El meyor amigu de la muyer ye....

Na peli na que actúa Nicolás Cage, "Pelligru en Bangkok" suena esti canciu de la cantante d'alcuñu "Bubble Toy". Lo que diz la lletra ye polisémico, y mui bien podría ser que'l meyor xuguete d'una muyer seya un vibrador.... Ella lu llama "The One"

Deldes y más deldes. El negociu de cobrar lo incobrable

Cola crisis del 2010 munches families acabaron metíes nos rexistros de morosos. Eses deldes incobrables acaben en manes d'empreses que les merquen pa sacar bonos beneficios. Pero ¿cómo furrula eso de que una factura d'una empresa telefónica acabe pidiéndotela pagar una empresa de cobros? N'Elementary el mocín mos lo desplica....

Ven a mio casa, teunificao...

El NODO español guarda bones ayalgues, como estos cachos de "modernidá" visto dende la década de los años 1960s

Drones y aigles: mala xinta y bones vistes

Nun fai falta comentarios. L'aigla siguió con fame....

La baxa del preciu de les materie primes

¿Qué pasa  cuando baxa'l preciu de les materies primes?

Somos... povisa estelar y... ¡¡matemátiques!!

Tengo un amigu qu'anda estos díes peresmolecíu coles curves. Non, nun ye cosa de muyeres, masque tamién tengamos curves. La cosa va d'economía, concretamente del estudiu de la llamada "demanda" y de cómo se representa. Bramente, de matemátiques. Nun digo cosa nuevo si afirmo que too ye matemátiques. En realidá, too ye enerxía, pero eso nun toca agora. La cosa ye que les matemátiques, y los sos serviores los matemáticos, tan nel tueru de munches coses, de munches disciplines científiques o non, de muncha actividá creativo, económico y funcional. De fecho, los matemáticos son los reis de los Fondos d'Inversión, les empreses de xuros y de la banca, en xeneral. Tolos produtos financieros tienen matemátiques, tolos procesos d'economía "creativo" toquen teoríes de probabilidaes, los "grandes númberos" y complexes ecuaciones qu'inclúin dende'l númberu "e" al llamáu "áureu", costruciones ideales o reales con nomes como Tartaglia, Fibonaci, Newton, Leibniz... Incluso la intelixencia artificial nun ye otra cosa que eso, una copia matemática de procesos biolóxicos pasaos pola piñera de la informática y programación computacional.

Pa dalgunos, la ciencia nun conoz d' ideoloxía parasitario. Y d'ente la ciencia rescamplaría la matemática como disciplina neutro, aséptico, insípido, incoloro, inodoro.... potable. Pero sospecho que s'enquivoquen. Nada escapa a la dicotomía bien-mal. Somos povisa estelar, cierto, pero tamién matemátiques. Nesti cachu de la serie Elementary el mozu fala dalgo d'ello....

¿Los salarios formen güei parte de la política económico?

Nesta esbilla de Kaiser Report se fai una reflesión sobre'l pesu de los salarios na política económico d'anguaño. Nunca tuvo llueñe la esclavitú, solo camudó de nome.

Terapies alternatives con animales

N'USA tan descubriendo los beneficios de les vieyes téuniques de la medicina "oriental", cuando non europea, asiática, africana... El fechu de que la salú seya n'USA un negociu en cuentes d'un serviciu fai que la mafia farmacéutico y médico ponga munchos pilancos énte lo que pa ella ye la perda de xugosos beneficios y porgüeyos económicos. Veamos dalgunes de les terapies que ya se fain mesmo per estes tierres del felechu y la borrina.

LA MERUCOTERAPIA. Xunto colos meruquinos de mosca, qu'iguen situaciones nes que les ferides nun guaren, tenemos l'usu d'anélidos como potenciadores del sistema inmunitariu escontra alerxes y intolerancies alimenticies.

 LA PEXETERAPIA. L'usu tópicu de pexinos (ictioterapia)  que xinten la carne muerto y la entafarren con mucus salivar ta faciendo muncho bien en xente desahuciao pola melecina. La xente con psoriasis ta beneficiándose d'esti tratamientu. Y tamién la dermoestética.

LA SANIXUELOTERAPIA. L'usu de les sanixueles (hirudoterapia) pa tratar la hiipertensión, infeciones y otros males "del sangre" ye una ciencia de 3.000 años qu'agora renaz. Alemania esporta sanixueles a tol mundu y la saliva del bichu tien un potente anticoagulante y anestésicu (la "hirudina") que envidia la industria farmacéutico. En toles cases de campu la familia tenía un tarru de sanixueles a mano.

L'ABEYOTERAPIA. L'usu del velenu d'abeya escontra l'artritis y los dolores d'inflamación articular nos xuéos y güesos yera cosa común n'Asia hai miles d'años. Nesti videu el médicu usa el pinchazu de l'abeya cola muerte d'ésta, pero n'España hai tratamientos más eficaces ensin muerte de l'abeya ya que ésta nun perde l'aguiyón. L'abeyoterapia ye una parte específica de lo que se podría llamar VELENOTERAPIA, que ye un espurríu campu d'investigación alrodiu de los velenos con usu terapéuticu.

LA VELENOTERAPIA, en xeneral. Dende la serpiete a l'araña, pasando por pexes y moluscos la mayor, y meyor botica, la tenemos na naturaleza. El problema ye que la mafia farmacéutico quier adueñase de los principios activos medicinales pa facer negociu, non pa curar enfermedades. La "FARMAFIA" persigue la cronificación de les enfermedaes como forma de rentabilizar el so negociu.

Armes de muyer....

Esti cachu de la serie norteamericano "Castle", (de la temporada, 8 na que la fía ya esporpoyó como fema plena y d'armes tomar), permite ver la visión de los guionistes alrodiu del (¿supuestu?) remanamientu femenín faza l'home. Dicin que'l cerebru masculín tien pocos misterios pa una muyer, que la cosa conductual del home énte una muyer ye mecanismu tan cenciello como'l del fósforu. Lo cierto ye que ye cierrto y veraz y tóoo vien de llueñe, y ye parte del etenru xuéu de la tensión sexual home-muyer.

