NETSCAPE foi l'entamu

Eso diz esti reportax de la canal "Historia". Masque yo conocí primero MOSAIC..... y la pantalla negro de textu rescamplante esperando que-y punxera un comandu.

JFK primero del atentáu y La bala perdío

Dos reportaxes del National Geograhic alrodiu la muerte del presidente USA John Fitzgerald Kennedy

Hores Decisives:

La Bala Perdío:

L'ECOCIDIU DEL CULTIVU DE LA PALMA ACEITÍFERO

Esti reportax alrodiu del “ecocidiu” que se fai n’Indonesia al esaniciar la selva orixinal o primixenio pa llantar plantaciones d’Elaeis guineensis, comúnmente llamada palma africana d’aceite, o palma aceitera. Esti procesu, dafechu imparable polos grandes porgüeyos económicos que produz a les multinacionales del aceite y los biocombustibles, xunto cola corrupción llocal y  rexonal que consiente la práutica, ta llevando a la expropiación “de facto” de comunidaes agrícoles y la perda de la biodiversidá animal y vexetal qu’alitaba nesos territorios antanu selváticos. L’orangután va morriendo de fame y ye espulsáu del so territorio tradicional mediante la caza. Nel reportax aparez un abogáu d’una fundación “sui xeneris”: la FIBGAR, fundación presidía por un puntu, una tal Baltasar Garzón, antiguu xuez español espulsáu de la xudicatura por prevaricación. Agora aparez como defensor de causes perdíes, promoviendo la xusticia universal pero hai prebes de que esa fundación, que dirixe la so fía, desvía clientes “humanitarios” a la so empresa ILOCAD SL, qu'exerce de bufete d’abogaos y tien intereses más mundanos qu’humanitarios acordies cola información d’esti periódico.  Parez evidente la impudicia d’usar causes dolioses como ésta de la muerte de la selva indonesio pa sacar tayada económico y llavar la cara d’una fundación baxo sospecha. Mas, perriba esta miseria de la fundación, tá el problema del aceite de palma y l'esanicie d'un ecosistema.

CINE: El batallón de les solombres (Batallon de las sombras)

Película de 1954. La España de la postgriesca. Suaños, esperances y pasiones de xente humildoso que vivi nun populosu corral de veceros nel Madrid de la fame postbélico. Hai inventores que repiten lo inventao, compositores, actores...y siempre les muyeres per entemedio en papeles d'esposes,fíes... Interesante peli que punxo La2 hai unes feches.

VIENTOS DEL PUEBLU ME LLEVEN.....

Les pallabres, el llinguaxe en xeneral, ye neutro. Pero dalgunos vistin el llinguax con emociones usando pallabres amañoses pa ello. Y entóncenes, lo que de sigo diba ser dalgo neutro camuda a emocionante. Sentimental. Apetezme poner, equí y agora, esti prestosu vídeu, prindáu de la rede, del poema de Miguel Hernández musicáu pol grupu musical "Los lobos", VIENTOS DEL PUEBLO, porque nestos tiempos de relativismu facciosu y falta de patriotismu constitucional recordar estes pallabres vieyes traime esperances nueves. Salvando les distancies ideolóxiques (bramente, la ideoloxía nun ye otra cosa qu'una llimitación del horizonte gnoseolóxicu personal) me quedo colo neutro de les pallabres.... "Asturianos de braveza....."

ESPAÑA EN MARCHA de Gabriel Celaya

Durante el periódu hestóricu d'España conocíu como "franquismu" dalgunos que naguaben pola llibertá diben pa Francia, a la Europa democrático, p'alendar esos aires torgaos pola dictadura de Franco. Dalgunos tovieren pela sala Olympia de París, au un cantautor anunciaba un conciertu de cancios con lletres de poetes españoles. Tratábase de Paco Ibáñez, ún de los cantautores "malditos" del réxime franquista que diba de "progre" cuando pocos había. Si s'escuchen güei esos cancios grabaos nun vinilu doble, y oyes cómo ruxía la xente de contento pescanciando qu'aquelles lletres diben escontra de la dictadura franquista, más que risión produz compasión pola inocencia qu'amosaben aquellos mozos qu'enllenaben la sala del conciertu. Y morrió el dictador, pero a día d'esta entrada, hai otru fascismu qu'esmolez a España. Ye'l nazionalismu vestíu, nesti casu, de catalán. D'aquella, na sala Olympia sonó la poesía de Gabriel Celaya, persona comprometía cola llibertá. Na so obra, "España en marcha", falaba de ganar un futuru ensin repetir erros del pasáu. Nesti tiempu de dibilluriu y fascismos amazcaraos cola pallabra "democracia", y vistíos de banderes nazionalistes, nun ye cosa valero traer les pallabres de Celaya, otra vuelta, al corazón. Obsérvese l'avergoñante llicencia del cantante omitiendo la cabera estrofa del poema, que diz:

España mía, combate

que atormentas mis adentros,

para salvarme y salvarte, con amor te deletreo.

El vídeu ye de la manifestación del 8 d'ochobre  de 2017, en Barcelona. Lo que nun se verá nel videu serán los insultos y agresiones de los facciosos golpistes catalanes cuando la xente contento tornó a la so casa portando la bandera d'España. Los llamaos "independentistes" se sienten con llicencia pa matar, como se conoz nel intentu d'homicidiu de xente que llevaba la bandera española fecho polos ocupantes d'un quintu pisu d'un barriu de Barcelona que tiraron a dar con oxetos de cristal, acordies col testimoniu radiofónicu del padre del guah.e feríu. La humanidá nun adeprende. Los esbardios de Hitler tan ente nós.

España En Marcha

Nosotros somos quien somos.

¡Basta de Historia y de cuentos!

¡Allá los muertos! Que entierren como Dios manda a sus muertos.

Ni vivimos del pasado,

ni damos cuerda al recuerdo.

Somos, turbia y fresca, un agua que atropella sus comienzos.

Somos el ser que se crece.

Somos un río derecho.

Somos el golpe temible de un corazón no resuelto.

Somos bárbaros, sencillos.

Somos a muerte lo ibero

que aún nunca logró mostrarse puro, entero y verdadero.

De cuanto fue nos nutrimos,

transformándonos crecemos

y así somos quienes somos golpe a golpe y muerto a muerto.

¡A la calle! que ya es hora

de pasearnos a cuerpo

y mostrar que, pues vivimos, anunciamos algo nuevo.

No reniego de mi origen

pero digo que seremos

mucho más que lo sabido, los factores de un comienzo.

Españoles con futuro

y españoles que, por serlo,

aunque encarnan lo pasado no pueden darlo por bueno.

Recuerdo nuestros errores

con mala saña y buen viento.

Ira y luz, padre de España, vuelvo a arrancarte del sueño.

Vuelvo a decirte quién eres.

Vuelvo a pensarte, suspenso.

Vuelvo a luchar como importa y a empezar por lo que empiezo.

