Tubérculos d'hiviernu: comer sano gracies a los aforros vexetales

El programa "Bricomania" tien un  apartáu interesante no referente a los trabayos con plantes, la decoración vexetal y el mundu de la naturaleza verde. Nesti cachu se mos amuesen los tubérculos hibernales amañosos pa la xinta de la época frío. Interesante si te presta cultivalos na maceta de casa o en práu

Guerra de Robots, drones y dragones

Aquelles imáxenes de les películes de La Matriz y Terminator  en que les máquines apoderábense de la Tierra y soxulgaben a la humanidá hai tiempu que nun son futuru. Esti cachu de La Nuechi Temático de la canal española La2 fai reflexión alrodiu d'esi futuru ya presente.

Homenax a Manolo Escobar

Esti cachu del film "Xuiciu de Faldes" ye prestoso. Manolo Escobar ye un mitu na copla, esi canciu español qu'a munchos-yos presta polo folixero y simplayo. Lo bono del paisano foi que, en vida, goció del respetu y almiración de los sos amigos, y enemigos.

Yo quinxera ser civilizáu como los animales....

Esti cachu de película de Disney recueye, baxo cuentu de pingüín emperaor que va en cata de saber quién furta los pexes que ya nun tienen pa poder sobrevivir, l'estropiciu que facemos los homes cola sobrepesca y, en xeneral, la sobresplotación de tol ecosistema terrestre. Los homes somos una virus corrupiu pa la Tierra, un cáncanu en metástasis que ta finando los recursos del planeta. Al final de la película, cuando los homes discuten sobre la pesca y cómo evitar acabar con ella, el cuentu nun lo ye tantu. A lo meyor dalgún día -primero d'acabar col nuesu llar- adeprendemos la lleición de compartir los recursos naturales en cuentes d'arrampuñalos y agotalos.

Ser xebráu o tópicu, orixinal o copia, ser o asemeyar...

La serie de dibuxos animaos "FUTURAMA" ye prestoso, magar qu'hai tiempu que nun tien material nuevo. Esti cachu editáu, recueye una reflesión intemporal: la dicotomía sentimental de ser dixebráu del restu mortales y, poro, naguar por ser "normal", ye dicir, igual a tolos otros cola sida d'evitar discriminaciones o siñalamientos de déu, xirigoncies o faltosidaes. Nesti casu la "cíclope" dicide ser "normal" implantándose un segundu güeyu. ¿Pero abasta "parecer" normal pa selo? Esi ye'l tueru del dilema: SER o ASEMERAYAR, el fondu frente a la forma.... Veilo y meditái, si vos peta.

Marmolecimientu, paralís nocturnu y esperiencies estracorpórees.

Nesti cachu del programa "Cuartu Mileniu" d'Iker Jiménez se fai interesante alderique alrodiu de los paralís y marmolecimientos nocturnos, de les esperiencies de salída del cuerpu (ESC, o OBE nel acrónimu inglés), amás d'otros asuntos heterodoxos, como les premoniciones arreyaes a procesos de psicoloxía trespersonal. Veilo si vos presta.

Ma, namái que una, pero....

Dende'l puntu vista del fíu, esta reflexión que fai el cantautor Riki-López ye pa mexar y nun echar gota. Esti paisanu fai una xenial descripción de la má "castrante", sinón cuidosa n'estremu....

Una de casorios y babayos traxeaos

De xemes en cuando hai que ríse. Nestes ceremonies de casamientu les coses nun fueron per onde debíen dir, pero val pa echar unes rises.

Relevancia sociolóxico de la minifalda

Esti reportax de la "nueche temático" de la canal española "La2" ye una reflexión alroidu la minifalda, la prenda femenina que revolucionó la vestimenta de la muyer durante' l períodu de la llamada "Griesca frío" na Europa de la década de 1960. Va en dos chachos.

Parte 1/2

Parte 2/2

Les apariencies engañen, pero furrulen

Esti capítulu de la serie animao Gumball ye interesante. Plantea cómo la xemte se dexa engañar pola apariencia d'un vestíu. Hai muchos dicires y refranes alrodiu les apariencies y les mones vestíes de seda, y too ello ye pa pensalo. Les apariencies engañen y, xusto por ello, furrules perbién.

Teoría y práutica del zapatu femenín: enfotos, traumes, poder y... sexu

Esti videucartafueyu alrodiu los zapatos femeninos, sobremanera los de tacón altu, ye interesante. Dende una perspeutiva psicolóxico parecen trabayar como un factor emocional terapéuticu de gratificación y premiu na fema de la especie humano. Por otro, parez una ferramienta d'autoafirmación y puxu social, con ramificaciones claramente sexuales. Prestosa reflexión la que se fai. Veilo

Sinificáu de los sueños nel Psicoanálisis freudiano

"Entruga más un tuntu que respuende un sabiu...."

Sabiu dichu. Pa rise una migaya esti cachu de la serie Gumball fai prestosa descripción de lo que ye la psicoloxía descriptivo de los sueños.... Que vos preste

LLADRONICIU FISCAL, o cómo unos pocos roben a munchos, llegalmente.

La dixebra ente una sociedá avanzao no solidario y social, y otra con carencies materiales y más o menos desencardarmada, ye la "universal" contribución económico de los individuos de la sociedá al bien común. acordies col nivel de renta o beneficiu algamáo d'esa sociedá que-y brinda abellugu social y económicu.

 Ún de los métodos de redistribución de la riqueza collectivo ye l'usu d'impuestos, tributos o precios públicos por servise de "lo público". Cuando nuna sociedá supuestamente avanzao y solidario, parte de les persones deciden non contribuir, y facer eso por aciu de les lleis que deberíen garantizar la contribución de toos a los gastos de la sociedá, tamos énte un supuestu de piratería, robu o lladoriniciu fiscal. Como la xente tien miéu a les pallabres clares, inventa circunloquios que faigan menos grebo lo que ye robo y furto: se fala, nesti casu, d' "Optimización Fiscal" o usu "creativo" de ventaxes fiscales. Pero, paradóxicamente, namái que se beneficien d'esto quienes son más ricos y poderosos, too ello col sofitu de corruptos gobernantes que, les más les veces, miren pa otru lláu mientres engorden los bolsos y afueguen a la mayoría de ciudadanos. Esto ye, amás de corrupción, "hipocresía fiscal".

 Vei esti reportax de France-2 tarazao nos correspondientes asuntos que trata, y meditái.


EL CASU D'AMAZON, o aquello de que "la cultura nun tien preciu"....

EL CASU D'ARCELOR MITTAL. Un "indiu" más llistu que los "vaqueros".....

EL CASU DE LA TABAQUERA  "LUCKY STRIKE",  BATCC. O cómo el tabacu tamién produz "Cáncanu Fiscal", perxudicando seriamente la salú económico de la sociedá parasitao pola fiscalidá creativo de los pirates de traxe y corbata...

EL CASU DEL POLÍTICU HIPÓCRITA. APEL y otres manzanes podres...