l güeyu y fixen la presa, hai poques esperanzes d’igua, sinón s'enfila la fuxida, pura y dura, mundu alantre. Nun siempre va a ser posible la rempuesta penal y, según y como, frente a la violencia del agresor nun se va a poder oponer muncho más que la fuerza moral o ética. Pero nun s'engañar: febles son estes muries cuandu el mal se mueve nel relativismu amañosu, aquél que fai xustificable toles coses acordies cola collor del cristal con que se miren.

Veamos el vidiu.

Esaniciar a una cerrica....

La fama de los alemanes, como testoronos y cumplidores, tresciende la tópica y, como tolo que ye muncho, tamién  ye lo menos. Como mui bien se ve nel aguafuerte «El sueño de la razón produce monstruos» del pintor Francisco de Goya, la conceutalización d’un bien, impuesto a espetaperru, suel llevar a una inxusticia que ye pior que lo que se quier iguar col movimientu d’imposición. Neto que na película To Kill a Mockingbird, "Esaniciar a una cerrica",.......

....nesti cachu de “La vida de los otros”, (masque nésta se trata de racismu "políticu" en cuentes del racismu "de piel" del film de Gregory Peck) l’axente de policía de la Stasi, escudu y espada d’un sistema presuntamente bonal pa l’home (cualu yel socialismu), decátase del desastre al que va un sistema que mata la llibertá inteleutual. En resume, ve la probeza que vién de la persecución sistemático al home que piensa dixebrao del sistema qu’otru home define como l’únicu posible. Veámosla.

El bon axente de seguridá...

Na película, "La vida de los otros" esprésase perbien lo que ye un bon axente. Un bon axente lo ye con independencia del amo al que sirve. Eso llámase "escelencia" o, "l'acabóse".

Diremos esbillanos dalgunes reflexiones con esta prestosa película dirixía por Florian Henckel von Donnersmarc

El futuru, que ye presente

Da pa camentar esti vidiu de xirigoncia. La verdá, por amargurio que seya, nun hai porqué comela a disgustu. El programa de fin d'añu del 2011, de la canal de televisión española, La1, traxo esta reflexón interesante. "Sic transit gloria mundi", dixo el poeta clásicu. Y, también, "aliquando insanine iacundum est". Pues eso.