Bodes de magullu: Patrick y Taresa

Si yes un seguior de les series norteamericanes dacuando atoparás que'l mocín y la mocina de la serie acaben teniendo dalgo más que pallabres en sitios escuros. Nesti blogue ya viemos los votos del casoriu de la serie "Castle". Equí traigo agora el de Patrick, de la serie "El Mentalista". La verdá ye que, masque de magullu, estos casamientos son prestosos de ver porque ye como la vida mesmo, pero previsible.

Carl Sagan y les 5 elementales normes p'algamar cierta sabencia terrenal

La serie "Cosmos: una odisea nel espaciu-tiempu (2014)", que fai anováu "viaxe" alrodiu de la mítica serie del fináu Carl Sagan y el so "Cosmos: un viaxe personal (1980)", tien esta reflexión de Carl Sagan cuando la sonda "El Viaxeru" tornó la cámara faza la Tierra (depués de perpasar el planeta Neptunu) pa ver la cabera imaxe del nuesu planeta. Profétiques y profundes pallabres d'esti científicu, qu'empaten coles cinco elementales normes que permitieron al home salir de la cárcele de la inoracia ya incosciencia. Oyeilo...

¿Ye la probeza dalgo d'aniciu xenético?

Morgan Freeman diz les pallabres d'un interesante guión. La posible xeneticidá de la probeza solucionaría el problema éticu, o moral, de cuestionáse si la probeza nun ye, bramente, otra cosa que'l resultáu de l'avarulia ya inhumanidá del home, una especie dafechu estraño al ecosistema terrestre....

1/2

2/2

La frontera sur astur

Corea "la mala" acordies Florentino... Pa mexar y nun char gota

El dictador de Norcorea según Floren....

La "pasta" na "cuchina sichiliana" o el reinu de los vexetarianos

Vuelvo a trayer al blogue una esbilla d'esti programa de la cocina mediterráneo que fai esti británicu con aspeutu de güelín saudosu y enfotos de xubiláu. Nesti casu ye un resume de platos de pasta que se fain per Sicilia, fáciles d'aperiar. Y cómo soi ún namoráu de la pasta "al dente" aende vos va cómo iguar dellos platos típicos de cocina vexetariano. Que vos preste... y alimente. Depués de ver el programa tuvi que dir facer unos espagueti al quesu picón porque la gusa apretaba....

L'esperimentu turísticu del Pozu Sotón

El pozu Sotón, constitui un interesante exemplu de cómo vender la minería del carbón como oxetu turísticu. Esti reportax de la RTVA fai un resume de cómo ye la cosa

Trucos pa facer un bon viaxe

Esti programa, "Hacking the system" que fala de "torear al sistema" ye perinteresante. Nesti casu fala de cómo facer los viaxes más amañosos y ventaxosos, tanto dende'l puntu vista económicu como de prestamientu.

Xinta en ruedes: comida italiano y thai

Un puntu que fai "pucci" n'USA, una variente del bocadiellu al fornu de tola vida

y, darréu, dalgo de xinta thai...

Chando-y cara a la vida: Téuniques y engañifes pa trunfar y nun morrer nel enfotu

Nesti videu se fai un estudiu de cómo algamar dellos finxos na vida chándo-y cara... o cálculu estadísticu.

Primero lo d'algamar un trabayu.

Y agora, cómo metése, con ciertes garantíes, nel mundu de les probabilidaes ludopátiques...

Olivetti y l'aniciu de la computación personal o lo difícil que ye ser inventor según ú nazas

Viendo esta hestoria de la computadora Programma 101, d'Olivetti (que, bramente, trata de la propia hestoria del ordenador ellectrónicu y l’aniciu de la popularización de la informática) alcordéme del señor Barreiros, aquel mecánicu gallegu que llegó a ser un potente industrial de l'automoción partiendo de la nada, na dómina de la posguerra incivil española na década de 1945-1955. Neto qu'Adriano Olivetti, Barreiros tenía esi conceutu de la industria como dalgo inxerto na sociedá, dalgo con dimensión humano y non cosa puramente económico y d'esplotación del home por l'home. Per otru lláu, la hestoria de la división ellectrónico d'Olivetti ya la del mundu del inventor, digamos “mediterráneu” o del sur d’Europa. Eso de que la xente "del sur" seya vago, ensin ilusión innovadora, ensin curiosidá científico, toa esa mena de tópicos qu'esterilicen, a priori, el gran potencial de la intelixencia humano añerao en tierres d'España, Italia o de la mediterraneidá en xeneral, ye dalgo que tovía pesa, perpesa, nel incosciente de muncha xente. Esi prexuiciu, xunto con otros munchos, fai que seyan otros ambientes los que parezan más amañosos pa que la ciencia teunolóxico xorreza. Cuando los emplegaos d'Olivetti ven cómo funde la empresa ensin que la banca nin el gobiernu italiano faiga daqué cosa por salvar lo que yera un gran futuru teunolóxico na ciencia de lo que güei llamamos "informática" podemos pescanciar mucho de lo que pasó y pasa tamién n'España con eso de la innovación y la investigación. Por eso nun lleva xera entender porqué los Estaos Xuníos de norteamérica, o mesmo nel norte d'Europa Alemaña o Suecia, suelen ser tierra de promisión y acoyimientu de xente con enfotos de progresu y innovación. La cultura del fracasu como camín necesario de perfeción, y non de descréditu, ta por afitase na mente de la xente asturiano, española en xeneral, y de bona parte de la llamada Europa "del sur". Vei esti reportax en cachos pola mor del tamañu del vídeu que se pue xubir al blogue.

1/4

Iguar l'equilibriu.... A vueltes los malos son meyor que los bonos

Nesta esbilla de la película "Batman begins" el malu tien más razón que'l bonu del mocín tresvestíu de murciégalu xusticieru.

Parásitos económicos

"TelePutin" nun ye la mio fonte preferío de conocencia noticioso pero a vueltes tien daqué cosa potable, normalmente porque nun ye de produción propio. Nesti casu, la canal "putiniano" emite el programa independiente "KEISER Report", una manifestación de la llibertá que tien USA, que permite qu'uno de los suyos quexe y denuncie, frente a la intolerancia faccioso del réxime pseudodemocráticu de la Rusia "de Putin" onde la crítica ta torgao. Nesti reportax se fala de la economía de lladroniciu y engañifa que lleven darréu los especuladores financieros del mundu feliz de "la cai del muru" neoyorkino.

