El poder de la muyer, que ye muncho, que ye etenro...

Un cachu vidiu divertíu, de relación sentimental ente, inteleutualmente, iguales de la serie norteamericano Big Bang Theory. En realidá, elles siempre tuvieron, y tienen, el guía del carru relacional. Mui cierto que la enerxía femenino va ocupando más y  más faces de poder y territoriu. Interesante.

Acosu moral, sexual, llaboral, políticu...

Hai unes feches, comentábame una collacio sobre un procedimientu d’acosu llaboral.

Nun hai que menospreciar la fuerza del escuru trabayu del acosaor. Nesti cachu película vemos, cómo ‘l políticu de turnu, enfotáu nes presuntes duces carnes de l’actriz, entamana duviellu d’intrigues del que la malfadada muyer nun va safar nin desenguedellar. Cuando los poderosos echen l’arma’l güeyu y fixen la presa, hai poques esperanzes d’igua, sinón s'enfila la fuxida, pura y dura, mundu alantre. Nun siempre va a ser posible la rempuesta penal y, según y como, frente a la violencia del agresor nun se va a poder oponer muncho más que la fuerza moral o ética. Pero nun s'engañar: febles son estes muries cuandu el mal se mueve nel relativismu amañosu, aquél que fai xustificable toles coses acordies cola collor del cristal con que se miren.

Veamos el vidiu.

Esaniciar a una cerrica....

La fama de los alemanes, como testoronos y cumplidores, tresciende la tópica y, como tolo que ye muncho, tamién  ye lo menos. Como mui bien se ve nel aguafuerte «El sueño de la razón produce monstruos» del pintor Francisco de Goya, la conceutalización d’un bien, impuesto a espetaperru, suel llevar a una inxusticia que ye pior que lo que se quier iguar col movimientu d’imposición. Neto que na película To Kill a Mockingbird, "Esaniciar a una cerrica",.......

....nesti cachu de “La vida de los otros”, (masque nésta se trata de racismu "políticu" en cuentes del racismu "de piel" del film de Gregory Peck) l’axente de policía de la Stasi, escudu y espada d’un sistema presuntamente bonal pa l’home (cualu yel socialismu), decátase del desastre al que va un sistema que mata la llibertá inteleutual. En resume, ve la probeza que vién de la persecución sistemático al home que piensa dixebrao del sistema qu’otru home define como l’únicu posible. Veámosla.

El bon axente de seguridá...

Na película, "La vida de los otros" esprésase perbien lo que ye un bon axente. Un bon axente lo ye con independencia del amo al que sirve. Eso llámase "escelencia" o, "l'acabóse".

Diremos esbillanos dalgunes reflexiones con esta prestosa película dirixía por Florian Henckel von Donnersmarc

El futuru, que ye presente

Da pa camentar esti vidiu de xirigoncia. La verdá, por amargurio que seya, nun hai porqué comela a disgustu. El programa de fin d'añu del 2011, de la canal de televisión española, La1, traxo esta reflexón interesante. "Sic transit gloria mundi", dixo el poeta clásicu. Y, también, "aliquando insanine iacundum est". Pues eso.

21 centímetros ente tetos...

Aquella película falaba del pesu del alma, unos 21 gramos Nesti reportaxe de la canal española, La2, ye otra cosa lo que val 21. Trátase del espectáculu del Crazy Horse, que, amás d'espectáculu, da en focicu del facismu vulvar una bona fostia de saber facer el women-power, como diz la directora xeneral del Crazy Horse,  Andrée Deisenberg.

¿Daveres nun mos damos cuenta?

Vivir ente mierda fai que seya normal la mierda. L'aire viciao nun lo parez si solo respires eso. Asina, emborricaos pola modernidá, con eso de que lo real ye lo que hai qu'espeyar pasamos pela vida, les más les veces, ensin decatamos de lo mazcayos que somos. Asina como falamos, amueblamos el celebru. Grande cosa ye pescanciar esto.

Y digo too esto pol esperimentu que fixi hai unos díes. Comparé les dos versiones, n'español, de la película "Ghost Town". Uno n'español americano, un español neutru qu'empleguen les productores de cine norteamericano pa vender el productu fílmicu neso que llamen "americas", y la otra ta en versión del español d'España. En cuantes les oyes,decáteste de porqué la xente colombiano que conozo, por exemplu, ye muncho más educao nel falar, con una mayor riqueza lléxico y unos modos de relación social de muncha mayor urbanidá. Pero meyor veamos los cachos de la peli que vos apurro.

Primero la d'España

Darréu, la de les amériques españoles

 ¿Daveres será meyor dicir "capullo de mierda" en cuentes de "reverendo imbésil". La versión n'español americano suena muncho meyor y, lo más importante, menos ofensivo en munchos pasaxes de la película, amás de siguir muncho más fielmente el guión, por exemplu, los carteles del techu tan meyor traducíos na versión americana mientres que na española queden coxos y faltos de xacíu polo curtio de la espresión. Y asina tola película, adviértovos. Cierto que tien dalgo de contaminación por neoloxismos y costruiciones del inglés pero nada ye perfeuto, baste dicir que na versión americana se fala de "carteles" mientres que na española se diz "poster" que ye un préstamo del inglés, innecesariu, teniendo la pallabra "cartel". La urbanidá y les bones formes, sí son fundamentales pa una convivencia bien "engradada".