La Enerxía lo ye tou

N'España, el más babayu igua reloxes podría dicise acordies a cómo nos engañen tolos gobiernos con eso de la lliberalización de sectores económicos. Nel vidiu que siñalo abaxo, vese a les clares cómo unos pocos, los de siempre, siguen robando al impotente ciudadanu, auténticu refén d'eso que llamen dellos, "clase política" y que nun ye otra cosa qu'una aristocracia impresentable.

EL OLIGOPOLIO ENERGÉTICO ESPAÑOL O CÓMO ROBAR IMPUNEMENTE (CENSURADO POR ANTENA3)

EL MISMO VIDEO, EN VIMEO.COM "LA DICTADURA ENERGÉTICA ESPAÑOLA"

Y de paso, recordemos al Conde Gonzalu Pelaiz...

L'imaxe de l'acabación: un naufraxu

Dacuando, la poesía de l'acabación pue trer munches imáxenes. La del naufraxu de la vida nel mar de los problemes ye bona d'emplegar. A vueltes, la vida trai desafíos nos que´l barcu del destín parez una chalana, y funde. Funde no salmorioso de la mar, y con ello, piérdese la vida. Pero, en realidad, solo perdemos una parte de la esistencia, la mundana. La mar seguirá aende, con díes de truena y marexada, y díes de mar llana, que nun da vuelta.

Ciegos que ven, sordos que óin...

Esti cachu de peli hay que lo saboriar con procuru, recreándose nel mensaxe...

Fuerza percibío, fuerza atribuyío

Nesti cachu película de EL SUSTITUTU, hay una frase prestoso que caltener en mente. Ye una d'éses que, dacuando, convién traer a cuentu cuando tenemos qu'enfrentamos con un momentu difícil na vida. La lleición ye que nun fai falta cayer na violencia si facemos ver que, esa posibilidá, ye plausible. Fuerza percibío, fuerza atribuyío.

Filosofía emprendedora

CÓMO MONTAR UN NEGOCIU

En tiempos d'alloriu nun convién facer mudanza. Esto ye la teoría pa sobrevivir a una fola de cambéu. Pero como la vida ye movimientu, económicamente, dalgo hai que facer pa llenar el butiellu. Cola crisis, y la perda de puestos de trabayu, munchos son los qu'entamen pequeños negocios n'economía sumerxío. Hai dalgunes regles básiques que cumplir:

• Estudiu de mercáu
• Proyeutu de viabilidá
• Medios materiales y humanos a emplegar
• Costu y porgüeyu empresarial...

Esti vidiu de la serie norteamericano BIG-BANG, en clave d'humor, diz más de lo que parez. Impagable la seición de recursos humanos o cómo estimular al trabayaor.

Servir nun ye ser siervu.

Servir a otros nun ye ser siervu d'otros. Les coses pasen. La ética, caltiense.

Cosificación del home: el kamikaze

Anguaño, cuando la noticia ye la barbarie islámico de fanáticos babayos suicidándose pa matar a otros, nel Xapón de 1945 pasaba lo mesmo baxo la figura del "kamikaze" o "vientu divín". En Xapón se fixo cosa d'arguyu el morrer pola patria, morrer por defender al amu de la tierra, morrer con mucho honor y poca sesera. La perversión de los humanos nun conoz medida, y la de los dirixentes relixosos y políticos, tovía menos. Usando de les emociones, programaron al pueblu pa que morriera defendiendo los privilexos del poder, y fixéronlo meciendo, sabiamente, lo emocional colo práutico. Nada como'l miéu, l'odiu, la deshumanización del otru pa que l'home se convierta nuna cosa, nuna palanca del poder, nel torniellu d'una máquina.

Esti testimoñu d'un kamikaze desmonta l'aura de romanticismu de lo que, bramenti yera, y ye, la barbarie.

Visión del matrimoniu

Nesti cachu de la serie norteamericano BONES, la protagonista fai una reflesión desapasionada de lo que supón el matrimoniu. Pueque sía cierto lo que diz, pero tamién lo ye el que-y falta dalgo a lo que diz, como mui bien sopelexa la so amiga.

Un maestru, un profesor, un alumnu

Nesti cachu de la película Emperor's Club hai mucha miga que tragar. N'esencia, se trata de que nun basta ser un bon profesor pa garantizar formar bones persones. Esitste la malura y lo bonal, hai xenerosidá y ruindá. Solo podemos facer una cosa cuando enseñamos: enseñar lo meyor n'intergridá personal. Cada neñú, cada home, tien que cumplir un destín y exercer una responsabilidá que nós nun somos a atalantar.

Llibre albedríu o voluntá soberano

Esta reflesión de Matrix II ye interesante. ¿Somos, bramente, llibres? Yo sé que sí, pero sospecho que dientro d'unes llendes que nun podemos baltar si lo que se pretende  ye aprender la lleición de la vida nel sitiu y momentu afayaízu. Hai otres opiniones.

La política como serviciu ye posible y deseyable

Esti cachu de vidiu de LaSexta ye revelaor abondo. Nun ye frecuente que un políticu fale claro, y menos que lo diga en público. Toos conocemos casos de corrupción, masque seyan de baxa intensidá. Lo que diz esti paisanu, Manuel Millán Mestre, masque sía evidente, merez aplausu y reflesión.
Darréu de lo que dixo, vien el reportaxe del casu del conceyu madrilanu de Torrelodones, aú los vecinos organizáronse pa echar de la Casa Conceyu al partíu corruptu, y corruptor. Otra política ye posible y necesario.

¿Que ye la banca ético?

Hai tiempu que los modernos falen de la banca ético. Esi papel cumpliólo dafechu la criación, nel sieglu diecinueve, de les Caxes d'Aforros, unes istituciones nacíes pal sofitu del pequeñu aforraor atoxigáu polos altos intereses y usura de los bancos comerciales. Aquelles Caxes d'Aforros teníen l'enfotu, tamién, d'invertir les ganancies nuna cosa que se llama "obra social", ye dicir, reinvertía les perres na comunidá na que s'enxertaba la so aición. Pero vinieron los políticos "democráticos", ocuparon los puestos de mandu y robaron y furtaron y fixeron d'elles lo que son anguañu: un comederu de políticos corruptos y/o cesantes, amás de moneda de cambéu de favores económico-políticos. Unes istituciones que nacieron pa servir al pueblu acaben convirtiendose en ñeru de corrupción y nepotismu gracies a la "democracia".

Agora, tenemos la banca ético, un inventu del protestantismu calvinista. Paradoxes del destín.

El poder de les pallabres

La pallabra nun ye más qu'una imperfeuta erbía cola que tratar de comunicar dalgo. Poro, el resultáu algamao con ella dependerá de la forma y conteníu que se-y suponga. Camuda la pallabra dietru d'un contestu y camudarás el mundu nesi contestu. Mientres esperamos pola telepatía, cuidemos les pallabres que dicimos.

Porno ad libitum et sole

Nesti cachu vidiu de la canal CUATRO, aparez una manifestación de la economía creativo que fain della xente necesitao de cuartos. La necesidá d'acurtiar gastos desixe que la produción del material vidiográficu de rápidu consumu, cualo ye'l "pornu", emplegue allugamientos n'esteriores pa la so produción.

Si la cosa nun furrla, queda'l runfaor.

Ye clásico conceutalizar que los runfaores (ie vibrador, en castellano) son cosa de muyeres más o menos insatisfeches. Lo cierto ye que tamién lu empleguen los homes. Esti cachu reportax de la canal CUATRO amuesa a una moza que nun pue vivir ensin lo que parez una parafilia sexual, o una adición, si se prefier. N'asturiano hai  cosadielles y poemas alrodiu de lo "runfar", como ésti de Caborana: "Tengo la muyer pequeña / y de mala condición / cuando va de casa al horru / runfa com’un abeyón".

La crisis nun aporta al mundu del placer-webcam

Esti cachu vidiu amuesa cómo una moza gana unes bones perruques gracies al usu de la rede internet y una webcam. El sexu nun tien crisis y ye bona fonte d'ingresos si se sabe cómo lo facer. El reportax ye de la canal CUATRO. Pasta por webcam.