1/2

2/2

Messege l'ensalmaor

Morís Mességé fo pioneru na llucha pola reconocencia del trabayu del curanderu qu'usa plantes pa amenorgar la sufrencia o pa curar enfermedaes. D'aquella, en Francia -como en tolos sitios llamaos "civilizaos"- despreciábase la conocencia sanadora popular, llamando "empíricos" a quienes usaben artes sanadores fuera de la casta médico. Oyei lo que diz en so primer llibru.....

l'Asturidá nel camín de Santiagu

La canal televisivo alemano, DW (Deutsche Welle >  "voz d'Alemaña" que fala, sorprendentemente un "alemán" que ye idioma inglés) dacuando emite interesantes programas. Ún d'ellos ye ésti que trata del Camín de Xacobu, o de Santiagu, que nesti casu sigui la ruta que se conoz como "camín francés", aquél que va peles tierres de l'Asturies tresmontano, o seya, la que ta tres la cordal,. Equí amuesen la fabricación de quesu picón per Posada de Valdeón, y la industria de la castaña de pel Bierzu. Nesti casu de la castaña se fala del usu de trabayaores sudaqueños ya que los españoles parez que nun gusten d'abangar el carrasquiellu pa pañar castañes según s'aldovina polo que diz J.G. Ferreiro (masque supongo que los inmigrantes guapamente tarán ensin asegurar y trabayarán irregularmente o por un sueldu de miseria, lo cualo los fai más aselaos y controlables, pero eso ye un suponer, claro). Jesús García Ferreiro fala de la seca que ta esaniciando al castañu y darréu de la xente, "xente bono", qu'emplega pa la collecha de la castaña. Interesante paisax.

1/2

2/2

Esclavos de FIRESTONE

Ryo Murakami morrió depués de facer esti reportax sobre cómo la multinacional de la goma y el neumáticu explota en Liberia la so plantación d'árboles "que lloren"...

Cena romántica con más d'un invitáu

¿Quién diba a sospechar que nun atopu románticu cola pareya, preparando una cena, xintando, faciendo la corte pa depués folgar na cama, díbamos a tener más compañía que dos? Polo menos podemos dicir que nunca tamos solos: siempre tendremos de compaña a la microfauna, tanto tópica como alimenticio. Disfrutái.

Pericles n'Asturies: emprendedores, empresarios, hérues....

Nesti reportax de la canal Odisea, entrevistase a José Manuel Pérez, nomatu "Pericles", al rodiu de lo que ye un emprendeor (que ye'l nome vergoñosu que se-y da a lo que tola vida foi un EMPRESARIU, pero como los margaritos "progres" de la casta del poder tovía tienen miéu a la llucha de clases anden inventado formes d'arrodiar la realidá pa nun dicir lo qu'hai que dicir, pero esi ye otru tema). Interesante la reflexión que se fai sobre cómo la sociedá española, presuntamente bienintencionada, embabaya a la mocedá por una sobreproteición, privándola de les necesaries fosties que da la vida, los fracasos y caídes, el dolor de la perda y la gayola del trunfu y los beneficios que trai saber llevantáse y aprender de los errores propios. Lo cierto ye que ye una bona lleición de lo qu'Asturies necesita y oxalá la cosa frutie primero que dempués.

USA y el cuasi monopoliu alimentariu

Ye un fechu que los Estaos Xuníos de Norteamérica formen un monopoliu de facto nesto del control de precios de les materies primes y, no tocante a la cosa alimentario, la so producción permite bona parte del control de los mercaos de la soya, maiz, trigu y parte del del arroz.

¿Por qué la xinta ye tan caro? El monopoliu de los biltos

Biltos o semielles tan convirtiéndose nun bien más caro que l'oru, razón pola cuala la comida cada vegada ye más caro pal ciudadanu mediu. Por supuesto, nel llamáu "tercer mundu" la xinta siempre será caro.

El pelligru del usu y abusu d'unes poques variedaes vexetales: l'exemplu d'Irlanda

Nesti reportax se fala del monocultivu intensivu d'unes poques variedaes de vexetales alimenticios. El casu de la pataca ye paradigmático pues una sola variedá constitui casi el 90% del total de pataca cultivao. Lo mesmo pasa col arbeyu, el tomate, el maiz o la llechuga. Na Irlanda del sieglu XIX saben de lo que falamos cuando la perda de la collecha de pataca (cuasi toa perteneciende a una sola variedá) supunxo muerte y emigración.

Inxeniería xenético: el casu de la soya

Nesti cachu reportax fálase de lo que se fexo cola planta de soya pa meyorar la producción de la faba. L'usu de xenes bacterianos resistentes a un herbicida supunxo una meyora nel cultivu de la soya al llimitar la proliferación d'herbes "parasitaries" o "males". Por supuesto, el conceutu de "malo" nada tien que ver cola naturaleza d'eses herbes sinón cola intrepretación económico que fai l'home d'esos vexetales que nun aprovecha.

¿Por qué los tomates d'anguaño tarden n'apodrecer?

Dicin que foi la primer manipulación xenético que se fexo, arrementes, nun alimentu, y consistió en camudar la orientación secuencial del xen que codifica la enzima poligalacturonasa responsable de la degradación de la pectina de les célules vexetales. Al facelo, la enzima nun se produz y l'apodrecimientu se ralentiza ya que esa ye la enzima ye ún de los factores más importantes del procesu d'agostamientu.

L'Exiptu faraónicu en versión cartón-piedra

La inaguración del segundu canal de Suez traxo esta cellebración de cartón-piedra. Nada que ver cola grandiosidá d'un Exiptu faraónico. La conquista árabe d'Exiptu supunxo, amás de la muerte y esclavitú del cristianismu coptu (únicos exipcios que caltienen tovía la herencia del vieyu Exiptu), la miseria humano y cultural xunto cola perda d'esta vieya civilización del Nilu sapozada pola irracionalida homicida del llamáu "moromierdismu".

Delles prefieren un pinchu nel que posar el culu

Nesti cachu de la serie "American Pickers" hai una sutil sexualización durante el regatéu por facese con una vieya caxa ferramientes de carpinteru. Ella prefier retacar la furaca, o talo parez.

