FINCH, un posible final del home

Los "USAnos" tienen munchu enfotu nes películes del fin del mundu. Diría que tienen un lláu morboso alrodiu la muerte, y ello cola sida de ganar perres presentando finales de la civilización. Dende un fríu xelante a una griesca nuclear, dende una malicada vírico a una catástrofe espacial. Nesti casu, la cosa vien pol españíu solar d'una erupción lletromagnético que fraya la capa d'ozono y dexa el cielu de la Tierra enllenu furacos pelos que cai la radición ionizante d'alta potencia qu'esgoncia lo biolóxico. Y un home, Tom Hamks, na solitú de l'esbarrumbe, malpenes sobrevive rapiñando lo que queda d'un territoriu ermu de vida y agua. L'usu d'un volquete pa movése ya ye raro, dao lo muncho que consumen esos mostruos mecánicos, pero va bien pa l'entamu la película. El canciu "American Pie" echa un gabitu pa centrase nel horror del fin del mundu, y la imaxe inicial d'un tapacubos de la rueda d'una xarré, y la d'un carru de la compra tiráu y desfechu, abandonáu al airón sabero, ya adelanta el fin del consumismu, o seya, de lo que parez ser importante al home urbanita d'anguaño: les compres, o el comerciu en sentíu espurríu. Un final bíblicu típicu pa reflexiona alrodiu l'amistá ente home, perru y máquines. Pero tranquilos: siempre mos quedará l'antiguu oeste hispanu de la Alta California.

LA PELÍCULA "RON TA ESGONCIÁU". Un mundu infantilizáu camín de la esclavitú, o non.

 RON TA ESGONCIÁU (2021).

Esta ye una pelicula pa adultos. Los neños qu’apaecen nella nun lo son. Son adultos infantilizaos que vivin nuna socieciedá cuchada pola fartura de lo valero ya inútil. Somorguiaos na solitú más raigañoso, el ciudadanu dexa de ser home llibre pa camudar en consumidor o arreyáu  al mercáu consumista o gobiernu totalitariu. Ún de los personaxes remembra a Guille Portielles, y la empresa ye neto qu'el "Llibrucares" del "zucaor". El control de la vida privao, amás de descarao, ye consecuecia llóxico de la perda d’intimidá y soberanía personales que la xente, incosciente, asume como preciu de la prestura por usar los nueos xuguetes ellectrónicos (telefonía, internet, aplicaciones, redes sociales, etc) . Una reflexión en forma de dibuxos animaos que pue permitir decatáse de lo real que ya ye vivir nuna sociedá na que l’esclavu cibernéticu ye cosa d’anguaño y el futuru de velea qu’imaxió Orwell nel so llibru “1984”, ya tá equí, o cuasi.

Esta es una película para adultos. Los niños que en ella se ven son el espejo de una sociedad infantilizada, una sociedad castrada por la opulencia de lo inútil, en la que se advierte la soledad más radical y el mercantilismo más atroz. El individuo, infantilizado o no, ya no es ciudadano sino consumidor o sometido, es decir, esclavo del mercadeo consumista que está en manos de empresas, o de gobiernos totalitarios. Uno de los personajes es, claramente, un alter ego de Guille Puertas, y el control de la vida privada está en manos del Librodecaras, descaradamente. Una película que va más allá de lo que parece al hacernos reflexionar sobre el precio de la intimidad y privacidad, y el sometimiento del hombre a la maquinaria totalitaria de lo cibernético. El futuro que imaginaba  Orwell en su libro “1984” ya está aquí, o casi.

Va en tres entregues pola mor de los pilancos en megues del blog.

EL DÍ QUE LA MÚSICA MORRIÓ (Don McLean - American Pie)

 Don McLean - American Pie (lyric in asturian and english  video)

SABENCIA DE VIDA: CÓMO YE VIVIR NUN BARCU N'USUAIA (Patagonia Arxentina)

 Esta esbilla d'un videu del "youtuber" Pablo Imhoff amuesa la filosofía de vida que caltién un collaciu que decidió vivir nun barcu atracáu nel puertu arxentín d'Usuaia. ¿Cómo ye esa vida? Siempre tuvi curiosidá sobre cómo sería vivir dafechu nun barcu y esti videu da una idea aproximao de lo que supón, de lo que se gana y de lo que se pierde. Yo nun veo más que ventaxes, si nun tienes mareos,claro. Por si daquién tien curiosidá cuando se fala de pesos arxentinos, la conversión de moneda al € ye d' un euro a 115 pesos.

"MADRE PATRIA" de Marcelo Gullo. LA GRANDEZA DE LES ESPAÑES AMERICANA, EUROPEA Y AFRICANA.