Adictos al placer, esclavos del dolor

Toa adición supón un acurtiamiento de la llibertá d'eleición. Si bien al entamu ye'l llibre albedríu lo que fai que ún puea esocyer el camín, cuando ye'l camín quien controla l'andar ya nun hai llibertá, sinón servidume. El sexu ye prestoso pero, ensin medida, tamién ye esclavitú. Esti reportax de la canal CUATRO plantega l'asuntu de l'adición al sexu.

Crisis económica de 2009 y coches baratos.

Esti reportax en clave de folixa, alrodiu la crisis y los coches baratos que los aprobecíos puén mercar depués del saquéu de los dineros públicos y privaos,  ye del programa de la BBC TopGear. Con bon humor pue dise a tolos llaos

El Dr. Asuero, o el trunfu de la malura humano

El doctor ASUERO, mélicu de S. Sebastián, foi un adelantáu al so tiempu, pero eso nun-y evitó cayer vítima de los más baxos istintos del home: la rensía de los otros, los porgüeyos interesosos y la envidia de los poderosos. El  mélicu descubrío, acidentalmente, qu'estimulando el nerviu trixéminu podíen curase o delaxase, munches malicaes. Eso enfrentólu col facismu mélicu y farmacéuticu de la época, entes poderoso antañu como anguañu. Un home que facía muncho bien foi silenciáu, encarceláu y vilipendiáu por nun pertenecer a la casta mélica oficial y la política de la malicada. Ayeri, como güéi, el negociu ta en qu'hebia enfermos que paguen melecines y consuman servicios mélicos. L'home val más enfermu que sanu, acordies cola filosofía de la farmaco-mafia y la melicina ortodoxa.

Frankenstein

¿Qué tal una peli pa desengrasar de la realidá asturiana? Ye vieya, pero un clásico. Debe ser otra forma de llamar a la vieyera

Vivir ye, esencialmente, arriesgase

Nesta reflesión que fai l'escritor ficcticiu, Castle, na serie norteamericano del mesmu nome ye interesante. Pueque tea mui cabruñao esi fierru pero nun ye menos cierto que les elleiciones de la vida son necesaries, masque nun mos traigan lo que queremos. Al fin, vivir tamién ye arriesgase y por eso tien xacíu el tar vivu.

Cuba real

Hai silencios que valen un imperiu.

Un poco de Tai-Chi

Quiero compartir estos vidios de Tai-Chi con 12 formes: 6 básiques y 6 avanzaes, que son mui amañosos pa trabayar flesibilidá y tonu muscular. Recomiéndas pa meyorar la salú en procesos d'artritis. Bramente, val pa un mantenimientu xeneral..

FORMA BÁSICA

FORMA AVANZADA

EXECUCIÓN, DAFECHU,  DEL ENSAME DEL  EXERCICIU, VISTO D'ESPALDES

Cuentu d'Avientu

Un trocín d'espíritu navidiegu....

Si tas vivu, vivi. Tiempu tendrás pigazar

Lleeréisme munches veces diciendo que ye interesante vivir nel presente. Bono, más que interesante ye im-pres-cin-di-ble pues ¿en qué otru intre tas viviendo? Nesta reflesión de la serie norteamericano CASTLE, la má del protagonista nun sabe si aceutar una petición romántico d'un antiguu collaciu d'estudios. El protagonista dizlo mui bien: si tas vivu, hai que facer nueves histories, o seya, vivir.

Rellaciones personales y sexuales: naide ta salvu de meter la patuca.

Nesti cachu vidiu, la interminable y equívoca rellación d'amistá/profesionalidá/tensión sexual que tienen los dos protagonistes principales de la serie BONES, (y que ye'l finxu del ésitu de la serie) lleva a una consecuencia daqué inesperao. Veamos cómo naide, nin siquier el psicólogu que los trata, ta al abellugu d'un fracasu emocional. Saber cómo furrula una cosa nun mos priva, necesariamente, de pasar poles consecuencies (materiales o emocionales) de que la cosa nun furrule. Una vuelta más, trunfa'l relativismu emocional. Los antiguos falaben de "les coses del amor". Va a ser verdá.

Pidir perdón, tamién por tener bones intenciones

Pregunta la fía del protagonista de la serie norteamericano, CASTLE el porqué de que los mozos nun pidan perdón, xustificando tolo que fain. Si ya ye difícil pidir perdón, cuando ún se decata de que lo tien de facer porque, faciendo lo qu'imaxinó que yera dalgo bono provocó un dolor, la cosa ye más complicao. Pero una de les grandes virtúes del perdón ye que, quien recibe la solicitú del mesmu, pue permitise, tamién, perdonar, y perdonase.

Pueblos en crisis y solidaridá, con toques de maternidá.

Propóngovos esti vidiu pa reflexionar alrodiu de lo que pue ser la solidaridá.

Cuando solo tenemos en cuenta, namai, teoría económico y datos estadísticos, ye dificil que'l paisaxe humano s'amuese con tola crudeza de la miseria o la bayura. Aquí, la protagonista de la serie norteamericano BONES, tien un conceutu darwinianu y economicista de la evolución d'un pueblu somorguiáu nuna crisis económica, nesti casu del carbón. Una zona aprobecía pola perda de texíu industrial (pueque pola globalización de costos y porgüeyos) muerre pasín ente pasu ensin que'l gobiernu faiga algo por evitalo. Los políticos miren pa otru lláu. Pero esta opinión de la protagonista camudará cuando conoz a les persones que vivin la traxedia económica y se decata, siquiern indireutamente por curiar a un nenín de la zona, de que si pues facer daqué pa que la cosa meyore trai cuenta implicase na meyora, solidaria, del pueblu amorrentante. Interesante puntu de vista que nun escaez que la responsabilidá del políticu nun se salva pola aición de los ciudadanos solidarios, nesti casu, de la protagonista.

¿Por qué se ponen guapes les muyeres?

Esto daría pa un llibru y, de fecho, ye mui recomendable lleer un par d'ellos, ente otros, EL CELEBRU FEMENÍN y POR QUÉ LOS HOMES NUN ESCUCHEN Y LES MUYERES NUN SABEN LLEER UN MAPA.

Ye cosa clásico atopase con un home fuera de xuéu cuando contempla les bondaes qu'ufre una muyer que se pon guapa. El xuéu ye conocío: traxe axustáu pa resaltar curves, mamielles abundoses con muncha xeografía qu'amosar, tacones de non menos de 10 centímetros, masquillaxe y peináu al usu. Ye la imaxe de la preparación femenino pa la caza pasivo. Énte esto, la mayoría de los homes nun se dan cuenta de que, masque se supón qu'ellos son el cazador, ye la presa la qu'afita les regles de la caza y el xuéu sexual solo sedrá posible acordies colos términos que fixe la fema. Nesti cachu vidiu, el protagonista de la serie norteamericano CASTLE queda ablucáu pol rescamplante, y suxestivu, afate qu'amuesa una forense vestía de fema cazadora pasiva. Si la muyer se pon guapa ye pa que la miren, cierto, pero ye ella la que decide quién merez que la mire. Un xuéu d'hipocresía medío que fai, tovía, más deseyable la caza de la presa. Ella quier algamar el meyor de los posible machos, xusto aquellos que-y maximicen la inversión sentimental y económica pa tener fíos. Ellos, la más sana de toles femes posibles acordies cola programación xenética que seleicionó, evolutivamente, a les más guapes femes como les de mayor salú reproductivo.

Hai poesía nel amor, pero nel sexu hai xuéu.

Eutanasia y Suicidiu. El derechu a elexir cómo marchar

Dalgún día espurriré na tema de lo que se conoz como "el xacíu de la vida". Mientres llega esi intre, mángovos esti vidiu nel que ún home, que sabi que nun-y queda muncho de vida, decide un suicidiu razonable cola ayuda d'un amigu ocasional. Ye interesante la tenrura del enfoque, sobremanera camentando la hipocresía qu'arrodia el procesu d'elexir morrer. Hasta lo que sé, nun hay torga (ética, moral o espiritual) dala n'escoyer la eutanasia o el suicidiu (asistíu o non) si cuando ún lo fai nun queda calidá de vida o la dignidá humana de la persona enferma tá gravemente comprometío. Tenemos derecho, nun obligación, a ser mayores d'edá, tamién, pa elexir el cómo y el cuándo si la vida que vivimos yá nun lo ye.

Mundos emocionales dixebraos: L'home perdíu en venganza de muyer.