No quiero justificarte

como haría un leguleyo,

Quisiera ser un poeta y escribir tu primer verso.

España mía, combate

que atormentas mis adentros,

para salvarme y salvarte, con amor te deletreo.

ALBERT BOADELLA: Nazionalismu odiante y programación

Na canal televisivo española, La6, esti gran actor y autor de teatru faló con gran claridá sobre el fascismu nazionalista catalán alrodiu del el 9 de noviembre de 2014. Interesante traelo de nueves con motivo del intentu de golpe d'estáu que se fexo el primeru d'ochobre del 2017

ASPEUTOS D'UNA PATRIA QUE TARAMIELLA EN CATA DE SIGO MESMA

Esvillo dellos vídeos interesantes. La llucha escontra los totalitarismos nun conoz aselu. A fecha de la entrada, en Cataluña se xuega un enfrentamientu ente el totalitarismu llamáu "catalanazi" y la democracia española.

Escontra del fascismu nazionalista. 7/10/2017. Barcelona

*******

Laura tién dalgo que dicir. Observái al final del vídeu a daquién asoleyando la histórica bandera d'España, la de la Cruz de Borgoña qu'enseñoreó per bona parte del imperiu español.

*******

Mari Carmen Vazquez Expósito tamién tien voz...

*******

Modos y maneres d'un mozu fascista montáu en bici. Lo meyor ye la paisana llamándolu "subnormal". Y la verdá que, adentando como un rumiante, el fasciosu tien de  recoyer veles. Interesnte la babayez en bicicleta. Y el músico en bici que-y diz "déja que se manifiesten" salva un poco la cosa.

CARTAXINESES: El pueblu de la mar y la conocencia

Reportax de la canal alemnano ZDF dientro de la so serie "Große Völker" (Grandes Pueblos) que mos fala de los cartaxineses y la so importancia nel comerciu y espardimientu de la cultura mediterráneo.

TEXU: l'árbole máxicu

Esti reportax trata sobre la maxicidá del Texu, (Taxus baccata) Se mecen nesti videucartafueyu los dixebraos aspeutos sociolóxicos que trai la tema de la lonxevidá d'esti árbole, asociáu dende cuantayá cola etenridá,  la muerte y la vida, y lo espiritual.

LA CABERA BRUXA: Amparo de Bual

Reportax de la Televisión Asturiana, TPA, alrodiu de la llamada “bruxa” de Brañavara, en Bual (Asturies). Trátase d’Amparo López, y dellos vecinos fain alcordanza del so pasu terrenal. Interesantes aportes de dos estudiosos de la tema,  Fredo de Carbexe y l’etnógrafu Bertu Álvarez. Nigromancia y Tánatos. Evidentemente el títulu d'esta entrada ye enquívoco: tovía hai bruxes y de xuro que seguirá habiéndoles. Yo conozo unes cuantes con sorprendentes poderes de comunicación col otru lláu, amás d'arrevelación del futuru. Tan ente nós y ye plasmante decatñase de lo variao y interclasista que ye la parroquia que va a veles pidiendo ayuda o conseyu. Más d'un inversor tienles en nómina.

BIBLIA (algo de la) según los Simpson

Pues eso... Del paraísu terrenal a Daviz y Goliat pasando pel tiempu del faraón malu malísimu.

TRESPORTE MARÍTIMU: Esclavitú, corrupción, contaminación, lladroniciu…..

Esti reportax cinca alrodiu del tresporte marítimu mundial y la so importancia na contaminación atmosférico y acuático, el lladroniciu fiscal, la nueva esclavitú de los marineros, y cómo miren pa otru llau toles naciones que se (nos) beneneficien de los baxos precios de los fletes gracies a consentir les llamaes “banderes de comeniencia”, países con baxos controles llaborales y societarios que permiten la impudicia fiscal y se presten a abanderar barcos que suelen recordar a les naves negreres del sieglu XVII. Vergoñoso.

SEXUALIDÁ MASCULINO: Alrodiu de la impotencia

Esti reportaxe de la serie alemano "Make love" cinca eso que n'asturiano occidental se diría como "Chonganiza, fougo viche, si non asache caleciche". La impotencia masculino ye cosa serio...si yes varón, claro, pero tamién esmolez a la pareya. Equí veremos dalgunos exercicios pa poner terria la minga. Por supuesto, el famosu "suelu pélvicu" nun podía faltar nesti asuntu.

ESTAU ISLÁMICU: los anicios

Esti cachu de reportaxe fala de los entamos del autonomáu “estáu islámicu”, tamién conocío como “daesh”. Interesante saber cómo empicipió ésti cáncanu social que cursa cola muerte d’otros.

POLICÍA ARMADA Y DE TRÁFICU. 1940 pela Sierra de Guadarrama....

Primero de l'Agrupación de Tráficu de la Guardia Civil, el control de les carreteres tres la Guerra in_Civil española taba en manes de la Policía Armada y de Tráfico que tenía sustituío al "Cuerpu de Vixilantes de Caminos" de cuando la II República española . Nesti cachu de película vemos cómo yera la so impedimenta y dalguna de les armes qu'usaba. El sitiu en que aparez la escena fílmica tien tola pinta de ser la carretera nacional VI, que saliendo de Madrid diba pal norte al traviés del Puertu de Guadarrama. Ver el pocu tránsitu de la carretera, les bicicletes, el ganáu y los pastores pelos alrodios, y los típicos carros de tiru equín, too en xunto damos una ideya de la España de postguerra. Como nota simpático dicir que "Tráficu" nun ye "Tránsitu". El significáu de "tráficu" tien que ver col movimientu de mercadería, ye un conceutu mercantil dafechu. "Tránsito" sí que tien que ver col movimientu de vehículos y semovientes y debería ser el nome incorporáu al órganismu encargáu de la vixilancia y control de la circulación d'autos y demás oxetos, motorizaos o non.

LLUCES D'INXENIU. Inventar anguaño n'España

El programa de la televisión española, "CRÓNICAS TVE" hai tiempu que fexo esti documental alrodiu de l'actividá inventiva n'España. En "Cróniques del Inxeniu" trátase de les torgues qu'atopa aquél ciudadanu español que, dando con una nueva ideya o solución que pueda meyorar la vida de los demás quiera facer d'ello una esplotación comercial de lo afayao por aciu el so rexistru o patente. Nun ta de más recordar equí cómo 'l descubridor de la vacuna de la Poliomelitis, Jonas Salk,  ufrió de baldre el so descubrimientu pa que tola humanidá pudiere beneficiase del tratamientu que finaría con esa tarrecible enfermedá.

ASTURIES: La Ruta del Cares

Ye sabio dar un paséu, de xemes en cuando, peles nubes....  Esti reportax de la TVE1, "Un branu irrepetible" de la serie "Comandu Actualidá" amósamos la Ruta del ríu Cares. Interesante.