El profesor Marcelo Gullo Omodeo, céllebre autor del llibru LA INSURRECCION FUNDANTE, nos presenta un perprestosu trabayu baxo'l títulu "MADRE PATRIA, desmontando la leyenda negra". Esta ye la entrevista que-y fai Carlos Herrera na emisora espñola COPE.

Nesti trabayu, D. Marcelo Gullo mos lleva a viaxar al pasáu, al intre decisivu na historia de tolos países hipanofalantes y aprovecha el viaxe pa meter el bisturí históricu desaperiando el montaxe de propagando más fabulosu que se fexere escontra d'una nación que nun podía ser derrotada militarmente y que, poro, había que intentalo faciendo lo qu'anguaño conocemos como FAKE NEWS, esto ye, una falsificación fecho con xuntura de mentires y propaganda que fixo posible que los propios españoles se sintieren autores y axentes del orixe d'esa propaganda escontra la inmensa llabor constructora, civilizadora y relixosa qu'España dexó en tierres hispanoamericanes, y tamién africanes. Asina se destruyó l'autoestima de la hispanidá. Y el últimu clavu nel cagüercu foi la sustitución del términj "hispanoamérica" pol inventu francés de "latinoamérica" como forma d'alienar inda más los llazos de sangre y históricos de les dos Españes, l'Americana y la Europea.

Considero a D. Marcelo Gullo, xunto con D. Patricio Lons, ún de los meyores tratadistes alrodiu la infamia de la llamada "Llienda Prieto Española". Na dedicatoria del llibru cita lo siguiente:

"a Alfonso Guerra, María Elvira Roca Barea, Aquilino Duque, Frigdiano Álvaro Durántez Prados, Santiago Armesilla, Javier Portella y a todos los españoles que se atrevieron a enfrentar la leyenda negra.  A la memoria de José Enrique Rodó, Manuel Gálvez, José Vasconcelos, Manuel Baldomero Ugarte, Rufino Blanco Fombona, Vicente Sierra, Jorge Abelardo Ramos y Juan José Hernández Arregui, que lucharon hasta el final de sus días contra la falsificación de la historia de Hispanoamérica." 

Dios bendiga a los homes bonos y qu'España recupere la so autoestima na dimensión histórico Americano. Y que xunto colos hermanos españoles de l'América hispana, el mundu hispanu pueda ocupar un puestu ente les naciones y civilizaciones qu'anguaño dirixen la política mundial y creen riqueza y civilidá. Xuntos yéremos grandes, dixebraos, tercermundistes.

DESPLICANDO, CIENTÍFICAMENTE, L'ORIXE DE LA IDEOLOXÍA DE XÉNERU.

Na canal de DarthThunder, en Youtube, hai esti interesante vídeu alrodiu de la ideoloxía de xéneru. Nél se desplica, científicamente, qué ye eso y qué oríxenes y consistecia científica pué tener. A diferencia de los trabayos d'Agustín Laje (quién desplica el fenómenu dende'l puntu vista políticu y filosóficu) DarthThunder s'enfota en desmontar esa ideoloxía dente los puros datos de la ciencia biolóxica y médica, solmenando bien a psicólogos y psiquiatres como fonte d'aberración y puzcalabre. Tarazo el videu en dos cachos pol pilancu de nun poder pasar de los 100 megues.

1/2

2/2

ANTONIO ESCOHOTADO: COMUNISMU, MERCÁU y LLIBERTÁ

 

L'autor y pensador Antonio Escohotado dio esta charla nel 2014 na Feria del Llibru de Bogotá. Nesti actu se facía la presentación de la so triloxía (daquella nun taba completa ya que taba trabayando el tercer tomu) alrodiu de "Los Enemigos del Mercáu", asina como del llibru sobre drogues y psicotrópicos. D'esa conferencia esbillo la reflexión que fexo sobre el COMUNISMU, el MERCÁU y la LLIBERTÁ en xeneral. Marx odiaba el méritu y la diferencia, quería una sociedá inmóvil que beneficiara a los suyos, y soñaba algamar aquello cola violencia y los asesinatos qu'afogaron la llibertá naquellos llugares en que se fexo l'esperimentu social igualitariu.

La historia personal de miseria y pilforrismu de quienes aparecen como grandes padres del progresismu ye ablucante. Que Marx consintiera que morrieren los sos tres fíos por nun querer trabayar, o que tolos pensadores del igualitarismu socializante fueren seres odiantes y parásitos sociales, vividores a costa de padres y muyeres ye dalgo que se debería tener mui presente cuando te falen quienes venden socialismu o comunismo, (o fascismu y nazionalsozialismu como fíos menores d'esi socialismu) que, bramente ye mercancía averiao.

Vei el videu, y aprovecho pa mangar un enllaz pa baxar el llibru LOS ENEMIGOS DEL COMERCIU, si ye que nun lu pilanquen...