Cuando home y muyer alderiquen alrodiu dalgún sucesu personal nun ya raro que l’home fine por atopáse fuera de xuéu. El “clima” sentimental femenín ta mui xebrao del masculín en más campos de la vida de lo que podría parecer, y les coses tienen muncha más riqueza emocional nel campu de la muyer que nel del home. Nesti cachu vidiu atopámonos con una clásica arma de muyer que fai del home erbía necesario para una venganza ente hermanes. Asina, ensin comelo nin bebelo, el paisanu atópase perdíu en dalgo que nun buscó y, poro, nun disfrutará ya que la cosa nun tien el mesmu significáu nos dos mundos emocionales (masculín y femenín) y, al fin, l’asuntu ente les hermanes ye un xuéu d’axuste de cuentes nel que l’home ye un xuguete más. El final ye gracioso, pero non menos cierto. Y la cosadiella pué ser: nun te metas en xareos d’hermanes.

Reinterpretar la realidá

Más de lo deseyable escaecemos que lo que llamamos “realidá” nun ye dalgo ayeno a los nuesos enfotos como especie terrestre o, si se prefier, actores d’una obra de teatru llamada “vida”. Eso que creyemos que ye dalgo “oxetivo” y escluyío de la soberanía personal ye productu de decisiones personales, propies o ayenes, que train la consecuencia que definimos como “realidá”. Poro, podemos (y debemos) reinterpretar la realidá pa camudala si ye que nun mos encartia lo qu’amuesa o les consecuencies que trai. Sicasí, la reintrepretación de la realidá nun ye procesu milagrosu que mos axure un presente dixebrao de lo que se tien. Puesto que la realidá ye la suma de munchos fatores que primero tuvieron na cabeza de quienes la imaxinaron, a naide-y debería esmucir que, una nueva realidá, masque empicipie por un cambéu de paradigma, necesitará, como poco, el mesmu tiempu qu’alforxó pa tener lo que se quier camudar. Nesti cachu vidiu alrodiu de la folixa pagano (de raigañu celta) de “H.alogüín” se fai una reflexión alrodiu esto.

Cómo se fai una payuela de plásticu na gaita escocesa

Esti cachu vidiu amuesa la forma de facer una payuela na gaita escocesa.

Sexu: roles y perversiones. Amor: ello solo basta

La psicoloxía espurre, bayurosamente, en tolos tipos de parafilies arreyaes cola manifestación sexual. Nesti sen, el sexu, como enerxía vital necesario, pué cristalizar en munchos tipos de comportamientos, más o menos satisfactorios acordies col individuu que los practique. Pero ello nada tien que ver col amor. L'amor, como se diz al acabu del vidiu, arreblaga purriba l'accesoriedá d'una parafilia, rol o perversión.

L'alderique psicolóxico. Hay más verdaes de lo que parez.

Nesti cachu vidiu, amiéstense dellos intres d'una consulta psicolóxico. Ta bien ver cómo se desenvuelve un psicólogu atípicu y un policía resabiáu. Na serie norteamericano BONES, los guionistes son de lo meyor.

La ciencia de la vida y de la muerte. La experiencia SAM - NDE

Conozse n'asturiano, pol acrónimu "S.A.M.", a los Sucesos Averaos a la Muerte, que n'inglés dizse "Near Death Experience" o NDE. Nesti vidiu de Documentos TV de va unos años, explícase dalgo de la tema y la investigación que lleven darréu dellos médicos y terapéutes. Interesante.

Aquí http://aescuresensayu.blogspot.com.es/2010/09/traducion-dun-articulu-de-phyllis-marie.html se pué espurrir información.

El tamañu importa. Meyor que sobre.

Tola vida engañando a los homes con eso de que "el tamañu nun importa", y vaya si importa. Y sinón me creeis, véi lo que dicin dalgunes muyeres de lo de la minga escaso. Crudelis vita est.

Los pulpos tamién lloren..

Esti anunciu de la empresa KayaK con emplegaos en réxime d'esclavitú me dio pa pensar na reforma llaboral qu'entamó col Zapaterismu del 2011 y sigui con Rajoy.. El futuru ye presente. Tachaaaaannnnnnnnn.

Yo... ¿Soi yo?

¿Quién soi?

La clásica entruga se se fai ún cuando decátase que ye cosa dixebrao de lo que nun farma parte d’ún. Daqué tautolóxico parez desplicar el “yo” partiendo de lo que nun ye el “yo”. Pero nun vamos perdemos en filosofía y muncho menos na especialidá d’esta, la psicoloxía. La cosa ye reflesionar alrodiu la pardoxa de ser, o creyer ser, dalgo más qu’un nome, unes alcordances, una xente que diz conocete. Nesti cachu película, la mocina, enfrentada a la posible falta d’identidá, por nun saber sátamente cuálu ye’l so nome, entra en crisis identitaria. Porque ye cierto que nun perez que seyamos muncho más que’l nome que tenemos, que les alcordances que compartimos o lo que mos dicen los otros que somos. Talo se diría que somos un sacu cuya personalidá pué vaciase, identitariamente, con solo camudá-y el nome. Sicasí, el YO ye dalgo más que recuerdos, nome y xente conocío. Debemos investigálo personalmente. Más allá de tolo que podamos creyer ta lo que podremos saber.

Poques ventaxes tien la vieyera, pero dalguna hai

Esti cachu de la pelícua Straight Story tien una intersante reflesión alrodiu de la vieyera. Nun vamos negar que nun ye estación prestoso de la vida pero, seyendo insoslayable, a qué vien quexar d'ello. Más allá del puxu sexual y les malicades qu'atoxiguen nun hai qu'escaecer que ye etapa mui productivo pal home sentenciosu, ye dicir, aquél que sabi ver más allá de lo tópico. Nun fai falta dicir que ye época de sabencia y examen, de preparación y pago de deldes, cobro de créditos y paz interior. Podemos elexir vivila plenamente, o morrer insatisfechos.

Nun hai alcol abondo p'afogar munches penes...

L'alcol ye droga poco amañoso pa fuxir de los pantasmes que te puedan atoxigar. El preciu que pagues pol momentaneu escaezu que yes a algamar acaba nuna adición tovía  más destrutivo que'l mal que pretendes combatir. Nesti cachu de la película "Straight story", el mocín fai una consideranza mui afayaízo pa pescanciar lo poco que val chumase pa olvidar una esperiencia sangrino: los males de la guerra.

Saber negociar y valorar a un hermanu.

Ser vieyu nun te fai tontu, necesariamente. Si acasu, interesosu inorante. Equí se ve lo que val saber de lo que se fala y del valor real de les coses. Entre otres, lo que val un hermanu.

Una mezclienda malo:noxu, vanidá y alcol.

Nesti cachu película s'alvidra que'l noxu, la vanidá y l'alcol fain permala compaña, sobremanera pal entendimientu ente la xente.

Dixebra ente creencia y sabencia

Una cosa ye "creer", (o creyer), y otra bien dixebrao ye, "saber". La primera empata colos deseos y la segunda cola conocencia, ye dicir, la esperiencia direuto y personal. Güei, pocos son los que saben y munchos los que creen. Ta bien, pero taría meyor que la xente falara de la conocencia, d'aquello que conocen por esperiencia direuto, en cuentes de los deseos que tienen, o lo que conocen d'oyíes. Nesta entrevista a l'alcaldesa de Xixon, na canal de televisión CANAL10, la rexidora diz lo que cree, pero darréu diz lo que sabi.

¿Qué ye una familia? La idea de la xunión.

¿Qué ye una familia? La imaxe de la xunión ye bona d'emplegar

Lleiciones d'un Donxuán.

El complicáu mundu de les relaciones sexuales y sentimentales: predador, presa y...saber.

Cenciellamente, dexase empapar l'alma

Na película  "The Straight Story (1999)",  la música.d'Angelo Badalamenti algama un intre memorable col protagonista, Alvin, camín de casa l'hermanu a bordo d'un tratorín de güerta, un tusiente John Deere que basnia una carreta onde abeyugar les nueches d'acampada.

Pasín ente pasu, de la qu'acurtia'l camín que lu separta del hermanu que nun ve dende hai más de venti años, col sele runfar del atortobexante inxéniu, la música, amestada col paisaxe de maizales y herba de l'horizón de Iowa, relaxa l'alma...