Hiroshima. Suma y sigui

Hiroshima pué ser un exemplu de munches coses, una d'elles, espeyu de la maldá humano. Pero nun hai que'escaecer que tolo que-y pasó al Xapón imperial, cuando entamó la guerra de conquistes asiátiques pa espurrir en territoriu y tener fácil acceso a materies primes, ye culpa de los militares xaponeses, un auténticu gobiernu na solombra amparáu por un diosecillu-marioneta. Cuando los guerreros xaponeses, los samurai, ocuparon l'exércitu al amparu d'una pretendida modernización de la sociedá xaponeso, traxeron conceutos medievales de supuestu honor na muerte y asesinatu del enemigu, toa una talandoria mental de prepotencia y sumisión d'un pueblu-oveya, afitando d'esti móu la dictadura militarista que tantu dolor y horror trairía a los chinos de Manchuria, a los coreanos, birmanos, filipinos, tailandeses.... Nesti sen, y dao que los militares xaponeses cuntaben con llevar la guerra químico a la costa oeste d'USA (esperimentos con humanos fechos pol "Escuadrón 731") cuando víen la guerra perdío, la bomba atómica foi más una solución qu'un problema. Pero opiniones hai pa tolos petites. Vei esti resume alrodiu de los fechos d'Hiroshima.

¿Ye asina el robu robóticu? La economía, virtual y deshumanizao

En dos entregues apúrrovos esti reportax francés sobre una cosa que llamen "mercadéu robóticu", notres pallabres, intermediación robótica (y poro, automática) nes órdenes bursátiles. Hai un gran secretu, munchu tapecimientu y engañifa. Tán usándose algoritmos automatizados pa ganar perres a costa d'eso que se llama "economía virtual". Mientres los señoritos xueguen con computadores, les empreses (trabayaores y empresarios) del mundu real sufren na inorancia del destín escritu polos dioses del dineru y la riqueza. Perdióse la dimensión humana y social de l'actividá económico y agora solo queda el mundu virtual del xuéu especulativu económicu. Y asina mos va. Veilo nel reume que vos apurro.

1/2

2/2

El fostiazu del comunismu: de Wojtyla a la "glasnost", pasando pela muria alemano

Esta esbilla videográfica reflesiona alrodiu de la cayía del comunismu "real" cola llegada del Papa Woityla a la sé pontificia. Y ye que, amiguinos, too pasa y too aporta, dixo'l poeta.

Africa: la descolonización durante la llamada "Guerra frío"

Esti cachu de reportax alrodiu la Guerra Frío y lo que supunxo nos procesos de pseudo-descolonización ta perinteresante.

El club de los marxinaos y l'acosu escolar

Nesti cachu de la serie de dibuxos animaos, Gumball, se fala d'eso, maque también podría dicíse acosu escolar, un verdaderu problema nes escueles d'educación. Ye gracioso, pero l'acusu escolar, como'l llaboral, ye un gran problema.

Vida cotidiano nel Exiptu faraónicu

¿Hai dalgún poema d'amor n'exipciu? ¿Cómo yera la vida de los cenciellos? Más allá de los faraones y los sacerdotes tamién había vida y hestoria. Esti cachu reportax fala d'ello, y de los coptos, y del pasáu gloriosu d'un Exiptu amiseriáu, anguaño, pol islám y la so sinrazón. 3.000 años d'historia exipcia esfarrapaos pol imperialismu árabe y la so basoria supuestamente espiritual.

Hevia nel "Salus per Aquam" de Budapest

Muncho me presta esti canciu d'Hevia. Voi dir esbillando dalgunos otros pero agora va esti  "Szenchenyi Spa" de Budapest.... L'entamu del canciu alcuérdame la entrada d'un convoi de ferrocarril nes víes de la estación de destín mientres les ruedes salten xuniones y desviaciones que te llevarán al andén de desembarcu, masque pol desendolcu del tema musical parez tamién que'l tren abandona la estación pa enfilar, a toa mecha aú quiera que vaiga. Prestoso d'oyer.

La muyer "dimórfica" sigún la psicoloxía conductual. El post-enxitu problemáticu

Nesti cachu de la serie "Bones" la protagonista, a la que-y punxeron l'alcuñu que da nome a la serie ("güesos") sufre lo que la psicoloxía conductista llama "dimorfismu" o "doble forma o aspeutu" por causa del enxitu acabante pasar. Interesante los conseyos del psicólogu al pá, y los de la vendedora de tempereyes y ropa íntimo pa que dure un matrimoniu.

In memoriam de la 9a compañía. Españoles na lliberación de Francia y París.

Los franceses de postguerra quinxeron disimular, sinón tapecer, l'abierta collaboración de la mayor parte de la polación franceso col ocupante nazi alemán. Munchos yeren los franceses que vieron la ocupación alemana como una forma de rexenerar l'amorrentante república francesa, amás de sofitar l'odiu antixudíu de los nazis. La famosa "resistencia" nun yera otra cosa qu'un garrapiellu comunistes franceses baxo direición estratéxica y combatiende (les más les veces) d'esperimentaos soldaos españoles que veníen de perder la guerra civil española y teníen formación y esperiencia de combate. El xeneral Leclerc sabíalo y aporvechó esa esperiencia integrándolos na división de combate que mandaba. Por supuesto, los españoles fueron siempre en primera llínia y al final de la guerra más del 80% d'ellos taben muertos en combate. Por eso fueron los españoles los primeros qu'entraron en París el 24 d'agostu de 1944 a bordo de semiorugues y tanques norteamericanos con nomes como "Ebro"y "Guadalana" en memoria de batalles españoles.
Equí se fai una entrevista a dos periodistes:  Eduardo Martín de Pozuelo (autor del llibru "La guerra ignorada") y Evelyn Mesquida (autora del llibru: "La Nueve: los españoles que liberaron París".

Serviciu Públicu d'Emplegu d'Asturies: Xixón-El Cotu (de S. Nicolás)

Un collaciu fexo esti vidiu usando documentación de la RTVA y fotos oficiales d'esi organismu autónumu encargáu de la xestión del emplegu n'Asturies. Nesti casu la oficina allúgase en Xixón, nel centru polivalente municipal del barriu d'El Cotu. Con fondu musical d'Hevia

¿Qué ye una maldición? La falta de suerte.

