El 14 de xineru de 1978 hebo, na Universidá Llaboral de Xixón, un acontecimientu que, sinón planetariu de los planetes planetoides, si foi un finxu nel anguañu estrincáu camín del, d’aquella llamáu, Nueu Canciu Astur. Como sociu de conceyu bable, fuimos un garrapiellu nenos a ver a Carlos Rubiera, al nietu de Celo-Xuan, a Berto Turulla, y a muncha más xente enfotao nel asuntu cultural asturianu. D’aquella actuación, realmente memorable pa min, editóse una casete musical, que tenía per casa atuñando polvu y escaezu. Garrela y pasé a mp3 la grabación. La calidá ye malo pero paga la pena polo históricu del asuntu. Nel so día, punxi nel Emule tol audiu pero agora, taracelu en cancios y mángovoslos nel blogue.
La ferramiento pa editalo en mp3 foi: un vieyu reproductor de casetes, con cabezal llimpiáu con alcol metílicu, cable coaxial amañoso, y un ordenador portátil col software All-sound-recorder, pequeñu pero amañoso programa. Sicasí, lo frayao del mantu ferroso de la cinta, ya barato de sigo, cuando se grabó nel so tiempu, nun permitió muncha calidá de soníu. Pa min que me salió la grabación saturao, pero nun quinxe meter el CoolEdit pa iguar lo iguable ya que paiciome que diba traicionar la realidá de la grabación. Eso déxolo pa quien tenga tiempu y ganes.
Lo cualo dicho, voi dir xubiendo los audios editaos como archivos de falsu vidiu, flv, ya que nun atopé meyor camín pa xubir los mp3s.
Que vos preste.
1. REMANECER
Publicar entrada
Hubo una segunda edición el 18 de Febreru de 1979. Además de Berto Turulla, Manolín, Xulio Ramos y Carlos Rubiera estaben Nuberu y Güestia del que yo formaba parte.( Tovía guardo la reseña del periódicu Asturias Diario). Tenía entendío que Berto diba grabalo pero non supe más del tema. Habrá alguién que tenga algun documentu sonoru?. Salud.
ResponderEliminar