Esta pelícua tien bonos mensaxes que me van valir pa facer dalgunes reflesiones que compartiré con vosotros. Mientres lleguen, gocemos cola música de Badalamenti

Identificación. 3 díes de tracamundiu celebral

Nesti cachu vidiu, la protagonista de la serie BONES tien lo que psicolóxicamente pué llamase una “identificación” cola realidá d’otra persona o personalidá. Nesti casu, el celebru procesa, sub o incoscientemente, la información acordies con datos que lu lleven al erru perceptivu de la so propia identidá. Más allá de ser un fechu psicolóxicamente comprobao, mos lleva a ciertes entrugues interesantes como ésta: ¿somos lo que somos o somos lo que creyemos que somos? Lo cierto ye que parez que la identidá nun ye otra cosa qu’una suma de creencies y, claro, nesti supuestu nun esiste personalidá humana “oxetivo” o con esistencia, y consistencia, “per se”. Un fostiazu, una focicazu mal dau, y pases de llistu a babayu clínicu. Muertu un cachu de celebru ¿ónde tas tú? La identidá humano nun esiste autónomamente. Nun hai qu’escaecer que nun somos otra cosa qu’un sacu d’alcordances, vivencies y decisiones. La verdadera, y consistente, identidá humano, d’esistir,  nun ta no biolóxico, que ye temporal, continxente y cuestionable. 

¡¡ Pa tenelu muertu, ta mui vivu !!

Estos de EL COMERCIO nun sabe yá qué inventar pa estes elleiciones del 25 de marzu del 2012. Cascos, que taba mediu muertu, corre como les pites fuxendo de la pota. Como graciosada, val pa desengrasar l'alma.

Nun vos engañar. Basoria haila dayuri y, en política, inda mas.

Ye axiomático que, la primer víctima d'una guerra, (y yo espurro la cosa a la política), ye la "verdá". En tolos procesos ellectorales la verdá ye bien incómodo si la diz quien pué quitate'l panchón, o seya quien pué ganar les elleiciones y, poro, separtate d'eso tan prestoso y prestamoso que ye remanar el dineru "público" lo que val dicir dineru "político". Nesta reflesión d'una película sobre elleiciones a la presidencia de los USA un candidatu diz dalgo que da pa pensar. Si la política ye una basoria ye porque la basoria ta na polítca (gracies a los ciudadanos, o a costa d'ellos)

La Hestoria del conde astur D. Gonzalu Peláiz

Un collaciu nes fatigues asturianes ta mangando un trabayu alrodiu 'l conde astur, dixebriegu y rebeldiosu, D. GONZALU PELÁIZ. Nel so blogue atopareis el vidiu y l'audiuguión.


Nesta dómina en que necesitamos ciertos exemplos d'autoestima y asturianía más allá de la gaita y del tambor, ésti personaxe hestóricu amuesa cómo l'ambición personal tamién pue furrular como amañoso enzima que catalice la reaición del pueblu sometíu. Nesti sen, D. Gonzalu Peláiz foi un síntoma del malestar de l'Asturies de la dómina medieval al ver cómo diba siendo fagocitada pol reinu asturlleonés que, amestao con Castiella, diba diliéndose cultural y políticamente. Ensin xente tres de so, el conde astur nada tendría fecho. Munchos yeren los que puxaben por una dixebra del reinu asturianu del ente políticu asturlleonés, que resultaba estraño, ayeno, a los asturianos de la dómina (igual qu'agora) pues veíense fuera (tanto política como culturalmente) d'una realidá cada vegada más castellanizada polos acomodaticios reis y condes asturlleoneses de tres la cordal. Diríase que los aires de la meseta ensuchaben la neurona de los asturlleoneses, más cazurros yá, que asturianos. Toa una lleción de sobrevivencia.

< < <  VIDEU ANTERIOR DE GONZALU PELÁIZ - 1 -

Mensaxe, mensaxeru y oidor, o cómo saber maximizar la enerxía.comunicativa

A vueltes, pasa que nun mos decatamos de si paga la pena esforzase na comunicación. Ún tien bones intenciones al dar parte del so tiempu pa que xuba el nivel inteleutual o educativu o, cienciellamente, pa que se fale con cierta información pero nun seyendo'l llugar afayaízu pa ello, enquivocamos. Cierto que l'erru vién d'un mediu hostil al fondor inteleutual o conversación racional, pero ye cosa de nós decatamos de ú tamos y lo que convién al mediu en que movemos. Sinón, aparez el surrealismu y la babayada emocional, viéndomos metíos nuna guerra d'idiocia y futilidá. Nesti cachu vidiu una científica, que razona como tala, comete l'erru de falar nun mediu poco proclive a razonamientos científicos ya que una discoteca tien muncho más d'empareyamientu sexual y lliberación de l'animalidá sensorial.

Nacencia

Con esti cachu vidiu rindo homenax a la maternidá. Masque en clave d'humor, reconozo que hai que tener valor pa traer xente a esti mundu en viendo lo muncho malo que se ve perende. Y, sicasí, el milagru de la vida anúevase de continu en cada requexu del planeta. Inda hai esperanza.

Mamocracia. La vida entama zucando.

Esti cachu de la serie DOS HOMES Y MEDIU ye interesante. En clave d'humor, aparez la estupidez sesual, que non sexual. Como diz el cartelu, la mayor muria qu'arreblagar va a ser la que nós fabriquemos nel nuesu celebru. O mente, si se prefier.

¿La verdá mos llibera? Al rodiu la sinceridá.

Equí se plantea lo esboligoso de dicir la verdá siempres. ¿Soportaría una sociedá l'usu total y absoluto de la verdá?

Nun siempre lo explicable existe

Esti cachu de peli lleva a una reflesión interesante: que'l mundu ye opinable. Amás d'ello, relativo. Quienes cuestionen a unos puén, tamién, ser cuestionaos. Los sacerdotes d'una relixón verdadero suelen tener como enemigos a otros sacerdotes d'otra relixón que tamién diz ser verdadero. Les coses, les más les veces, nun son lo que parecen, ¿o sí lo son?

¿Qué ye char un polvu?

Entruga la nena a la moza desilusionada que qué ye foder, o follar, o char un polvu. La rempuesta merez ponese nesti llugar. Trátase d'un cachu de la película "4 bodes y 1 funeral". De toes formes nun dexa de ser una opinión ¿acuéi?

¿Pa qué sirve, tamién, un tacón femenín?

Hai teoríes pa tolos gustos y petites. ¿Pa qué sirven los tacones?

Hai teoríes curioses, que despliquen esti artefacto guéi mayoritariamente femenín, como rempuesta a un hestóricu comportamientu motriz de la fema cuando debía dir a pasu llixeru pa siguir al home cazador.

Ta claro, seya como fuere, el contenín intrínsecu d’un tacón tien muncho de sexualización: al xubir calcañu y empeine del pié, s’estiliza ‘l papu de la pantorría y produz un desplazamientu del cadril que mueve p’afuera ‘l culu, compensándose asina’l desequilibriu del carrastiellu.

Asina que, a la entruga de ¿pa qué sirve un tacón? la rempuesta ye evidente nesti vidiu, nel que un podólogu forense desplica la cosa anatómica del desplazamientu del culu.

La Somatización de les emociones

Hebio un tiempu en que la ciencia enfrentaba más milagros y misterios de lo que lo fai anguaño. Ún d’ellos, yera la cosa estraño d’enfermedaes, o disfunciones, que nun amosaben raigañu físicu o desplicación biolóxico evidente o “normal”. Yeren disfuncionalidaes rares, qu’aniciaben d’un día pa otru. Dolores ensin causa. Paralises ensin xacíu. En resume, malures que nun teníen tratamientu médicu dientru de la ortodoxia. Nesti cachu vidiu de la serie norteamericano, BONES, dientru de la usual urdimbre policiaco, trátase un casu de “somatización”, o seya, el d’una emoción non resuelta que surde al mundu físicu en forma de paralís d’una pieza anatómico. La psicoloxía moderno desplica estos fechos como un bloquéu físicu qu’espeya, bramente, un bloquéu mental. El conocimientu de lo trescendente nun da desplicación dixebrada d’esto ya que parte de la base de que tolo que nun se resuelve emocionalmente poles “bones”, tendrá de facese con dolor, poles “males”. Si por cualaquiera causa psicolóxico nun enfrentamos un problema, esi retu permanecerá a la chisva, nel subcosciente, puxando por dalgún tipu de igua. Un exemplu como el d’esti videu ye claro: ante la desvalorización que fai una persona del trabayu d’otra, si esa persona desvalorizada reprime una rempuesta afayaíza pa facese valir ante “l’agresor”, ye dicir,  nun tien “manu derecha” o “izquierda” pa enfrentalo faciendo valir el so puxu personal, provoca una reaición corporal, ello ye, somático, físicamente costatable, nesti casu en forma d’un paralís qu’espeya l’enronchamientu, non igáu, de la emoción na supuesta imposibilidá de lluchar pola propia autoestima.