Esti capítulu de la serie de dibuxos animaos Gumball alrodiu la maldición ye pa mexar y nun char gota

La vengación d'Einstein o una cadena de siloxismos que da les gracies a los nazis por tener la bomba atómica n'USA

Nesti programa norteamericano entituláu "LA VENGACIÓN D'EINSTEIN" se fai la reflesión de que l'odiu alemán polo xudio ye'l responsable de que los EE.XX algamaren la primacía nuclear. Una cadena de comprendories lleva a que'l rellator se congratule de tener, anguaño, la bomba atómica. Ye una forma de velo. Einstein y los otros xudíos fixéronlo posible. Talo se diría construyeron una nueva "arca de l'allianza".

El control mental y José Manuel Rodríguez Delgado

José Manuel Rodríguez Delgado fue un neurobiólogu andaluz que se fexo famosu polos sos trabayos n'estimulación elléctrica del cerebru n'animales (incluíu l'home, claro). Viaxó a EE.XX ú investió en fondura esti campu de la neuroestimulación y algamó notable ésitu. Pero como toa descubierta, la cosa pué tener más d'un emplegu. Vei esti reportax

L'Azucre: mafia, belenu y dineru. Munches perres y poca salú

Mángovos en dos entregues esti interesante reportax del añu 2012 de la canal francesa "Premières Lignes Televisión" que repunxo la española La2. Nel fálase del grupu de presión del azucre, una auténtica mafia que tien embelenao a la sociedá occidental, propiciando malures como la diabetes, la hiipertensión, la descalcificación y otres enfermedaes que fai la calidá de vida del adictu al azucre asemeyao a un yonki del tabacu o a un encolingáu de la cocaína. Pa reflesionar dafechu.

La mafia del azucre 1/2

La mafia del azucre 2/2

Cumples más años y más separtes del rebañu....

Esta prestosa serie de la televisión pública española RTVE, Diarios de un nómada,  acaba con un guapu canciu del grupu "Marea" entituláu "neto que l'ábregu". Préstame permuncho la final que  diz que sigún cumple más años, más separta del rebañu... Voi mangávos un videu d'esti grupu

Xesús el Cristu nun yera perfeutu, ¿por eso trunfó?

Nel Evanxeliu de Mateos (15.23) hai dalgo interesante. Xesús pescancia que de lo llocal la so misión espurre a lo universal. De los xudíos pasó a los xentiles. De la povisa de la caleya de casa, a la caleya del mundiu. Esti cachu reportax trata d'eso, y da que pensar sobre lo perhumanu que yera esti supuestu fíu de Dios.

Recreación de cómo ye una infeción vírico

Esti cachu reportax fai perbona recreación animada de cómo furrula la infeción vírico dende'l puntu vista celular. La perspeutiva molecular de les proteínes, la membrana celular, centriolos, microtúbulos, núcleu, orgánulos, mitocrondries... Impresionante representación de lo que ye'l mundu molecular celular. Muy prestoso de ver.

Viet Nam: CanTho, una evacuación fluvial

Hai que dir polo segao... o cómo furrula la "motofesoria"

¿Dos babayos mui babayos...?.

De la mina d'Arnao al castiellu de Gauzón...

El castiellu de Gauzón perteneció al noble astur GONZALU PELÁIZ, a quien güei se considera como el primeru que intentó, dafechu, la dixebra del reinu asturiano del de Castiella-Lleón. Equí se cunta parte de la biografía d'esti noble astur que quinxo una Asturies dixebrada del reinu Castellanolleonés, iguál que fexo na so dómina el condáu Portucalense, febra del Portugal d'anguaño.

Vei http://sabencianeya.blogspot.com.es/2012/03/la-hestoria-del-conde-astur-d-gonzalu.html

Viet Nam. L' USS-Kirk y la evacuación de Saigón

El funeral de Gorsky o "sic transit gloria mundi" que dixo el poeta

Una pena que la serie "Dos homes y mediu" quedare ensin Charlie Sheen. Bonos guiones y meyor actuación (cuando nun taba chumáu o fodiendo a la fema de turnu)

Morfoloxía de la domesticación, evolución y enfermedades animales nel home

Esti cachu reportax mos fala del "toxoplasma" y de cómo la "humanización" produz alteración na morfoloxía de los animales "domesticados"

Díes "malos" pal mundu: Hitler nel so día 5

Los fascismos como l`'islamismu, o los movimientos "chavistes" que cristalicen en partíos como l'español "podemos" tienen, al final, dalgo que ver col socialismu nacionalista alemán de los años cuarenta del sieglu venti, si bien ún d'ellos abelluga baxo'l mantu de verdá arrevelada y l'otru nun fai ascos a los campos de concentración "anticapitalista"

Cronobioloxía: la importancia de los ritmos vitales y el relox biolóxicu

Esti reportax en dos entregues desplica la importancia de respetar los ritmos circadianos nel tratamientu de malures, pa meyorar los resultaos terapéuticos,, y cómo furrula el relox biolóxicu nel rendimientu inteleutual de los humanos.

1/2

2/2

Escala casera de pH

Nesti pequeñu reportax se fai una escala de pH con materiales que podemos atopar na cocina de cualquier llar. El pH ye una medida de l'acidez-basicidá d'una disolución y ye una espresión logaritmica de la concentración d'Hidroxeniones qu'hebia nella.

Colonización inglesa d'América y reflexión alrodiu la discriminación

Divertíu vídeu que col envís de tratar sobre la colonización inglesa d'América fai interesante reflexión alrodiu de lo que ye la discriminación y cómo el llinguax pue remanáse y acibiellar p'algamar fines ayenos a lo que de mano sería ético y razonable dientru'l marcu de lo que se trata.

Exércitu y drogues psicotrópiques pal combate

Dicin que Napoleón afirmó que l'exércitu caminaba sol banduyu. Anguaño la cosa de la xinta sigui seyendo importante, pero más que l'estómadu lo que manda son les drogues psicotrópiques que permiten "optimizar" l'actuación del soldáu en griesca. En realidá trátase d'una cosificación del soldáu col envís de tratalu como una parte más de la maquinaria bélico.

L'altiplanu andín: la cultura quechua y aimará

Esti reportax de la canal española La2 llévamos por mundu de la cultura quechua y aimará, sincréticamente fundíes cola relixón católico y la cultura española de la colonización.