SEXUALIDÁ Y EDUCACIÓN. De la próstata femenino al colexu

Esti cachu reportax de la televisión alemano cinca l’asuntu de la sexualidá femenino y la educación sexual de los fíos. Interesante información alrodiu d’ exercicios del suelu pélvicu y la so rellación col placer de biyar.

IMORTALITAS CUM LAUDE. La velea d'una vida sin final

Esti cachu vídeu fala de la posible in-mortalidá humano gracies a ciertos descubrimientos bioquímicos, como la enzima desacetilasa conocida como “Sirtuina”. Sicasí, interesante ye la reflexión alrodiu d’una vida etenra pero tarrecible.

SIMÓN BOLÍVAR, o como facer de rica provincia española una miseria independiente

Cuando Karl Marx xulgó la figura del hispanovenezolanu Simón Bolivar, conociendo la naturaleza del personaxe llamólu  “mentirosu, cobarde, saqueador, falsu, desertor”. Amás d'asesín de inditos y nativos, estes povises despliquen la llamarga d’una Venezuela que, nestos empicipios del primer cuartu del siegu XXI, sapoza na miseria totalitario del llamáu “chavismu”. D'aquella, cuando la Francia de Napoleón invadió España, los españoles americanos corruptos, col sofitu d’Inglaterra y denpués de Norteamérica, decidieron apropiase de los territorios hispanoamericanos inventando 'l cuentu de la independencia y lliberación, que nun fue otra cosa qu’arrampuñar, en porgüeyu personal, los dineros del rei, dalgo mui humano. La famosa independecia d’America traxo un retrocesu en riqueza y progresu pa los territorios americanos españoles de non menos de 200 años, y propició la guerra y enfrentamiento ente los distintos territorios enseñoreaos por xefes españoles que controlaben aquelles faces. Nativos y criollos, mestizos y demás, fueron a peor ya que les nueves élites yeren los de siempre pero agora con discursu independentisa que servía pa amazcarar el lladroniciu que facíen al supuestu pueblu lliberáu. En realidá los españoles nunca dexaron América: siguieron mandando los que ya taben nella, pero exerciendo'l poder a les sos deleres y, poro, ensin el control de la corona española. Esti trabayu de “Lechero Fett”, un “chotúber” cachondu pero mui interesante polos resúmenes histriónicos y exactos que fai de socesos históricos, diz con humor lo que la hestoria cunta con menos gracia pero igual exactitú.

INCREYIBLES XARRÉS ESNALANTES: Hestoria del esnaliu vertical

La cosa ye esnalar. Del autoxiru de De La Cierva al coche atómicu Ford Nucleón del 1958... Coses veredes

La velea atómico

OPPENHEIMER y HEISENBERG: Xenios y villanos

Esti docudrama hestóricu presenta les figures de dos xenios de la física y la matemática con finales bien dixebraos y paradóxicos. Mientres Oppenheimer parecía al entamu l' hérue que llucha escontra la tiranía, y Heisenberg yera'l mal a combatir, al final la historia ponlos en llugares irónicos considerando ésti empicipiu. Ún como criminal pa munchos y otru como benefactor. Pero...¿quién mereció más estos papeles?

OPPENHEIMER VS. HEISENBERG: Travel to the front lines of an epic battlefield: Werner Heisenberg and Robert Oppenheimer face off in a heated contest as they strive to unleash the destructive power of the atomic bomb. The two brilliant scientists toil through World War II with a single directive — harness the laws of physics to create the most powerful weapon the world has ever seen. Oppenheimer gathers the United States’ top minds as he embarks on the Manhattan Project, while Heisenberg toils away with Nazi Germany’s leading scientists. The nuclear age is in full swing as the dueling scientists scramble to build a bomb that could have detrimental effects on civilization. Famed theoretical physicist Michio Kaku and others share their perspective on the race for global domination (American Genius from NATIONAL GEOGRAPHIC CHANNEL) Ironía: ninguno de ellos era norteamericano.

CONGU: La maldición de la riqueza

Hestoria del arrampuñe que sufre el Congu (anguaño, República Democrático del Congu) cuntada por un testigu, Bernard Kalume Buleri, famosu cantante congoleñu que fexo fama per Ruanda. Esti reportax emitíu pola canal ruso RT trescala sentimientu y emoción. De la manu d’esti sufríu negru vemos parte de la hestoria moderno del Congu, y vamos, a traviés de les viviencies del protagonista,  dende la independencia del país a les matances de Hutus y Tutsis en Ruanda, de la riqueza de la colonia (masque durante ella los negros yeren meros esclavos del propietariu del territoriu y país, el rei belga Leopoldo II) a la esclavitú de la miseria d’anguaño. Un país ricu en fontes minerales (cobaltu, cobre, coltán, diamantes, estañu, uraniu..) que sufre la paradoxa de la llamao “maldición de la riqueza”, productu de la corrupción político y les munches guerres interesades que se fain al abeyu de los porgüeyos de les grandes corporaciones tresnacionales que dominen los mercaos de diamantes y minerales estratéxicos. Mui interesante.

ESPAÑA, PARAÍSU DEL LLADRÓN. Cómo ye'l lladroniciu y qué téuniques empleguen

Esti videucartafueyu de Sinfiltros.com amuésamos los últimos métodos qu’usen los asaltantes d'inmuebles pa españar les peslleres. España ye, anguaño, paraíso pa los lladrones, cada día más organizaos. Les estadístiques del INE dicin que nel 2016 en Madrid, cada día, robaron en 42 viviendes, y en delles comunidaes autónomes se fain cásique 2.000 robos al mes. Interesante reportax. Robáte en casa ye fácil.

TRESPORTE MARÍTIMU Y MEDIU AMBIENTE: La contaminación atmostérico pantasma

Nun solemos decatar de que los barcos son fuente de contaminación atmosférico ablucante. Los primeros que lo noten son los veceros de los puertos nos que carguen y desembarquen, llugares nos que les malures de polmón y alerxes guarden estrencha rellación cola actividá del tresporte marítimu, como amuesen los diversos estudios de la O.M.S. (organización mundial de la salú). Nun vemos cuánta polución atmosférico echen estos lleviatanes que son l'espinazu de la economía mundial, pero ye cosa de cuidase d'una contaminación que, en xunto, suma la produción contaminante d'un país talo qu'Alemaña, Esti cachu reportax fala d'ello y de los porgüeyos que tienen les naciones con bandera de comenencia de siguir emporcando l'aire cola sida de que nun se-yos toque'l negociu de la esplotación de la marinería, los ingresos por fletes y la impostura de barcos vieyos y pelligrosos navegando ensin control mundo alantre.

EL MUNDU DE LES DROGUES PSICODÉLIQUES: ¿Portal divín o camín de velea?

Reportax alrodiu del usu de les drogues llamaes "psicotrópiques". Hai xente que fai cultu d'estes drogues por afirmar que tienen un conteníu más trescendental que adictivu. Opinen antiguos consumidores, fabricantes y médicos. Frente al LSD (ácidu llixérxicu) agora tan de moda otres drogues "naturales" tipu l'ayaguasca o la coreteya de la Mimosa osiris, planta tropical, de les que se saca la DMT o dimetil triptamina. Nel reportax se fala del conteníu espiritual del "viaxe" psicodélicu.