Nesti casu, el personaxe principal de BONES ye persona fría y bloqueada nel mundu emocional, pero ensin malura psicolóxico. Vivi nel mundu racional como forma de combatir un mundu emocional frayáu por una infancia desafortunada y, poro, cuando xulga a los demas actúa llibre de prexuicios emocionales, en ciertu sentíu, neto que lo faría un autista con cierta autonomía personal. Resalvando la obviedá de la naturaleza ficcional del vídiu, ye interesante la reflesión que fain los guionistes, los cualos se sofiten nel trabayu de gabinetes y estudios psicolóxicos. Como exemplu, val.

El sexu egoísta. Viaxe al imperiu onanista.

Nesti vidiucartafueyu de la serie televisivo “DocumentosTV” de la canal española La2 descríbese dalgo plasmante pa nós: la preferencia xaponeso pol sexu “egoísta” frente al sexu en compañía. Merez la pena decatase de les reflesiones que fain los guionistes del reportax alrodiu de la solitú, el narcisismu y la falta compromisu pa col “otru” nos movimientos de relaciones interpersonales.

Parte 1: L'imperiu de los "SinSexu"

Parte 2: Solitú con silicona a tamañu "natural", y narcisismu escluyente.

Pa espurrir na tema de los xuguetes sexuales, nos Estaos Xunios hai empreses que proporcionen muñeques a tamañu human,en  silicona. Falamos de Real Doll que foi la primer en faceles aprovechando la so esperiencia na fabricación d'efeutos especiales pal cine. Tuvo tanto éxito que propició la entrada nel mercáu d'otres. Hai perbón reportax de la BBC entituláu "Guys and Dolls" que se pué ver por partes en YouTube.

Pelligros de la sobrecualificación. ¿Trai cuenta ser tuntu?

D'un tiempu p'acá, mucha xente con bones notes, currícula espectaculares y maestríes munches, falando idiomes a mamplén atópense lluchando por un emplegu que nun necesita cualificación especial. Nesos casos, dicir lo muncho estudiáu que tas ye un problema pues, dafechu, ta claro que'l trabayaor ye más intelixente que'l xefe. Nesti cachu de vidiu de la serie "LOS SIMPSON" pescanciamos porqué l'hérue de la serie ye tan "tuntu". Dicidió sélo pa evitase chancies y bromades, en suma: mimetizase col mundu "inferior" en que vivi.

Implicaciones anatómiques de la promiscuidá, y poligamia.

La serie norteamericano BONES tien perbonos guionistes. Nesti cachu vidiu, la mocina, doctora Brennan,  alcuentra ñicios anatómicos que lleven a camentar nun comportamientu llibidinosu, o de tuexu crónicu, de la victima. Darréu, la investigación esclariará que l'home prautica la poligamia y, con tres esposes, tien muncho que follar. Poligamia que-y causará la muerte pola falta entendimientu ente les esposes. Veamos el vidiu

Nun hai honor ente lladrones ni ente ex-amantes

L'asesinatu d'un home, a manos d'una muyer, pue tener raigaños diversables. Al final, nun hai honor ente ex-hamantes, acordies con esta reflesión de la serie BONES.

Publicar entrada

¿Cuála ye la edá razonable ente amantes?

Dicin que l'amor ye ciegu. Nun-y falta razón a quien lo diz. Sicasí, hai un rechazu llatente cuando la dixebra d'edá ente los amantes ye bultable. ¿Cuála ye la dixebra d'edá razonable ente amantes, pa que la sociedá bienpensante nun la refugue socialmente? Ta claro que falamos de prexuicios. Nesti cachu vidiu de la serie BONES el psicólogu fai una reflesión alrodiu la tema.

El Cortexu. Ella ye la que quier

Na obra lliterario chino, “El Llibru del Camudamientu”, o “I-Ching”, l’hesagrama trentaiún dedícase al Cortexu. El traductor de la obra, Richard Wilhelm, punxo nesti puntu lo siguiente: “El nome del hesagrama sinifica, en sentíu figurao, influir, provocar. Enriba ta lo sereno, abaxu l’aquietamientu. L’enfotu perseverante de lo d’abaxu incita a lo feble d’enriba, qu'aposienta y. con gayola. fai casu a la incitación. Abaxu ta’l fíu menor y enriba la fía pequeña. Nesti sen, tien de tomar la iniciativa lo masculino y allugáse  per baxo de lo femenino al cortexar”.

Nun sentíu más biolóxico, la cosa pue simplificase como l’aición d’un mecigayu d’hormones, mensaxeros químicos lliberaos acordies col tiempu reproductivu que marquen los ciclos sexuales de fema y machu. Sicasí, hai dixebra ente cómo lo entama l’home, que siempres ta tuexo y, poro, siempres preparao a retacar furaca, o la muyer, que necesita tar na cume de la ovulación, o nuna escitación que necesita confianza abondo como pa desconeutar l’amigdala celebral (que ye’l sistema de sollercia frente al miéu) y el córtex cinguláu anterior (qu’alluga’l sistema de pensamientu críticu y la inquietú celebral).

Nesti cachu de la serie “Bones” vemos cómo una muyer entama la caza del machu “alfa”, desendolcando les artes de cortexu. Lo “normal” ye que seya’l machu el que entame camín pero los tiempos camuden y la fema empicipia a ser, tamién, antecedente de l’aición de cortexu.

¿Cómo escueyen les muyeres la pareya? Perres y Estatus son amores....

¿Cómo escoyer al meyor machu reproductor? ¿Cómo saber cuálu d'ellos va a ser l'elexíu. Amor y sexu tienen un fin teleolóxico mui claro: atopar al machu alfa que fadrá  feliz a la fema

El psicólogu evolucionista David Buss, depués de 5 años d’estudiu alrodiu la preferencia que tién toa triba de muyeres y cultures en materia d’homes (l’estudiu inclúi más de 10.000 muyeres y 37 cultures que van dende l’alemana a la taiguanesa, pasando pola de pigmeos mbuti y esquimales aleutianos) descubrió que, en toles cultures, les muyeres tienen menos enfotu nel atractivu visual d’un posible maríu y más nos recursos materiales y l’estatus social del candidatu a pareya. Esto suena incómoda nesta dómina na que les muyeres emporren pola so independencia social y económica pero, por embargu, los resultaos qu’alcontró Buss son claros: la economía y l’estatus del varón manden más que la guapura y sex-appeal, que nun ye que nun se valoren pero que, sin perres o trabayu, nun dan más que para una fodienda ocasional, y poco más.

Nesti cachu de la serie norteamericano Bones, una de les actrices reflesiona sobre qué home, de los que conoz y se tira, ye’l meyor especímen pal so futuru conyugal. Los guionistes platéen, perbien, la necesidá de que’l machu alfa seya solvente, tanto económica como emocionalmente. L’elexíu, nun fai falta dicilo, tien perres a embute. Veámoslo

Reinu prohibíu

Prestóme la música, y la película nun taba mal del too. Por eso vien equí. Que vos preste

Astur-gremlin y minerismu xabaz, trál laralará, tral lará

Buenos, aquellos mozos de la RTPA:

,

César ta en casa. (L'aniciu del planeta de los simios)

El llibru "El Planeta de los simios" de Pierre Boulle marcó un finxu nel caminu del entendimientu de lo que puede ser un camín evolutivu ensin l'home. La posterior adautación cinematográfico, más o menos fiel al espíritu del escritor francés (por dicilo d'otra miente, la película ye mui malo si la comparamos col llibru, pero respuende a la mentalidá norteamericano de facer cine) permítemos calumbrar un futuru ensin la especie humano como "reina" de la creación. La película de L'Aniciu del Planeta de los Simios plantega un posible orixe a la caída del home dixebrao de la ideya que punxo Pierre Boulle en so llibru. Pero seya esti focicazu de la especie humano por aciu un dexastre nuclear, como s'espresa na novela francesa, o por un corrupiu virus que mos esanicie de la Tierra, la lleción por deprender va a ser la mesma: el pior enemigu del home, ye l'home mesmu o, en términos llatinos, "Homo humani lupus est". Llistos aquellos romanos, sí. Veamos un cachu del final de la peli "Rise of the planet of the apes" que dirixó Rupert Wyatt y que nun pueo contemplar ensin echar una llarimuca polo malos que somos los humanos colos animales, humanos o non. 