El llagu Titicaca nel antiplanu andín

 El llagu Titicaca, coles sos islles de totora y la xente "de sangre negro" que dicin que nun funde en agua. Primero que'l turismo lo destruya veamos dalgo d'esi guapu parax, frutu de la tectónica de plaques

Cristianismu: resume del orixe d'esta relixón

Breve resume del orixe hestóricu d'esta relixón qu'anguaño sufre la persecución de laicos y musulmanes, semando con la sangre de los sos fieles y seguiores les tierres del llamáu "Oriente Mediu". Tal se diría que Xesús sigui morriendo na cruz de la sinrazón.

Drechos Civiles n'USA y la importancia de los "mass media"

Nesti resume d'un capítulu de la serie norteamericano que desplica la hestoria de la humanidá dende'l Neolítico hasta'l sieglu XXI, se reflesiona sobre la llucha de los negros norteamericanos pola igualdá efeutiva durante los años de la década de 1950 y siguientes, (práuticamente dende'l fin de la II Griesca Mundial) y l'importante papel que nello tevo la comunicación d'esa llucha y la llibertá d'información.

Visitando la estación espacial internacional

Nesti resume d'un reportax entituláu "Alcuentros cósmicos" amuésasemos cómo ye la estación espacial internacional per dientro y cómo l'Axencia Espacial Europeo contribui al so furrulamientu, cabo USA y Rusia.

La Ciencia de los Sueños Llúcidos y Viaxes Estracorpóreos

Mángovos en dos entregues esti interesante reportax emitíu na canal La2 nel so requexu "La Nueche Temático" alrodiu de lo que la ciencia sabe de los nomaos "sueños llúcidos", asuntu rellacionao colos "viaxes estracorpóreos". De toes formes, una cosa ye lo que la ciencia diz que ye, y otra lo que ye que la ciencia diz. Tolos humanos "viaxamos" toles nueches mientres durmimos, realizando lo que se suel dicir "viaxe astral", una esperiencia que ye, na práutica, cuasi una muerte piquiñina sacante la non desconesión del cuerpu por aciu'l filu plata que xune cuerpu y ente astral. Más o menos.

1/2

2/2

Antón Saavedra: "Villa, esi fiu de la gran pilforra..."

Nesti cachu de reportax de la canal española La6, se fala del casu de la corrupción del xefe del mafiosu sindicatu mineru español de la Xunión  Xeneral de Trabayaores. Un puntu interesante: d'obreru concenciáu a capitalista con fondos en Suiza... Gracies a los obreros que dicía defender pero a los que, bramente, robaba. La naturaleza humano en tou'l so esplendor.

En Tierra Foíno: L'Infiernu venezolán

El programa d'investigación de la canal española A3 "En Tierra Foíno" fexo esti reportax alrodiu la realidá venezolano del añu 2015. Nesta entrega, que sirvió de base al otru reportax que ya punxi, se comprueba la corrupción, el miéu, el lladroniciu, la muerte y sufrencia d'un pueblu que nun tien futuru dende la llamada "independencia". Aquellos españoles que se quedaron con Venezuela siguen siendo l'aristocracia que la desangra, eso sí, vistíos de soberanía, dignidá y "progresu" p'hacia la nada..

Venezuela en ruines

De xuro que cuando l'español Bolivar elixó dixebráse d'España pa quedar col pastel venezolanu (típicu movimientu egoísta) nun yera a adivinar qu'aquella desllealtá pa col so país diba traer tanta miseria y muerte al trozu de tierra española qu'amaba tanto. Asina qu'esta historia pué entituláse asía: "De cómo la supuesta independencia de los españoles de Venezuela lleva a la ruína a una de les tierres más guapes d'América".

Muerte, corrupción, miseria, nepotismu, clientelismu, el cáncanu de lo inhumano encarnao n'humano. A lo meyor la solución sería la rexeneración del país dende una autoridá moral superior y tresnacional, lo cualo podría entamar por que los españoles venezolanos volvieren a ser cenciellamente españoles, una suerte de recolonización mental que llimpiara tola llépara inhumano que traxo la engañifa d'aquellos egoístes españoles que se dixeron "llibertadores" pero que bramente dedicáronse a furtar, matar y robar, nesti casu na tierra venezolano. Eso podría traer una rexeneración ética y moral a esa tierra bendito pola naturaleza y el trópicu. Esti reportaxe d'investigación de la canal española A3 ye interesante.

EL CEREBRU FEMENIN de Louann Brizendine

Hai tiempu que naguaba mangar equí audios del im-pres-cin-di-ble llibru de Louann Brizendine "EL CEREBRU FEMENÍN" pero como toi con mucho trabayu voi facelo pasu ente pasu.  Primero de too voi xubir audios que cinquen la perspeutiva sexual de la rellación humano. De xuro que va prestavos conocer meyor cómo furrulamos, acordies coles últimes investigaciones, como especie sexual. Los siguientes audios incluirán enllaces pa poder siguir los capítulos nos que tarazo'l textu pa facelo más didáutico y remanable. Por cierto, l'autora espublizó tamién EL CEREBRU MASCULÍN, pero nun ye tan interesante como l'otru pues l'home tien cerebru más cenciellu, neto que la cabeza d'un fósforu.

Darréu van dos vídeos:  "La gran dixebra sexual", y "Lo que les muyeres nun pescancien de lo que ye'l sexu pal home"

Los "Homes bonos" de Pérez Reverte.

 Curtia esbilla de la entrevista que tevo na canal española La Sexta. cuando presentó la so novela "Los homes bonos"

Si quies trunfar, atrévete a fracasar.

Educación y Creatividá. La una y la otra van de la manu. Pero darréu d'ello dalgunos desendolquen el miéu y surden los pilancos. Hai que volver a ser nenos ensin miéu nin rocea

L'Axencia Espacial Europeo y el so nuéu vehículu retornable IXV

Masque inda nun ta iguao pal retorno de xente, esti vehículu recuperable ye un pasu perimportante na carrera espacial de l'Axencia Espacial Europeo. Seguiremos col Soyuz pal retorno de la xente, pero barrunto qu'eso solo será per un tiempu

Zúcala.... como sepas.

La más risondera zucada que moza alguera pudo facer a un "pilotu automáticu" de nome Otto. Y esi comentariu de "válvula manual de inflación" -lo llóxico n'español ye "inflado"- ye impagable.