CARTAFUEYOS DUNEDIN: L'adolescencia problemático

Ya viemos un resume d'esti cartafueyu o informe, no que cincaba a la violencia femenino. Equí va completu, refiriéndose a los problemes na adolescencia y a los posibles tratamientos iguadores tempranos que permitiríen evitar futuros criminales o seres antisociales. "PREDIZ MIO FUTURU: la ciencia de nós" ye una serie de videocartafueryos que ponen n'imaxe los dixebraos cartafueyos/informes Dunedin.

VIOLENCIA CONYUGAL FEMENINO: Un asuntu amazcarao

Esti cachu del documental "PREDICT MY FUTURE: The Science of us" tien un conteníu interesante. Trata del orixe de los problemes antisociales de l'adolescencia acordies col cartafueyu/informe DUNEDIN que fai un estudiu de tipos d'adolescencia problemático. Sicasí, l’informe DUNEDIN (http://dunedinstudy.otago.ac.nz/publications) amuesa y esclaria,con datos incontestables, un asuntu sorprendente qu’incomoda al feminismu y a los siguiores d'esa relixón: el fechu de que les muyeres son tan violentes, sinón más, que los homes, y que los maltratos femeninos pasen desapercibíos pola mor de la presunción de ser víctima en cuentes de verdugu. Amás d'esto, énte un maltratu familiar o domésticu de mano ye l’home el perxudicáu, presu y condenáu mientres elles queden impunes por un sistema penal inxusto. El feminismu, anguaño parez más cerca de ser una ideoloxía totalitario qu'un movimientu de defensa de la muyer. Na siguiente entrada del blogue va el videu completu

ALRODIU L'ASPEUTU MILITAR DE LOS DRONES

Esti videu presenta la revolución de los drones, especialmente na so faza militar.

XENÉTICA Y SOCIOPATIA. ¿Hai xenes “malos” qu’amalen a la xente, o mala xente con xenes amalaos?

Ésti documental ye perinteresante. Neurobiólogos y xenetistes hai tiempo que trabayen a comuñes pa identificar los raigaños biolóxicos de los comportamientos humanos. Pero esto nun ye cosa nuevo. Ya a finales del sieglu diecinueve y entamos del venti, dellos estudiosos buscaben na fisionomía y morfoloxía de los individuos la predisposición, o xustificación, de comportamientos antisociales y/o criminosos, lo cualo llevaría a procesos euxenésicos tarrecibles en sociedades aparentemente madures y "civilizaes" como la sueca o la alemana y estadounidense.

Agora ye l’estudiu del xenoma lo que parez dar rempuesta a estos comportamientos “diverxentes”,  falándose de “factores” neurobiolóxicos qu'entemedien nos vezos antisociales qu’espeyen tracamundios de personalidá. D’esti mou, alxudíquense determinaos xenes a comportamientos, lo cualo parez llevar a ciertu determinismu que xustificaría comportamientos automáticos y, poro, llibres d’imputabilidá y responsabilidá. Asina, fálase de la rellación ente maltratu y comportamientos violentos cola disfunción del xen “MAOA”;  del xen 5-HHT, responsable de la rempuesta humano emocional a nivel de l'amígdala cerebral; del xen COMT, rellacionáu cola esquizofrenia y la rempuesta química inducío que lleva a ésta al comprobáse que pue ser moduláu por aciu l’usu tempranu del cannabis. Dalgunos aína aforfugaron pa etiquetar a estos xenes como “dañibles”, pero la cosa nun ye tan evidente nin tan automático. Tener un xen d’éstos nun produz irremediablemente, comportamientos sociópates. Tan per entemedies dellos factores. como 'l mediu ambiente en que ún desendolca, l'ausencia o presencia d'amor maternal, una bona educación, una sociedá estructurao. Esti reportax ye perinteresante pa evitar los prexuicios y dexa abiertes munches ralures peles que calistra el llamáu “llibre albedríu”.

DRONES: PERSPEUTIVES Y REALIDAES

L'abeyón, que diríemos n'asturiano, tien insospechados usos, tanto civiles como militares. Esti videucartafueyu nun recueye l'usu que fai la guerrilla irregular en tolos escenarios de griesca, como pasa nos frentes de guerra del mediu oriente d'anguaño, 2017, sobremanera n'Afganistán y Iraq-Siria nos que ye normal ver a terroristes usar drones comerciales como el Parrot, Ghost GoPro o el Focus FPV. Recordando que ya cinquemos esti asuntu en páxines anteriores, tanto n'ochobre del 2014 cono en payares del 2015, ta claro que los drones vinieron pa quedáse ente nós.

....Y INXAMÁS COLARÉIS DE LA PROBEZA, DEXÁI EQUÍ TOA ESPERANZA

Si a la entrada del campu d'esterminiu nazionalsozialista d'Auschwitz ta la fras:"Arbeit macht frei" lo mesmo podría dicise cuando vienes al mundu fuera de la tribu de los ricos y poderosos. Eso de "el trabayu faite llibre" del campu concentración en realidá significa: abandona la esperanza de nun ser probe. Como muncho tendrás lo mínimo pa sobrevivir siendo l'esclavu del sistema que t'alimenta na esclavitú. Sí, trátase d'una matriz d'alienación al estilu de la película "Matrix", un movimientu económicu que perpetúa la esclavitud antigua camudándola pola paradóxica esclavitú "en llibertá".

Esti documental (que garré de la canal ruso RT) del 2015, dirixío por Katharine Rand "LA GRAN DESILUSIÓN" (que bien podríemos entitular la LA GRAN ENGAÑIFA) amuesa la burlla del supuestu progresu humano no económico por aciu un sistema que llamamos "capitalismu". Cierto que nun ye tanto el sistema como los homes que lu remanen lo que fai qu'el repartu de la riqueza seya inxusto y sangrín. Pero esto ye tan vieyo como l'home. Nel videucartafueya desplícase cómo ye que menos del 1/% de la polación tenga más riqueza que'l 99% restante. Una engañifa de la que nun parez poder safáse ya que tolos caminos que llevaríen a desfacer el cáncanu económicu qu'aprovecha a los poderosos, tan trancaos. La esperanza, como siempre, tará na revolución personal y nel entendimientu de que la caxa de madera que tendremos ye de mui poca capacidá. En realidá nada traemos y nada mos llevaremos, pero ye una pena que tanta xente nel mundu tenga que sufrir por esta inxusticia y engañifa económico. Habría más que dicir, pero pa eso meyor visitar esti enllaz que pue dar dalguna rempuesta de freba trescendente.