Por cierto al final de la peli s'espresa cómo va espurriendo la enfermedá vírico que va matando a la humanidá. Asturies aparez bien a les clares.

Del desamor a la pacencia y esperanza, pasando por echá-y güevos

L'amor nun correspondío tien dao muncha lliteratura y grandes momentos na hestoria humano. Dende guerres mítiques a procesos de divorciu xabaces, el desamor nun conoz fronteres sentimentales, emocionales, xeográfiques, étniques o cualesquiera otres. Masque  bien cierto ye que la economía fai muncho pa que una rellación entame, furrule o muerra. Al fin y al cabo, la llibertá sin pan ye mala de comer. Nesti cachu de la serie norteamericano "Bones" (Güesos) s'encamienta la pacencia y la esperanza cuando la otra persona nun parez dar señales de compromisu sentimental. Lo de los güevos y la pistaloa ye acesorio, pero interesante cuando se trata d'un machu-alfa.

Merecemos la verdá y la honrdez de los nuestros políticos

Esta reflesión del protagonista de la película "Dave, presidente por accidente" ye válida en tou intre y llugar. Y, por embargu, seyendo cierto, pocos políticos tan dispuestos a reconocer que trabayen pal pueblu que-y paga.

La esencia de toa medida llaboral, tamién pal 2012

Nesti cachu vidiu de la película "Dave president", hai una reflesión amañoso pa l'asuntu del trabayu y la necesidá de valorar l'esfuerzu personal. Con independencia de definiciones, ye evidente que l'home necesita llaborar como forma de sentise, como poco, útil a la sociedá na que vivi. Darréu d'ello podremos matizar cómos, cuándos y qués.

Ludopatía: cuando val más perder que ganar

¿Quien nun tuvo, dala vegada, la tentación de xugar a dalgo? Bien en solitú o en compaña, se xuega pa ganar, pero’l raigañu psicolóxico del xuéu ye más la incertidume de la ganancia que l'actividá en sigo. Si nun sabemos desencorvar de  la descarga hormonal d’adrenalina que produz la incertidume del movimientu de xugar, esa sensación puéa tomar el guía de la vida. Ya vimos na entrada d’esti blogue sobre les obsesiones y compulsiones dalgo de lo que lleva a dalgunos a un camín poco deseyable. Nesti cachu de vidiu tratamos la ludopatía dende una perpeutiva humorístico. Esta escena de la serie norteamericano BIG-BANG ye prestoso de ver y amuesa con humor lo que, pa dalgunos, ye un infiernu.

Ver blog

Homenaxe a MEDIUM. Esbilla del capítulu caberu

Alcuérdome de que, cuando s'inaguró la primer temporada de MEDIUM n'España, la canal de televisión, CUATRO fixo muncha propaganda y anuncia de les bondaes de la serie. La verdá ye que una de les virtúes de la mesma foi facer "plausible" la esistencia d' "otres" "realidaes". Nesta materia, más que lo que te dicin ye la esperiencia personal lo que val. Poro, utilizar les capacidaes humanes d'introspeición, reflesión en silenciu y busca interior trai grandes frutos y conocencia, tanto personal como del mediu en que vivimos. Convién reflesionar, masque seya por similitú que, neto que nun vemos l'aire, lu alendamos, o neto que'l pexe nun ye quien a dixebrar l'agua na que vivi d'otres realidaes "pexeres" pues forma parte de la so esistencia vital natural, hai muncho más de lo que se "ve" nel mundu que se vivi.

Daveres que podemos cuestionar tolo que mos pete, y creer no que caún crea pero, dafechu, el creer o non lo facer nun ye más que fechu suxetivo que tien muncho d'opinión y relixón personal y, poro, ye dalgo irrelevante a efeutos de lo que ye, o non, verdá en términos ontolóxicos. El creer ye una relatividá y como talo, discutible. Sicasí, nun se m'escapa que cuando ún quier, se pue pasar de "creer" a "saber". Dicho lo cualo, les más les veces lo importante va a ser conocer lo que "sabes" más que lo que "crees". Esta serie televisivo prestome muncho y, poro, mángovos equí una esbilla del caberu capítulu.

La povisa d'esti boldre. La llamuerga d'Afganistán na miopía USA

Nesti cachu final de la película "Charlie Wilson's War"  se dan pistes alrodiu la llamuerga Afgano na que ta metío mediu mundu. El cachu peli entama durante una incursión al suelu enemigu, d'una escuadrilla d'helicópteros d'ataque soviéticos, Mil Mi-35 (nome OTAN, "Hind") Aquí se relata la primer vez na que la guerrilla muyaidín fai usu de los arreflundecohetes " FIM-92 Stinger" que-yos dieron los USA por aciu la collaboración paquistaní, baxo la misión encubierta "operation Cyclone". Veámoslo:

Cuando la xente de Bin Laden baltó les llamaes  “torres ximielgues” o WTC (Centru Mundial de Comerciu) en Nueva York, l’orixe de la muerte y destruición taba mui atrás nel tiempu. Paradoxes de la vida, too entama colos vieyos enemigos de la guerra fría, los soviéticos, cuando aportaron a Afganistán en sofitu del gobiernu revolucionariu de turnu, lo que permitía a los soviéticos siguir col sueñu de los zares d’alglamar una salida xeográfica a les agües más caldies del océanu índicu. Cola aída al gobiernu de Mujamad Tarik y de Nayibulá, los soviéticos espurríen la so influencia na zona, faciendo pinza cola India, sobre la República de Pakistán, potencia nuclear amiga del antiguu amigu chinu y, d’aquella, incómodu vecín pa la URSS, col que teníen frecuentes engarradielles na frontera cola Mongolia prosoviética.

 

Esta película, basada nos fechos reales de la vida del congresista norteamericanu Charlie Wilson amuesa cómo los United States of America armaron a los muyaidines con armamentu amañoso como pa forzar, en nueve años, la salída de la URSS d’Afganistán, pero fueron incapaces d’invertir en meyorar la vida del pueblu, colo que aforrando poques perres, dexaron el campu llibre pa que xubieren al poder los “Talibanes”  y otros movimientos islamistes xabaces entrenaos polos norteamericanos na guerra escontra “l’infiel” y “atéu” soviéticu. Los norteamericanos metieron la patuca y traxeron la desgracia tanto a Afganistán como al restu del mundu y too, sigún la película, por aforrar les perres de facer escueles y carreteres.

Pues espurrir información nesta entrada del 3 de xunu del 2017 entitulada  EL MAL ESISTE. Bin Laden y compañía...

L'Orixe víricu del cáncanu

Al entamu del mio currículu científicu el cáncanu (cancer, n'inglés)  veíase, única y esclusivamente, como dalgo d'aniciu xenético. Cuando estudiábemos el sarcoma de Rous o el de Kaposi, s'intuía que los daños nel ADN yeren los responsables de la falta de control nel espuxigue celular. La falta d'inhibición por contautu ente membranes y d'apoptosis, o muerte programao, dicíase que yera una falta de comunicación ente l'ADN y el complexu de traduición d'aquél a proteínes funcionales, por aciu los ribosomes. Sicasí, dalgunos estudios yá apuntaben a virus como'l "Fagu-T" como responsables de la cancanización tisular. Esti resume esbillao de "La Nueche Temático" de la canal española La2 abri la puerta a los científicos que caltienen que l'orixe de dellos cáncanos son infeiciones víriques y/o bacterianes. 

¿Tetes o témpores? El poder de la mamiella

Esti vidiucartafueyu que punxo la canal española La2, nel programa "DocumentosTV" y tituláu " "Mamielles, un valor engrandando", alrodiu de les mamielles, ye interesante. Dalguna reflexión hai que trayer, masque lo meyor ye dexar que la xente espurra les filies y fobies qu'ello-y pua causar. De toes formes, un bon reportax tien filies, fobies, espertos y militantes de toa triba. Nesta imaxe hay una moza que ta escontra les tetes, 3 espertos y el resto ta contento colo que punxo. Hai premiu si sois a dixebrar a estos personaxen de la tira cómica

Darréu mángovos el vidiucartafueyu dixebráu en 2 capítulos pa que la carga seya posible.

