Una misión, como otra cualaquiera

Diz un salmu que too, baxo’l cielu, tien el so intre. Y seyendo ello cierto, nun lo ye menos el que nun too intre tien el so tiempu.

Na concatenación inabolgable de causes que llamamos destín, nun siempre gozaremos de la oportunidá de dedicar un cachu de la vida (lo que val dicir, tiempu) pa aquello que, de xuro, diba a ser de lo más granible na vida que tendremos. Pero hai un consuelu: nada se pierde, pues toa aición cumple una misión nel mosaicu de la vida. Sicasí, convién nun perder muncho del camín que llevamos, masque podamos tirar per caleyes o corredories que veamos de la que lu siguimos, si ye que mos peta facer turismu.

Nesti cachu película, n’español americano, a un home se-y da la oportunidá de servir a los otros, pero en cuentes de decatase d’ello, y facelo, se pierde na autocompasión y la comodidá del vivir una vida egoistamente escluyente. El títulu del film ye “ghost town”, la “ciudá pantasma”, y costitúi rescamplante reflesión sobre l’espuxigue personal cuando ún piensa, primero de too, nos otros.

Daveres que nun se mos desixe ser santos, nin muncho menos dioses menores. Solo dar la manu cuando fai falta. Nun ye mucho, la verdá. Y, magar de nun selo, son incontables les manes que van al furacu vacíes, valeres d’una ayuda que podríen dar, pues se-yos pidió.

Ye’l nuesu derechu voltiar la cara pa nun ver la necesidá del otru. El dolor, la miseria, la maldá o bondá. Tenemos esi derechu. Pero tamién convién reflesionar sobre si esi voltiar la cara fai, o non, un mundu meyor, o más vivible. Tu, y tu tamién, elixes cómo vivir el mundu que toos vivimos o viviremos.Diz un salmu que too, baxo’l cielu, tien el so intre. Y seyendo ello cierto, nun lo ye menos el que nun too intre tien el so tiempu.

Na concatenación inabolgable de causes, que llamamos destín, nun siempre gozaremos de la oportunidá de dedicar un cachu de la vida (lo que val dicir, tiempu) pa aquello que, de xuro, diba a ser de lo más granible na vida que tendremos. Pero hai un consuelu: nada se pierde, pues toa aición cumple una misión nel mosaicu de la vida. Sicasí, convién nun perder muncho del camín que llevamos, masque podamos tirar per caleyes o corredories que veamos de la que lu siguimos, si ye que mos peta facer turismu.

Nesti cachu película, n’español americano, a un home se-y da la oportunidá de servir a los otros, pero en cuentes de decatase d’ello, y facelo, se pierde na autocompasión y la comodidá del vivir una vida egoistamente escluyente. El títulu del film ye “ghost town”, la “ciudá pantasma”, y costitúi rescamplante reflesión sobre l’espuxigue personal cuando ún piensa, primero de too, nos otros.

Daveres que nun se mos desixe ser santos, nin muncho menos dioses menores. Solo dar la manu cuando fai falta. Nun ye mucho, la verdá. Y, magar de nun selo, son incontables les manes que van al furacu vacíes, valeres d’una ayuda que podríen dar, pues se-yos pidió.

Ye’l nuesu derechu voltiar la cara pa nun ver la necesidá del otru. El dolor, la miseria, la maldá o bondá. Tenemos esi derechu. Pero tamién convién reflesionar sobre si esi voltiar la cara fai, o non, un mundu meyor, o más vivible. Tu, y tu tamién, elixes cómo vivir el mundu que toos vivimos o viviremos.