DE LA GLORIA A LA TRAICION: ISAAC PERAL

La entrevista que-y fixo el periodista Iker Jiménez, nel so programa televisivu "CUARTO MILENIO" a Javier Sanmateo Isaac-Peral, descendiente d'ISAAC PERAL, inventor del submanrín, cola sida de la presentación del so llibru: "El submarino Peral: de la gloria a la trición", (n'ediciones Ágora) ye reveladora de les miseries d'una España cainita. Los porgüeyos de los Estaos Xuníos de Norteamerica, que na dómina d'Isaac quería espurrir el so poder económicu y militar pel caribe, polo que-y fuñía la presencia d'una España (con puxu militar y político amorrentante) en Cuba y Puerto Rico, y los de la Gran Bretaña, que veía nel submarín un pelligru real pa la so marina hexemónico, fueron los finxos nos que s'aperió un edificiu de tracamundios, mentires y traiciones. Amestando a esto l'aliñu de la corrupción de políticos y militares a sueldu de Gran Bretaña y l'usu del mercader de la muerte Basil Zaharoff (espía a sueldu de los EE.XX y Gran Bretaña, con intereses na industria armamentístico), asina como el gabitu de ciertos miembros de la masonería española ya tenemos fecho el desafueru de los cásique ocho sabotaxes que llevaron l'inventu d'esti gran español a la escura de la hestoria. Interesante radiografía d'una dómina pa recordar siempres. Recomiendo una visita a esti enllaz del submarín

MEYOR A TIEMPU QUE RONDAR UN AÑU. De l'amor y del ciñu

L’amor. Esa emoción misterioso. Nesti casu garro el capítulu 3 de la sesta temporada de la finada serie “El Mentalista” pa recoyer esta reflesión alrodiu del desamor por nun aprovechar les oportunidaes, o nun saber usar los tiempos. La cosa va d’asuntos tan vieyos como el mundo: nun llegar a tiempo o nun atrevése a llanzáse a la piscina emocional. De xuru que más d’ún alcuerda d’esos intres de la vida nos que nun s’atrevió a facer dalgo que podría tener sío importante finxu nel camín de la vida. Pasó esi momento y tienes tola vida p’adentálo silente en reconcomía. L’amor tien eses coses tamién. Na serie, el mozu y la moza tuvieron a puntu carambelu pa xuníse antanu, pero el coste d’elleición qu’ello traía nun quinxo asumíse. Depués el tiempu brinda la oportunidá pa igualo. Pero nun siempre ye asina.  Aprovechemos los tiempos.

NORCOREA: dictadura hereditario

Esti cachu de vídeu actualiza la información de la serie  capítulos que ya punxéremos en febreru del 2015 nes páxines d'esti blogue entitulaes "Norcorea: L'infiernu na Tierra". Esti videucartafueyu desplica los antecedentes y biografía de l'aristocracia de los Kim

Foto de satélite qu'amuesa la probeza llumínico de Norcorea, evidente

 preba del estáu de miseria enerxético en que vivi la polación

EL MAL ESISTE. La historia de Mao Tse Tung

Esta serie de videucartafueyos recueye la historia de ciertos personaxes históricos y actuales teníos como arquetipu de la maldá. De xuro que pa dellos esta xente ye prestoso y exemplu a siguir. Ye lo que hai na collecha humano. En xunu del añu 2013 ya punxi una entrada entitulada: "Na galería d'infames y tiranos, Mao tien xustu acomodu"  que pue espurrir información sobre esta velea humano.

EL MAL ESISTE. Bin Laden y compañía...

Ya viemos dalgo d'esti terrorista na entrada d'esti blogue del añu 2012 entitulada  "La povisa d'esti boldre. La llamuerga d'Afganistán na miopía USA". Agora esti videucartafueyu nos fala de la evolución del mal. Y ye que'l mal tien abondes cares y non siempre frutu de la probeza material o mental. Bin Laden ye arquetipu de cómo un tipu privilexao por fortuna, nacencia y educación escueye, en méritos d'una supuesta relixosidá, ser lo más dañible posible pa esparder una mentalidá medieval esclavista. Darréu vieno la magalla de siguidores neso de prauticar el terrorismu islámicu corando a enemigos y infieles. La enfermedá mental islámico xubida a los altares de la irracionalidá totalitario. Nada nueu na casa del home.

LA CRISIS EUROPEA DEL 2009 Y LA MAQUINARIA DE LA DELDA

Esti trabayu del 2015 fala de la crisis financiero d'Europa qu'entama col españíu de la pomparina inmobiliario norteamericano y aprovecha la ocasión pa estudiar los oríxenes y naturaleza d'eso que se llama "delda fianciero". La verdá ye que ye peresclariaor escuchar la opinión de xente que sabe de lo que fala. Mui interesante.

METANFETAMINA. Camín fácil y baratu pal dir al cagüercu

Nesti videucartafueyu se fala de la droga que parez ser la más pelligroso d'ente toes elles: la metanfetamina. Trátase d’un psicotrópicu de síntesis, poro non natural, que se crió por primer vez en Xapón en 1919 a partir de l’anfetamina sintetizada n’Alemania allá pel añu 1887. Los efeutos físicos y psicolóxicos son terribles, y la facilidá de producción faila acesible a toudios: cualquiera pue facer bricolax cola muerte. Un camín fácil, y baratu, pa llegar aína al cagüecu.

DROGUES PSICOTRÓPIQUES ESCONTRA L'ADICIÓN

Esti trabayu de National Geographic amuesa les posibilidades del emplegu de ciertes sustancies naturales conocíes como alucinóxenes o psicotrópiques (neto que la Ibogaina), pa “rentamar” (reset) el celebru y asina sacálu del círculu viciosu de l’adición. Nun importa que seya tabacu, psicotrópicos, sexu, vigorexia, comida...etc, pues toa adición respuende a un mecanismu neurolóxicu de recompensa que secuestra la voluntá. La solución parez asitiar nos receptores de serotonina llamaos "2A", responsables de la potencial plasticidá del celebru pa camudar patrones ya afitaos, llugar nel que éstes sustancies, como la dicha ibogaina, parecen trabayar para francer la torga adictivo.  Por supuesto, ta claro que l’asuntu tien de facése baxo control de persones espertes y fiables. Hai munches clíniques mundo alantre que fain esti trabayu d’iguamientu pero hai que cuidáse del munchu fraude y negociu que vivi alrodiu los drogadictos desesperaos en cata de soluciones máxiques. Nunca hai qu’escaecer que la muerte tará presente (masque en segundu planu y como posibilidá) nestos “tratamientos” al filu de lo imposible.