PARTE 1

PARTE 2

Sexu na campaña de la nada

Simpática foto de lo que ye elexir ente peste y malaria

Ma, namái una... (y tuvo de tocáme)

La figura maternal na especie humano resume en sigo tola sabencia del xéneru femenín. Conoz de les artes de seleición "selectivo", del amor interesoso y del amor incondicional. Too ello alliñao cola sabencia remanaora de quien conoz la neurona masculino y, poro, algama tolo que quier por aciu la sabia mezclienda de psilocoxía inverso y tensión sexual. Nesti vidiu de la serie Big-Bang, una ma vien a rescatar al fíu del mal d'amores, con gracia y inxenio. Pretosa reflesión de lo que ye, y lo que sabi, una ma. Que vos preste.

L'atraición sexual: al final, somos llibres d'amar, o non

Más allá del llamáu “xen de la monogamia” y los equilibrios hormonales que dicin regular l’estáu de namoramientu, a la llarga, l’amor ye un compromisu nel qu'hai dalgo más de lo puramente biolóxico.
Ta bien saber cómo furrula 'l motor d’un coche, pero a la llarga, nun ye’l motor, nin la mecánica xenreal del inxeniu, lo que fai que l’autu vaiga del punta A, a otru, B. Son les manes, el celebru, la voluntá del home que lu remana lo que fai que tola maquinaria, furrulando, se desplace. Neto que col amor.

Más allá de los atopos sexuales, prestosos y/o gratificantes, hai un requexu especial nel que los sexos necesiten costruir dalgo relevante y duradero. Nesi edificiu puen usase munchos materiales (intereses económcos, mieos a la solitú o carencies, planes de futuru, etc) Pero, daveres, nun importen tanto los materiales como la calidá de los mesmos. A la llarga, l’edificiu que ye l’amor cumplirá un destín que trescenderá los porgüeyos de los costructores, tresformando un cenciellu fin inmediatu en dalgo mediáticu o teleolóxicu, dacuando, inmaxinable.

D’otra banda, la relación humano d’amor ye dalgo más que’l sexu. Masque nun seya científico, hai un aspeutu non menos real: hai pautos espirituales que se cumplen cola persona amada. Pero eso va a ser oxeto d’otres entraes, artículos y vídios nesti, o notros, espaciu d’opinión.

 

DIR AL ENTAMU DE LA SERIE "CIENCIA DEL SEX-APPEAL"

L'atraición sexual: promiscuidá, infidelidá y amor para siempres

 

VIDIU SIGUIENTE

L'atraición sexual:¿hai sitiu pal amor?

 

VIDIU SIGUIENTE

L'atraición sexual: les hormones de l'atraición

 

VIDIU SIGUIENTE

L'atraición sexual: les copulines y otres hormones sexuales

Ta bien saber que, homes y muyeres, nun somos tan llibres como parez, a la hora de foyar. Sicasí, nun ye desagradable caer nes garres de la química sexual.

 

VIDIU SIGUIENTE

L'atraición sexual: l'atopu preliminar

L’atopu sexual requier estratexa, y inclúi una guerra bioquímico incosciente ente los sexos copulatorios. Supónse que ye una caza pal home, y una elleición pala fema. Dambes coses asoceden, pero hai muncho más...

 

VIDIU SIGUIENTE

L'atraición sexual: l'arume nel sexu

Hummm. ¡Qué bien güel la pareya! Y nun fai falta gastar perres en caros arumes d’importación.

 

VIDIU SIGUIENTE

L'atraición sexual: la importancia de la socioeconomía.

Arreblagando perriba los atopos sexuales circunstanciales, coscientemente pautaos como de puro divertimentu y folixa, primero d’abrir les pates, la muyer tien de tar segura de que l’home que-y pue facer un nenu ye’l meyor reproductor. Y ser el meyor inclui el tener la meyor posición social y económica de les posibles, nel so planu d’elleción. Depués pue venir l’amor.

 

VIDIU SIGUIENTE

L'atraición sexual: saber venderse y saber comprar

Meyorar les posibilidaes d’elexir y ser elexío ye tan vieyo como’l llover. Ellos y elles mentirán. Él quier foyar cola muyer más guapa, y facelo con munches para asegurase de que los sos xenes pasen a una nueva xeneración. Ella, que sufrirá 9 meses de xestación y munchos años de cría, necesita seguridá económico-financiera y proteición xerneral. En realidá, naide s’engaña...

 

VIDIU SIGUIENTE

L'atraición sexual: la voz de sexo

La voz diz más de lo que parez. Nun son les pallabres la única información qu’emitimos cuando participamos del cortexu sexual. Les ondes sonores dicin más de lo que podríemos maxinar.

 

VIDIU SIGUIENTE

L'atraición sexual: l'empareyamientu o la llucha polo meyor

Nesti cachu vidiu p

Publicar entrada

odemos ver cómo, nel xuéu del empareyamientu humano hai muncho d’interés y autoestima. Vemos, cómo’l valor que caún tien de la so realidá, (y esi valor tamién depende de lo qu’otros valoren d’ún mesmu) determina les posibilidaes reales d’algamar la pareya deseyable.

 

VIDIU SIGUIENTE

L'atraición sexual: el movimientu de los cuerpos

El movimientu d’un animal diz muncho d’esi animal. Nel casu humano, homes y muyeres tienen motilidá dixebrada acordies col so espuxigue estructural, reguláu poles hormones, y tamién polo que quieren algamar con esi movimientu. Nel xuéu de la reproduición humano, elles y ellos camuden andares y maneres de movimientu pa ser más guapos o deseyables. Veámoslo...

 

VÍDIU SIGUIENTE

L'atraición sexual: belleza y simetría.

Hai que tener claro que somos lo que fueron aquéllos humanos que trunfaron nel so maraballu reproductor. Aquellos que meyor lo fixeron pasáronmos costumes y vezos reproductores. Nesi imaxinable pasáu, solo aquellos individuos bien fechos, o si se prefier formular en negativo: non maliguaos, contribuyeron al futuru de la especie cola so simetría y bona apariencia. Veamos cómo lo desplica el vídeu...

 

VIDIU SIGUIENTE

La ciencia de l'atraición sexual humana. Foyar tien el so aquél.

Pa los homes, les muyeres son un misteriu dende la nueche de los tiempos. Pa les muyeres, los homes solo quieren una cosa, cuando tan con elles. ¿Ye la cosa tan rebesoso, y tan cenciello, como parez?
Va tiempu que los llaboratorios trabayen na bioquímica de los sentimientos humanos pues la psicoloxía nun ye  mas que la espluma (per otra banda, prescindible y inútil) d'un mar esconocíu. Frente a la especulación y pallabrería  valero de la piscoloxía, la sacrosanta ciencia desendolca una disciplina que trabaya n'esficies d'atopar rempuestes a les entrugues que trai la realidá sexual humano, entre otres realidaes. La rempuesta a too, tanto lo divín como lo humano, ta nel celebru, diz esa ciencia.

Dalgunos llibros de divulgación científico d'ésitu recueyen munches investigaciones que, alrodiu emociones y sentimientos sexuales humanos se van faciendu nel espurríu campu de la neurociencia. Ún de los autores de más ésitu nestos últimos años ye la doctora Louann  Brizendine col llibru "El Celebru Femenín" (2006), al que siguió darréu, amparáu pol ésitu d'ésti, el del home (2010) con menos puxu en ventes. Nestos llibros, aparez el comportamientu sexual humano como daqué previsible, biolóxicamente congruente cola realidá animal que somos, con un ciertu aire de determinismu en cuanto se diz que somos lo que somos, y actuamos como actuamos, porque too se reduz a un cóctel d'hormones y reaiciones químiques celebrales.