El Cine USA en guerra: de Marlene, Holocaustu y Hirosima

Nesta entrega vamos de Marlene Dietrich a los campos d'esterminiu nazional-socialistes y de cómo reflexó esto el cine, en dos partes

1/2

2/2 Del holocaustu al síndrome postraumáticu del combatiente.

 <<<<<<<<CAPITULU ANTERIOR

El Cine USA en guerra

Tuvi la suerte de ver l'entamu del capítulu 1 d'esta serie francesa alrodiu de cómo Hollywood contribuyó al esfuerzu bélicu durante la Segunda Griesca Mundial. Si consigo los siguientes capítulos podré facer una esbilla y apurrívoslos.

CAPÍTULU SIGUIENTE >>>>>>>>

Convién nun escaecer qu'esiste el bien

Un alma sabia dixo "el mal nun ye nada, malpenes un sospiru nel mar de lluz que mos arrodia, pero hai que lu conocer. Si vusté non lu esperimenta ye fácil escaecer qu'esiste y darréu d'ello nunca non lu pescanciará". Mientres nesta dómina el mal del tardofascismo rusu, circustancialmente encarnao nel presidente Putin y los sos amos conocíos como "complexu económico-industrial mafio-militar", sema muerte y miseria en tierres d'Ucrania, Xorxia, Abh.asia, etc, por aciu'l fomentu del separatismo y la ayuda presuntamente humanitaria que pretende "abeyugar" a los rusoparlantes (una mena de neocolonialismo)", la xente ruso común amuesa compasión y solidaridá. El mal espuxigando ente'l bien. Esti videu ye prestoso

L'oru astur na Asturies d'anguaño

Nesti reportax de la canal española TVE se reflesiona alrodiu del futuru aurífero d'Asturies, un futuru que tien raigaños nel pasáu d'esplotación romana de placeres y vetes auríferos con esclavos astures sometíos al xugu imperial. Pasáu y futuru non tan llonxanos.

Sexu sensual na ropa femenino

Nun voi meteme en "fondures" pero esto de vender ropa femenino (o arumes, zapatos, etc tóo propio del llamáu "sexu débil") fai a los publiciste poco creativos pues la cosa reduzse, les mas les veces, a sexu con ropax sensual. Nesti casu la cosa va de vender ropa de branu, pero ¿realmente se vende namái que ropa? Pémeque non. Lo implícito ye bien esplícito.

Canon de Pachelbel con coros infantiles

Prestóme muncho esta versión del famosu canon de Pachelbel acompangao de coru infantil.

L'home predestináu pol nome, o cómo un forquín tien mucho de sexual.

Nuna canal franceso de venta direuta hay un productu interesante: un forquetu vibrador que facilita l'aición de pinchar y soltar lo espetáo cuando se come. Too ye mui normal hasta que'l presentador fai un comentariu sobre el nome del 'inventor (apellidáu Pinu) diciendo qu'esti nome del home predestinábalu al ésitu del inventu. Maxinái l'asuntu: un forquetu vibrador, más enanchao per ú lu garrar, que se mete na boca.... La moza empieza a descoyonase pol evidente tastu a xuguete sexual. Rir pa mexase. Miráilo

Oveyes, llobos y perros

Na peli "El francotirador" (2015) hay un interesante mensaxe. Ensin entrar nes implicaciones morales o na naturaleza más haxográfica que biográfica del personaxe, el pá del futuru soldáu fai interesante dixebra de la polación humano. Dizlo nidio y dizlo bien. Oyéilo. Oveyes, llobos y perros... defensores.

Norcorea: L'infiernu na Tierra. 6. Otres opiniones

Nesta cabera entrega danse les opiniones de otra xente que viaxó a Norcorea, bien por ociu o por negociu. Orwell taría argullosu d'esta xente coreano.

CAPÍTULU ANTERIOR

VOLVER AL CAPÍTULO 1 

Norcorea: L'infiernu na Tierra. 5. Secretos y mentires

Acabao el viaxe al norte, l'equipu de televisión pasa a Surcorea, au viven tremosos aquellos coreanos que pudieron fuxir de Norcorea vía China. Nun escaezamos que ye China quien se aprovecha de la miseria coreana. por exemplo importando muyeres que satisfagan la falta crónica de femes chines pola obligación de tener solo un guah.e  y preferir como primoxénitu al fíu. o la prostitución (y se sospecha tamién del tráficu de muérganos humanos). Amás de la política de tener un perru gafu qu'usar escontra "occidente" mientres ellos miren pa otru lláu.

CAPÍTULU ANTERIOR                                         CAPÍTULU SIGUIENTE

Norcorea: L'infiernu na Tierra. 4 La cabera frontera

Nesti capítulu visitamos el campu amiseriáu pola colectivización forzao y nos lleven a la frontera cola Corea del Sur, nel famosu paralelu 38. Impagable la tontuna del siervu del tiranu coreanu.

CAPÍTULU ANTERIOR                                         CAPÍTULU SIGUIENTE

Norcorea: L'infiernu na Tierra. 3. Privilexos de ser sirviente

Nesti capítulu vemos cómo el servidor del réxime dictatorial cumple'l so papel de siervu con privilexos. La distancia ente lo que diz y lo que se ve ye evidente. De parque acuáticu a supermercáu ensin clientes. Ye murnio ver cómo mienten los ciudadanos "llibres". Y eso que son xente privilexao por vivir na capital. Cuando vaigamos al campu veremos más miseria esplícito.

CAPÍTULU ANTERIOR                                         CAPÍTULU SIGUIENTE

Norcorea: L'infiernu na Tierra. 2. Un mundu gayoleru

Na segunda entrega, de les sei que ya vos dixi, esbillada del programa "En tierra foíno" de la canal espñola Antena3, amuésasemos el conceutu de "feliz" que tien la dictadura stalinista coreaba

CAPÍTULU ANTERIOR                                         CAPÍTULU SIGUIENTE

Norcorea: L'infiernu na Tierra. 1. Viaxe a la mentira

Nesti capítulu 1 (de los 6 en que taracé 'l programa "En tierra foíno" de reportaxes de la canal española Antena3)  pue vese cómo los reporteros foron invitaos a visitar Norcorea, un paraísu socialista, gracies a un español pasáu al "lláu escuru" d'esa dictadura stalinista. Un catalán (con programación celebral totalitario) fai una descripción d'esi país que ye de risión sinon fuera polos munchos muertos y dolor. Nun fai falta ser mui aquéllo pa decatáse de cómo el llinguaxe del cuerpu -especialmente los güeyos- de la xente "normal" que s'espresa énte les cámares desmiente tola falucancia del presentador-policía.