ESTÁU DE SOBREDOSIS

La FARMAFIA ye dalgo más qu’una “neopallabra” más o menos afortunao pa siñalar a un sector económicu averao a la salú público como otramiente comentévos nesti enllaz (FARMAFIA). Ye una realidá empresarial que col usu y abusu de la ciencia persigui algamar los mayores beneficios posibles espardiendo la malura o la cronificación d'ésta. La salú, bramenti, non ye negociu. Ye la enfermedá, l'andancia, el negociu y, muncho meyor ye si ésta cronifica, espurre nel tiempo, pues asina l’amaláu, o el sistema de previsión social que lu acueya, tendrá de gastar más y más perres. Esta inmoralidá ye sanguino. Nesti cachu reportax de la canal ruso RT cíncase l'asuntu nos Estaos Xuníos. Interesante que los rusos nun falen de la so propia casa, con bona parte de la so polación somorguiando nel alcolísmu "d'estáu" por aciu el baratu vodka qu'usa el poder políticu como control, neto que n'USA lo foi, o ye, la heroína y otros psicotrópicos de síntesis casero

CUANDO L'AMOR YE LA BONA MUERTE

La eutanasia –bona muerte- ye dalgo polémico. Les más les veces el diferendo que s’afita ente les partes n’engarradiella tien que ver más cola emocionalidá que cola racionalidá. La muerte vívese como una traxedia cuando, dafechu, ye una cosa natural que xustifica la vida y, poro, el desendolcu natural del orde evolutivu. Darréu d’ello ta el “derechu a la vida” y quién tien que lu garantizar. Como l’albuertu, la decisión d’entainar la muerte ye dalgo más personal que social, masque la sociedá tea per entemedies. Ye la persona implicao quien ha tener la cabera pallabra nesti asuntu y la tribu, la sociedá, como muncho tendría de respetar una decisión personalísima. Pero como davezu, hai porgüeyos ayenos a la persona que quier marcháse del mundu o quier nun tener un fíu; porgüeyos amazcaraos en postures relixoses o de política demográfica, siempre de raigañu económicu. Nesti casu pongo un cachu d’un film alemán que cinca’l casu tanxencialmente, pero de forma interesante. Masque la morriente cole primero de l’aplicación de la so voluntá eutanásica (por aciu el llamáu “testamentu vital”) l’asuntu de a quien pertenez la vida y el derechu a quitála en casos de perda de calidá de vida sigui siendo un asuntu qu’invita a la reflexión. Pueque si na ecuación eutanásico metiéremos l’amor y la compasión la cosa diba ser menos violento y más esclariao.  Una posible rempuesta podría tar nesti enllaz alrodiu del llibre albedríu. 

Si quies coses nueves fai coses nueves, dizse al final de la película.

DEPORCHORRADES

Pingarates de Sabencia nació col envís de la reflesión, pero ello nun torga que, dacuando, hebia folixa sano que compartir. Esti curtiu d'Eurosport ye pa desgrasar.

EL BITCOIN. El fin del dineru talo como se conoz anguaño

Esti reportax reflesiona al rodiu del BITCOIN, una "criptomoneda" que vien a "democratizar" el fluxu del créditu financieru nel mundu virtual y real. Interesante l'entamu al facer comparanza coles actitudes que tuvo parte de la sociedá de la dómina cuando enfretó aquellos nuevos inventos que taben fuera del control de los grupos sociales que la pastoreaben. El BITCOIN parez venir pa quedase y esti reportax desplica perbién cómo nació, lo que ye y el futuru que parez alguardamos.

LA ENGARADIELLA DE PARIS: YIH.ADISMU A LA "FRANSUÁ"

Los fechos de los ataques yih.adistes en París.  Sobren pallabres.

1/2

2/2

ECOS ECOLÓXICOS DE LA GUERRA NA MAR

"Llárimes prietes de la mar". Un títulu afayaízu pa esti docudrama ecolóxicu.

1/2

2/2

¿AÚ VAN LOS PLÁSTICOS QUE VAN A LA MAR, QUE YE'L MORRER?

Los problemes medioambientales que produz el plásticu son munchos y tan bien documentados. Esti videucartafueyu amuesa los últimos afayos que cinquen l'asuntu

1/2

2/2

L'ABELLUGU DE LA INFORMACIÓN EN GARANTÍA LA SO INTEGRIDÁ

¿Cómo facer que la información nun corrompa al reproducíla? La info na rede ye camudante. Nun basta atroxála, esbillála, clasificála y/o conxelála nel tiempu por aciu el so fixamientu en medios d'almaceaax amañosos. La info ye dinámico. ¿Cómo enfretar esti desafíu? Too se relaciona con too.

L'ALMACENAX D'INFORMACIÓN N'ADN SINTÉTICO

Anguaño la información xenerao pol home ye inmenso. Y masque pudiéremos separtar biltu de paya lo que queda ye cada vegada más y más difícil d'alforxar si se piensa en términos de futuru. Los medios d'atroxamientu del pasáu esapaecen o queden inalgamables na práutica diario. La informamación que se guardare antanu en discos flesibles (maxnéticos) güei ta dafecho perdío sinón se pasó a CD o DVD. Pero estos soportes ya son obsoletos en muchos aspeutos. Esti reportax cinca esti problema de l'atroxamientu de la info. El futuru contempla l'almacenax en filos d'ADN sintético. Interesante.

¿CÓMO YE QUE TAMOS EQUÍ. HO?

L'ESANICIE DE L'ALCORDANZA . Un dios que nun ama la vida

Ibn Warraq, nel so llibru “Porqué nun soi musulmán” ya esclaria muncho de la barbarie islamista. Esta pretendida relixón (que bramente ye un mecigayu de xudaísmu y cristianismu con notes de relixones politeístes árabes) ye una prisión mental qu’atrasa la civilización humano en mil años, como poco. Nada bono aporta esta basoria social sacante la sinrazón d'humanos, robotizados por  hipnosis teocrático, que sirven de carne de cañón a xefes corrupios que vivin bien a costa de duelgu y asesinatu de munchos. L’islám ye’l responsable de la perda de vieyes y riques civilizaciones como la exipcia o la persa, ente otres coses. Falar de “cultura” islámico ye un insulto a la intelixencia. Esti reportax alrodiu el llamáu “xenocidiu cultural” de la última secta musulmano xabaz (la historia del islam nun ye otra cosa qu’una recatafila de matances y axustes de cuenta ente diverses sectes que se dicíen y dicin les verdaderes seguidores del castrón “mojamá”, cola aida inestimable de siñores de la guerra de turnu) esplaya dalgunes barabaridades cometíes na herencia cultural del oriente mediu. Neto que los talibanes afganos, cuando españaron el budha de Bamiyán, éstos otros nun son meyores.

UN MUNDU ENSIN MICROBIOS

Lo inconveniente de nun tener a los microbios como amigos

1/2

2/2

¿YES LO QUE XINTES? Obesidá y flora entestinal. El bioma.