Esti videocartafueyu del añu 2008, emprestao del programa La Nueche Temático, de la canal española La2, entituláu "La Ciencia del Sex Appeal" recueye muncho de la sabencia de la neurociencia humano y desplica, perbién, tol procesu del movimientu previu a la reproduición sexual del home, ye dicir, los prolegómenos que comprende la l'atraición sexual, la cita, la valoración del pretendiente, l'empareyamientu y la fodienda. Dicho lo cualo, vaigamos por partes y taracemos el densu trabayu nos pasos que sistematicen el procesu d'empareyamientu humano, a saber:

•    belleza y simetria
•    el movimientu
•    la elleición pal empareyamientu
•    la voz de los sexos
•    como vendese meyor y meyorar lo esistente
•    la importancia de lo socioeconómico
•    l'arume corporal
•    l'atopu o cita
•    les copulines y otres hormones sexuales
•    hormones de l'atraición sexual
•    l'amor, más allá del sexu.
•    promiscuida, infidelidá y amor pa siempres
•    monogamia y voluntá

Vaigamos col entamu...

 

SIGUIENTE VIDIU

Educación sexual en represión mental

Simpático videu de la serie de dibuxos animaos "American Dad" que fai camentar alrodiu de les consecuencies de la demonización sexual. De la cosideración del sexu como un problema con implicaciones relixoses vieno muncho mal. Fortunosamente, comer y foyar too ye entamar y el mundu sigui dando vueltes, superpoblándose hasta que muerra d'inanición. Veámoslu...

Camudar dictadura por democracia ensin violencia.

Esti cachu del programa de DocumentosTV de la canal española, La2,  ye bien amañoso daos los tiempos d’esmolecimientu y violencia que se vivi en bona parte del planeta. El resume fai pensar, y acudir en cata del llibru de Gene Sharp “De la dictadura a la democracia”, lo cualo pues facer calcando nesti enllaz, si ye que furrula o ta operativu.

Dafechu, desconocía la obra d’esti pensaor. Primero de tener noticies d’él, simpre comenté nos mios trabayos, cuando reflesionaba alrodiu de la violencia opresora y los rexímenes totalitarios, que la fuerza de los verdugos ye la febledá de la víctima pero, por embargo, hai munches más víctimes que victimarios ¿cómo yera posible arreblagar perriba esta situación.

Esti autor, nel so llibru, da erbíes y alfayes cencielles pa llevar, darréu, la estratexa lliberadora de la opresión y la esclavitú, seya de la triba que seya. El movimientu esti, ye evidente que ye amañoso pa encarar una llucha cívica  y, poro civil, escontra la maldá y la malura político que tanto esprurre pel malfadáu planeta Tierra. Insisto, primero de too, trátase d'una actitú cívica y humanista, en tanto se trata de meyorar el futuru de la humanidá, pasín ente pasu, con xusticia y bonalidá.

La elleición de pareya sexual: Tantu tienes, tantu algames

Munchos son los factores que trabayen nel campu biolóxico del animal que somos, cuando, en cata de pareya sexual escoyemos, o somos escoyíos. Esti esperimentu del profesor de la universidá d’Ärizona, DOUG KENRICK amuesa, con simpatía, cómo furrula  la elleición de pareya, en términos xenerales. Como diximos, hai munchos más factores, que diremos esbillando notros cachos de vidiu esbillaos d'esti trabayu sobre la bioloxía de l'atraición sexual ente humanos.

Trenta años d l'Academia de la Llingua Asturiana

Nun esperaba esti reportaxe de la RTPA alrodiu los trenta años de la criación de l'Academia de la Llingua Asturiana. Y ello, porque toi avezáu a vivir nun pueblu ensin alcordanza (fortunosamente, ye malura que tien igua :)

¿Per ú entamar el socialismu?

Reflesión prestoso de lo que-y falta al socialismu "real" cuando ye velea totalitario.

Too tien desplicación o por qué les muyeres del mediu oeste d'USA son rubies

Nun sabía de colonización nórdica nos carros qu'aportaron al mediu oeste norteamericanu. Ellí, de mano, taben dalgunos españoles y fíos de la mezclienda india y española. Claro que hay que lleer el llibru "Banderas lejanas" pa dase cuenta, cabal, de lo mucho que fixo España peles tierres norteamericanes y d'Alaska.

Simpática escena de la serie de celebros mozos y inadaptaos BIG-BANG

Ye mui pelligroso ser inteleutual

Nesti cachu de la peli "La vida de los otros", la escena fala por sigo mesmo.

Dalgunes opiniones alrodiu la "llerciocracia": el poder del miéu

El poder de la llercia o, "llerciocracia", ye muncho cuando la sangre del sistema económicu actual ye, xusto, lo contrario del miéu: la confianza. Por paradóxico que pareza, les grandes fortunes se críen gracies a la llercia, y non a la confianza pues ye'l miéu lo que fai que los que tienen información privilexao puean acotar grandes corripies de negociu en porgüeyu propio. Seyendo ciero que, en tiempos de dibilluriu y duelgu nun combién facer mudanza, nun lo ye menos que, aquéllos que puen facela, seya por tener medios financieros y/o por conocer de contautos amañosos, muden y camuden a meyor vida económico. Y, sinón, abasta estudiar cómo s'aperiaron les grandes fortunes conocíes. Esti cachu vidiu de la canal "La Sexta" entrevista a dos persones que ponen dalgo de llume na crisis del 2009 que, nel 2012 tovía dura, y tien barruntos de durar muncho más de lo deseyable.

Edificar na llamarga...

Esti cachu de vidiu de la tercera parte de la triloxía "El Padrín" ye prestoso. Diz el manguán que quien costrui sobre'l pueblu lo fai sobre llamarga. Eso piensen munchos, n'especial los políticos indecentes. Aunque sean pocos, train muncho mal a munchos.

Mala xestión económica y impunidá de la aristocracia política española

Nesti añu de gracia, décimosegundu del segundu mileniu depués de Christu, dalgunos reponsables políticos afiten la polibilidá de facer penalmente punible el marafundiu de les perres públiques, ye dicir, la mala xenstión económico-financiera que fain los políticos de los dineros públicos. Puesto que los políticos fain la llei, duldo permuncho que vaigan facer dalgo que-yos puea llevar a la tayuela de los acusaos.

Los políticos desalmados y corruptos, o corruptores, quieren que eso que llamen “democracia” llave los sos pecaos materiales (perres, influencies, prebendes) colos votos de los incautos ciudadanos, embabayos cola comeniente ideoloxía que-yos alministren, cuala droga estupefaciente (nota: estupe-faciente = facedor d'estupidez o estupidificador), pa que nun se decaten de que, ellos, ciudadanos con cargu y mandu en plaza, roben y marafundien el trabayu de tolos otros ciudadanos.

Esti resume d’un reportax de la canal Antena 3, plantea la sinvergonzonería y pilforrería de tantos y tantos representantes políticos, y financieros que roben ensin cuentu al abeyu de los políticos que-yos protexen. ¿Persecución penal al políticu mal xestor? Yá se cuidarán de facer una llei escuro abondo como pa que puean escapar coles perres a buena guarda.

La solidaridá mercantilizao o el fraude alemán nel negociu del tresplante.

Ye esmolgante la incuestionable privatización de ciertos servicios y prestaciones médiques, pero ye, tovía, más ariciente ver la potencial mercantilización tocante a los “repuestos” biolóxicos pal home. Mientre n’USA ye normal pagar por too, n’España los tresplantes de muérganos y partes anatómiques humanes son gratuitos acordies col Plan Nacional de Tresplantes. Pero’l negociu que munches empreses barrunten ye tentaor y, como n’España la solidaridá ye grande y los pininos asturianos, munchos. Ya vieno per equí, Asturies, una empresa alemano en cata de facese con una base d’información tisular pa comprar y vender material tresplantable. Eso sí, fíxolo amparándose na solidaridá de los asturianos pa con un enfermu d'Avilés. Vaya cabrones estos alemanes. Abogosu futuru alguarda al que, amás d’enfermu, seya probe.

La noticia que denuncia la impudicia d'esta empresa alemana de tresplantes ye esta:

Xeneración perdío y crisis del 2009

Si mangamos “xeneración perdío” nel restolaor “google” atoparemos munches entraes, pero poques sobre lo que ye una realidá n’España. Lo meyor de la mocedá d’esti país va camín d’esllarigase n’esficies d’un futuru meyor que, obvio ye dicilo, nun-y ufre la España de la crisis. Paradóxico ye, como diz la perio-lista, qu’enllenos d’estranxeros, agora seyan los españoles más preparaos (aquellos en que s’invirtieron bones perres n’educación y cultura) los que coles pa arriquecer a otros países y horizontes.