CAPÍTULU SIGUIENTE

 Hai munchos años que lleí na revista de "propaganda" norteamericano llamada "Reader's Digest" un artículu alrodiu de la mentira de Norcorea, cosa que nun me creía. Nunca supunxe que la cosa real fuera muncho más qu'aquella descripción d'un mundu de cartón piedra y contina simulación, con xente "mercando" per un lláu, dando la vuelta per otru pa tornar la compra y, asina, apurrir sensación de "prosperidá y consumu". Na entrega quinta veremos cómo una turista española describe a un coche marca mercedes dar vueltes alrodiu la mazana d'un hotel de Pyonyang pa facer ver qu'había coches de "lluxu" na capital coreano. Una comedia que fai de Norcorea la cárcele más grande del mundu, pues ye TOU UN PAIS ente rexes, cadenes y campos de trabayu forzáu y esterminiu. Penoso. Como vos dixi, esta ye la primer esbilla de seis.

Drones n'Asturies. Negociu y placer visual.

Sobren pallabres nesti reportax de la TPA. Paisaxe y negociu

Miguel Ánxel, Xesús, María Magdalena... Una sabencia tapecío.

Nesti cachu vídeu s'amuesen les maniobres del pintor Miguel Anxel (eso se diz) pa inxertar, por aciu claves tapecíes, conocencia heterodoxo alrodiu la figura histórico de Xesús el Cristo. La hipótesis de que Xesús tuvo por esposa a Mª Magdalena espéyase cláramente n'escultures y pintures d'esti gran pintor de "cuatrocento" itálico.

Meyor nun los visitar...

Nesti cachu vídeu se fai reflesión alrodiu la comeniencia de non entrar en contauto coles tribus amazóniques que tovía caltienen un mou de vida "tradicional". Bonos deseyos que se ven esfarrapaos pola industria maderero y minero brasileño que, pasu ente pasu, esanicia homes y naturaleza en cata lo que dicin ser bayura y bona fortuna.

Les dictadures fain bonos coros patrióticos y grupos de baille marcial

Prestosu vídeu nel que los chinos fain xirigoncia de los "primos" norcoreanos, unos mataos que comen fierro en cuentes d'arroz gracies a la dictadura "popular" y "comunista" (una especie de cielu igualitariu, humanista y xustu) d'una casta de reyezuelos tribales de simpáticu nome. Nel montaxe orixinal, el títulu dicía "a les moces coreanes présta-ys que les foyen los chinos", dicho seya en llibérrima traductio. Ente asiáticos anda'l xuéu.

¿Pue un hispanu falar español nun tanque USA?

Simpático decatáse de la dixebra ente la versión orixinal y la doblada al español. Nesti cachu de la película "Corales d'aceru" (Fury - 2014) l'actor Brad Pitt, nel papel de comandante de carru combate, manda que'l chicanu fale "americanu" nun tanque "americanu" pues, al facer un comentariu n'español, el bono de Brad diz que nun fale "mexicano" a nun ser que tea nun carru combate "mexicanu". Esta discriminación llingüístico ye "normal" cuando esiste la conciencia de la esistencia d'una llingua con prestixu (nesti casu l'inglés) y otra falada ente la probitú (nesti casu l'español que fala l'emigrante hispanu o l'antiguu español de Texes, California o Nuéu Méxicu que quedó englobáu na colonia norteamericano cuando l'independiente Méxicu pierde'l territoriu qu'antanu yera de la corona española. N'Asturies pasa lo mesmo, más o menos. Véilo. Por cierto, el carru ye un M4A3E8 con cañón de 76 mm, nomáu "Sherman" polos ingleses quienes espurrieron con ésitu esi apelativu. Na peli aparecen, polo menos, tres versiones d'esi tanque amás d'un carru alemán Pancer Tigre

L'Andancia Negro euroasiático

L'Andancia Negro euroasiático, qu'esanició d'Europa y bona parte d'Asia a millones de persones, foi una dura preba pa la humanidá del sieglu XII. Entamó en Mongolia-China y espurrió pal ocidente semando muerte y miseria.

L'oru africanu y el "Renacimientu" européu

¿Qué tien que ver l'oru africanu, na dómina del sieglu XIV, col surdimientu italianu conocío como "renacimientu"? Equí se diz que foi ún de los fautores de la riqueza italiano que permitió l'espuxigue de les artes y ciencia europées del periodu 1.400-1.500. Nun tenemos qu'escaecer la contribución de la cayía de Constantinópolis en manes turques y la fuxía de notables inteleutuales bizantinos a les ciudades de Xénova y Venecia.

La Teoría del Clima como esarreyante del espuxigue cerebral humanu

Nesti cachu reportax, trátese de la teoría del cambéu climáticu como fautor esarreyante (o coadyuvante) del desendolcu cerebral humano. Obviamente se fala del engrandamientu físicu del órganu, pero eso implica tamién l'espuxigue de les capacidaes inteleutales del humanu.

El "Gran Capitán" con acentu porteñu....

Nesti capítulu de la toma del caberu reinu moru d'España, el de Granada, amuésase lo que ye la ventaxa teunolóxico de les ármes de fuéu (nesti casu, d'avancarga) frente a arcos y ballestes. Lo símpático ye que la serie norteamericano punxo acentu porteñu (arxentín-urugayu) al personaxe qu'interpreta l'actor, quien fai el papel del conocíu como "Gran Capitán", el capitán Gonzalu Fernández de Córdoba. Simpática la recreación d'estos "yanquis" illustraos.

La España de Colón y la pólvora china

Nesta serie norteamericano alrodiu la hestoria de la humanidá, trátense los socesos hestóricos dende un puntu vista holísticu. Ye perinteresante cómo se fain conexiones ente socesos aparentemente dixebraos d'un resultáu. Vo dir esbillando vidios de la serie porque son perdidáuticos. Nesti de Colón desplícase 'l socesu del "descubrimientu" del nuevu mundu por aciu la ventaxa teunolóxico de tomar el caberu "reinu" moru n'España (la taifa de Granada) gracies a l'emplegu de la pólvora. Perinteresante.