La obesidá (del llatin “obesus”, fartucón, mantegón) dicin que ye’l problema de salú más urxente de la sociedá (desendolcao) moderno. Miles de millones d’euros  marafúndiense nel so estudiu y tratamiento y apurre gran negociu a llaboratorios y empreses de dietética. La obesidá ye'l ElDorado de munchos negocios qu'empaten cola alimentación. Na canal española La2  punxeron dos documentales  muy interesantes. Ún d’ellos, FACER CORAL DE CORAES, cinca alrodiu de los últimos descubrimientos del papel de la flora intestinal (agora los “modernos” prefieren usar “bioma”) nel fongón de della xente, descubriéndose que ye la dieta que se fai lo que lleva a dixebrar ente tipos de flora intestinar que puen facer a ún obesu o non. L’otru reportax, UN MUNDU ENSN MICROBOS, trata la importancia de los microorganismos na salú de los humanos.

Nesti blogue hai entraes que ya falen de la importancia de tener bona flora intestinal pa evitar y curar delles enfermedades dixestives, tales como el colon enritable y les alerxes que cursen con disfunciones entestinales y intolerancies alimenticies.  El reportax va en dos cachos.

FACER CORAL DE CORAES

1/2

2/2

LA CIBERGRIESCA. Nun hai paz na rede....

Depués del “ataque” del virus entorgador -encriptador- y sacacuartos  “quiero berrar” (abondo) 😈 –d’orixe presuntamente norteamericano (NSA) pero espardío por xente anónimo a fecha d’esta entrada- esti reportax espublizao pola canal ODISEA yera dafechu profético. Lo de la rede internet anició como cosa guapo de collaboración y amistá ente persones y pueblos, una especie d'inventu igualitarista qu’apurría medios y conocimientos pal progresu de la humanidá perriba consideraciones xeográfiques o ideolóxiques. Aquello qu'entamó tan guapo foi un sueñu que ceo finó na velea d’anguaño: xente malo malísimo usando del crimen p’arriquecer y esparder la llépara del mal. Ye lo que trai la humana condición del egoísmu a costafecha. Y la preba d’esto ye que, no fondero, tolo malo de la rede nun vien de rede ensigo sinón del enfotu de los humanos que remanen los medios económicos pa meyorar la cuenta de resultaos de los sos beneficios (porgüeyos) por aciu sustituir la mano d'obra (humano) por máquines. O seya, qu'esto nun ye otra cosa qu'un dañu collateral más del vieyu “maquinismu” nonacentista qu’entamó con aquello del vapor. Coses veredes. Apúrrovos un cachu del reportax.

Más allá de Cancún ta'l paraísu

Esti videucartafueyu de National Geographic cinca el fenómenu de les vacaciones de mozos norteamericanos nel baratu vecín que tienen al sur: Méxicu. Vacaciones de folixa drogatero nes que, amás de bon preciu d’estancia tienen acceso a droga tamién barato y de bona calidá. Desendolca la investigación nel so llugar vacacional por escelencia, Cancún. Y cabo d'esti fenómenu xuvenil vien l’estudiu de los cárteles mexicanos de la droga que s'enseñoréen de la ciudá, la policía –que tien evidentes contautos col negociu illicitu– y el delitu y crimen que tóo esto trai. Pero, claro, nun se cinca nel documental lo evidente: son mayormente los norteamericanos quienes promueven el negociu, escaeciendo los munchos porgüeyos que banca internacional y políticos tienen en que la droga seya una forma de control y xustificación de control, amás de perres en bolsu de los de siempre. Daqué asina como un Benidorm mexicanu. Va en dos entregues

1/2

2/2

CIBERCRIMEN. Nun hai paz na rede d' Internet

La canal ODISEA punxo esti videucartafueyu entituláu “Hackéame” que trata del cibercrimen y les perspeutives qu’ufierta la rede Internet pa que xente malo obtenga porgüeyos y impunidá y de cómo lo que entamó bonalmente acaba teniendo un lláu escuru. Mángovos un cachu d'él. Cinca alrodiu de la rede de la internet profundo y del so restolador “Tor” sofitáu pola alministración norteamericano; de los virus informáticos, del bitcoin y los intentos de los gobiernos por albortar l'intercambiu económicu ensin intermediarios financieros (el casu de Xapón foi un bon exemplu, col procesamientu del responsable de MT.GOX.COM, Mark Karpelés). Tamién trai les opiniones de xente esmolecío pola seguridá de la rede, ente ellos Yevgeny Kaspersky, ún de los más notables investigadores y empresarios nesto de la ciberseguridá.

L'orixinal "Occidentali's Karma" traducíu al español

Esti videu editáu pol youtuberu, ESCMÉXICO fai una pasable tradución del orixinal italiano

OCCIDENTALI'S KARMA. Tópicos y canciu que trai cola

Esto va de lo problemático que ye l'asuntu de los tópicos. Los "topoi" valen pa lo que valen: malpenes apurren imaxe esborrioso de la realidá que pretenden describir, y ello suel traer más malo que bono. Nesti casu va del usu d'un canciu que s'usa pa amosar la cascancia del tópicu que se cita. L'exemplu ye el del canciu que presenta Italia a Eurovisión_2017 que tien, a fecha d'esta entrada, más de 100.000.000 de visualizaciones nel Youtube. Pero por si esto fuere poco ye que nel país mediterráneu munchos coleutivos garraron el canciu pa facer xirigoncia o crítica de munches coses que-yos fuñen tópicamente. Del tópicu de la sufría "mamma" italiana, de los manfloritos y el lobby gay, del escaecimientu de la xente del sur d'Italia, ....del mesmu Papa Fraciscu, etc. La canción orixinal ye prestoso pero inda más prestoso son les versiones de folixa. Mángovos equí dalgunes de les qu'atopé nel Youtube.

1.- La xente del sur d'Italia quexa de los clichés que tien que caltener pol restu italianos (y de los de fuera). Los "meridionali" fain simpático lo que ye una discriminación tópico.

2.- Una visión del mamfloritismu y la so condena por pertenecer a una "secta" diverxente. Los homosexuales tamién sufren el so "karma". Omosessual's Karma.

3.- La "mamma" italiana tamién tien el so "karma". Ye la má moderna, con Iphone, ciruxía estético y vida sexual completo. Y ye que les "mamma" d'anguaño nun son les d'antanu sigún esti fíu italianu señardosu d'aquelles otres mames......

4.- Y la denuncia del canciu puestu en boca del Papa Franciscu, Un trabayu meritoriu y finu facer coincidir la lletra del canciu col movimientu la boca del "facedor de pontes" o Pontifex (pontífice).
Impagable les monxes cola bandera d'España faciendo la fola 😅

L'ORIXE DEL ESPAÑÍU DE LA HEROÍNA N'USA

Esti videucartafueyu de la canal norteamericano National Geographic amuesa cómo foi l’aniciu del bastiazu d’heroína qu'acutió a della polación de los Estaoso Xuníos de Norteamérica pela dómina de los años 1970 a 1980. La cosa entamó seliquino, cola recte de pastielles escontra del dolor (killpain) y los bayurosos porgüeyos que producía ello en médicos corrupios y na “Farmafia” norteamericano representada por dellos llaboratorios qu'actuaben como auténticos traficantes “llegales” de la droga contenío nes pastielles: opiáceos. Darréu d’ellos vieno el control de l’alministración y la xuba del tráficu del so sustitutu amañoso: la heroína. Va tarazao en dos partes pola mor del pilancu de meges por vídeu que permite xubir esta plataforma.

1/2

2/2

Ye lo que tienen los paraísos químicos: duren lo que dura la dosis

SEXCOMICS o el grafismu revolvicu y picardiosu

Prestóme esti videocartafueyu alrodiu de cómo se trata el sexu neos Cómics, de Joëlle Oosterlinck que pudi ver nel prograla " La Nueche Temático" de la canal española La2. Vávos en dos entregues pol pilancu del tamañu de videu que se pue xubir nesta plataforma.

1/2

1/2

DISIDENTES, documental de Fran Jurado

Nun fai falta pallabres pa pescanciar lo que ye esta variante del fascismu que llamamos "nazionalismu" en versión catalana. Esti videu ye rescamplante.

Nunca habrá paz.

......

Tienes de vivir cola to conocencia.

Dietrás de ti, allalantrones, fuera de ti,

hai otros viviendo soledades ensin lluna,

xente de la que nun sabes,

de xéneru y en númberu desconocío.

Pero ellos sí te conocen

y tu nun-yos prestes.

¿Qué-yos fixisti? ¿Bramenti na?

Na, nun ye una rempuesta.

Vas creyer (¿cómo lo torgar?)

que sí que lo fixisti, que-yos fixiste daqué.

Atoparáste naguando por facé-yos rir,

y arranarás pola so amistá.

Nunca habrá paz. 

Poro, llucha con tóo l'enfotu

y con toles mañes zorramplies que conozas,

y ten bien ñidio esto:

la so causa, si ye que la tuvieren, ya nun–yos importa:

odien por odiar.
"Nunca habrá paz" (1956) W. H. Auden - Londres, 1907 - Viena, 1973

DISIDENTES

El mitu (económicamente beneficiosu) del Colesterol

Esta ye la entrada 500 d'esti blogue. Nun ye más que un númberu pero me presta amosálo. Y pa cellebralo vaigamos col siguiente tema: el colesterol y les grases animales que semen tantu esmolecimientu ente la xente pero que dan tanta riqueza a llaboratorios, empreses dietétiques y empreses farmacéutiques. Millones y millones de millones se mueven alrodiu del colesterol. Esti cachu de reportax fala d'ello y de les mentires que caltienen el negociu del miéu a la grasa. Atopelu na canal española La2, que suel emitir videocartafueyos de la canal europeo ARTE. Que vos preste.

Los humanos somos animales omnívoros, cierto ye y, poro, carnívoros tamién. Dende la nueche de los tiempos xintamos carne crudo y grases varies, y ni un res de lo que güei ye azucre y hidratos de carbono. D'aquella, como muncho, la única fonte de duzor vieno del miel y les frutes en sazón. Nun se conocíen fariñes nin panes hasta que vieno la época de los asentamientos agrícoles. Biolóxicamente, el cuerpu humanu ta avezáu a la grasa, fonte d’enerxía, y a la carne, apurridora de les bases que costrúin les propies proteínes, pero non s'afaya cómodo colos hidratos de carbono nin los azucres, especialmente los refinaos o industriales. Con estos antecedentes, ¿cómo ye que hai esa espantible psicosis sobre les grases, colesterol y triglicéridos, ente la polación humano? Bramente nun son les grases l’enemigu d'arteries y corazón sinón los intereses económicos de quienes controlen  factores económicos como el mercáu de l'azucre, ente otros porgüeyos, qu'esti videu denuncia. Va en dos cachos.

1/2

2/2

La mafia de l'azucre: duce belenu mortal

Esti programa de la canal española La2 fala de la mafia de l’azucre. Esti mercáu mueve miles de millones d’euros y dólares y tien el mesmu comportamientu que’l del tabacu en cuanto a maniobres publicitaries y lobbístiques cabo los poderes públicos. El funcionamientu mafiosu inclui maiobres de distraición publicitario cola sida d’axurar que’l belenu que ye l’azucre siga dando bayurosos beneficios a los miembros de la cosa mafioso. El reportax pon a les clares cómo lo que menos importa ye la salú de los ciudadanos, y se dexa ver cómo l’esmolecimientu pola malura de les grases tien aniciu nel movimiento defensivu del mercáu de l’azucre. Apúrrovoslo en dos entregus por mor del pilancu en cuanto al tamañu del archivu que se puede xubir al servidor.

1/2

2/2

Cristianos n'Iraq: pelligru de muerte

Esti cachu del programa de la canal española MEGA espeya la realidá de la resistencia y del estociniu que sufren los cristianos d'Iraq a manes del fascismu na versión islámico.

Cancios pa dempués d'una guerra o l'humor musical dientro d'una dictadura

Cachu de la peli española "Canciones para después de una guerra" d'obligada visión

Europa 1947: fame y tochura postbélico

Les postguerres son la guerra silencioso. Nel 1947 Europa morría de fame, amás d'éxitu, cola economía frayáo por seis años de griesca. Nesti cachu videocartafueyu s'amosa esi periodu y se reflesiona polo poco adeprendío de la guerra. Del fascismu socialista nacionalista alemán al fascismu comunista soviéticu. Como animales, los humanos somos un casu barraca. Repetimos la tochura hasta l'infinitu, ya inda más allá. Impagable cómo los fascistes comunistes algamaron el poder combalechando a lo zorramplio.

L'añu 2015 visto dende 2017...¡cuando s'imaxinó nel 1989!

Asina se vio en 1989 lo que sería un 21 d'Ochobre del futuru añu 2015. Como siempres, ye valero imaxinar un futuru cuando solo tienes información del presente..

Otru exemplu ye esti "control de vuelu" imaxináu nun futuru en que los viaxes al espaciu seríen cosa de fabaraca. Ye una película d'humor pero val pa ver cómo diba ser el porvenir visto dende un mes de payares del 1982. Por cierto, d'aquella los desnudos de moces amosaben material xenuino, falando claro, ensín silicona.

Mocedá perdío....xuventú en marafundiu....

El xuez de menores de Granada, Emilio Calatayud,  diz coses interesantes alrodiu la mocedá española d'esti sieglu XXI. Un cachu de la entrevista vos pongo darréu.

    

La multiplicación de los probes, un arte n'espansión

Gloria Álvarez, del Movimientu Cívicu Nacional de Guatemala, fai esta orixinal presentación del problema "populista" n'Hispanoamérica. Esta variedá del fascismu me recuerda una estrofa que cantaba el cantautor portugués "progre" (un cegaratu cantando a invidentes) Sergio Godinho:

"O fascismo é uma minhoca ( não é? lá isso é)
que se infiltra na maçã (não é? lá isso é)
ou vem com botas cardadas
ou com pézinhos de lã"

El misteriu de númberos y proporciones na pirámide de Guizé

Un cachu del documental alrodiu lo indesplicable....